• ×

01:00 مساءً , السبت 19 أكتوبر 2019

قائمة


قصيدة محمد بن الذيب الا رحمك الله ياقلب على راس برقه بصوت حامد زيد mp3


إرسال لصديق
تحميل الملف من هنا


استماع وتحميل قصيدة الشاعر محمد بن الذيب الا رحمك الله ياقلب على راس برقه بصوت حامد زيد mp3

من ديوان شعر وألبوم الديوان الصوتي لقصائد الشاعر محمد بن راشد بن حسن بن ناصر بن الذيب ال ضاعن العجمي

كلمات قصيدة الا رحمك الله ياقلب على راس برقه مكتوبة

ألا رحمك الله ياقلب(ن) على راس برقه
مشبّعك وقتك حزن وقلوب خلق الله جياع

والي يعرف ان الغلا لو ان ما الله خلقه
ماكان لحظات التلاقي مثل لحظات الوداع

لازم يعرف الحب بالصدفه مع فرط الثقه
مثل السؤال المحترم من باب حب الاطلاع

ياللي لعبت بحسبة فوادي عسى الله يعتقه
قدام اعرف اني ولد عمك واخيك من الرضاع

في راس من تغليه واليا غاب دمعك تدفقه
وش حدك تضيق علي الحال وفجوجك وساع

ان كان ربي ما جمع شملك عسى انه يفرقه
قدام تاخذني على غفله بمجداف وشراع

لابارك الله في عزيز ما يزهب بندقه
اليا حداه الذل والدنيا ماهيب اكبر متاع

ولا دامك الله يا عشيق كل ماجيت اعشقه
ذكرني بصبر النبي وخونة ابناء قينقاع

وان قلت ياعزي لقلب(ن) من هوى البيض مرقه
جريت صوتي يامره وش له تذبين القناع

كانك تشوف اني تحت رجل السما المقلقه
لاحظ باني من ولدت وخطوتي في راس قاع

مانيب فيلسوف لكن شاعر له منطقه
أؤمن بحق منتسى ولا خطى جهل مشاع

ومن التجارب والسنين الماضيات المورقه
كثر السقوط يعلمك وش كبر قدر الارتفاع

اليا كتبت الشعر في صفحة غلاك المشرقه
عز الله اني ماحسبت يذاع ولا ما يذاع

صاحبك شاعر مستحيل ان اي شاعر يحرقه
دام الضمير الحي مثل العمر يشرى ما يباع

سكنت في قلبي وشاورته بعلم وصدقه
وشلون قنعته وانا مقنعه من دون اقتناع

دامك ليا من جيت لبتك العيون مبلقه
انا ليا مني هرجت احسن الي الاستماع

ما انا شيوعي في غلاك الا مزندق زندقه
تقتلني ام العاطفه واعيش قدر المستطاع

واهل الوجيه الباهته والشفه المتشدقه
لو يعذلون القلب عن درب يوصل لك ما طاع

اعقد حجاجي كل ما قفيت وان جيت اطلقه
وبين انعقادة حاجبي واطلاقته حرب وصراع

مثل البعير الي يشل الحمل ويصب عرقه
تشوفني بين التمام الشمل وشتات الضياع

وياحسرة في قلب مجرم هامته فالمشنقه
تاتي بقلبي كل ما شفتك تنوي بالوداع

ان كان يما اختار فالسندان ولا المطرقه
ما اموت من كف الذليل واموت من كف الشجاع

0 0 5.5K 01-06-2008

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy