• EN
  • اشراف أم حاتم
موسوعة الطبخ اكلات رمضان وصفات معجنات وفطائر رمضانية حشوة سمبوستي بالدجاج الرهيبة الي الكل اكل اصابعه وراها

حشوة سمبوستي بالدجاج الرهيبة الي الكل اكل اصابعه وراها

بواسطة: خديجه
تاريخ الوصفة: 17/07/2010

حشوة سمبوستي بالدجاج الرهيبة الي الكل اكل اصابعه وراها
http://photos.encyclopediacooking.com/image/recipes_pictures%D8%AD%D8%B4%D9%88%D8%A9-%D8%B3%D9%85%D8%A8%D9%88%D8%B3%D8%AA%D9%8A-%D8%A8%D8%A7%D9%84%D8%AF%D8%AC%D8%A7%D8%AC-%D8%A7%D9%84%D8%B1%D9%87%D9%8A%D8%A8%D8%A9-%D8%A7%D9%84%D9%8A-%D8%A7%D9%84%D9%83%D9%84-%D8%A7%D9%83%D9%84-%D8%A7%D8%B5%D8%A7%D8%A8%D8%B9%D9%87-%D9%88%D8%B1%D8%A7%D9%87%D8%A7.jpg

بسم الله الرحمن الرحيم

و الصلاة والسلام على خير الانبياء و المرسلين

كيف الحال يارب بخير بنات هذي الحشوة من تاليفي و كل من ذاقها تعجب و السر بقولكم عليه ان شاء الله

حشو الدجاج للسمبوسة

نوع السمبوسة : وردة ولا غوار العجين الاسمر الي مسويته المخابز مو الصناعي سويتز لان طعمه رهيب

يفرق عن سويتز بس كله زيت فسويها بالفرن بدون ماعون يعني على السلك و افتحي النار من فوق و تحت تاخذ اقل من عشر دقايق


الحشوة:

2 دجاج ام كيلو ( انا استخدمت ساديا المثلج) يطبخ بقدر الضغط لمدة 15 الى 20 دقيقة فقط ثم تترك لتبرد ثم تفصل العظام و تفتت الدجاج مو تفرمونها لا قطعوها مثل الدجاج المسحب

5 روس بصل احمر كبار تقطع بحجم متوسط عليها فلفل اخضر بارد كبير مقطع ايضا لحجم متوسط وهذا سر النكهه يا بنات بالفلفل

راس ثوم و 2 فلفل اخضر حار ينشال البذر منه حق الي ما يحب الطعم الحار و يندقون بالهاون

يندقون لازم عشان الطعم مو يفرمون هذي النقطة حيل مهمة

بهورات( فلفل اسود تقريبا ملعقة متوسطة، 2 ملعقة متوسطه بهارات مشكلة الي حق اللحم، ملعقة متوسطه زنجبيل مطحون عشان تشيل الزفر و تعطي نكهه حاره ، ملعقة متوسطه لومي اسود و بس)

و هذا الشي حيل مهم عشان يعطي طعم سبايسي يعني لاذع : 2 الى 3 ملعقة متوسطة من المعبوج

( احنا نسميه معبوج) و مكتوب عليه:

فيلفة حمراء مطحونة ( انا استخدمت ماركة درة) : تجي بقسم الشطة و الكجب و مو بكل المحلات ترا، شكلها: بقرشه زجاج و عليها صورة فلفل احمر حار و يكون مطحون مثل المعجون شكلها و شكل البذر باين طعمها حار

اذا ما عندك هذي تقدرين تحطين الي بشرايح المانجا ماركة الجمل بس الي بالفلفل الاحمر اروع

2 خل بحجم الغطاء، زبدة ملعقة كبيرة، ملح خشن


الطريقة:

يقلى البصل ة الفلفل البارد سوا بزبده و زيت عادي و اذا ذبل يوضع عليه الثوم و ينحمس ثم الدجاج و البهورات وكل الاشياء الاخرى من المعبوج و الخل و يقلب الدجاج و يحمس و يقلب و اذا احتاج للماء حطو بس لا تكثرون يعني احنا نبيه حشو

و اذا انحمس طمنو النار و غطوه عشان تتفاعل النكهات مع البخار ما ياخذ وقت لا تخلونه يحكك و بس

اذا برد الحشو حشو فيه السمبوسه تكون مفردوه و مدهونه بالبيض و ثم اشووها بالفرن و بس

و عليكم بالعافية

البعض يفضل الدجاج المفروم بس الله لا يعاقبني كبدي لاعت منه انا افضل الي يتفتت

ملاحظة : نفس المكونات هذي نفسها للدجاج المسحب الي ينوكل بالخبز بس بحشو السمبوسة نكثر بصل بس هذا الفرق.

و عليكم بالعافية


إرسال الوصفة