• ×

07:38 صباحًا , السبت 29 فبراير 2020

قائمة


سامري mp3 : ناح الحمام وبيح السد مكتوم


إرسال لصديق
تحميل الملف من هنا


استماع وتحميل وكلمات - سامري mp3 : ناح الحمام وبيح السد مكتوم بدون موسيقى

كلمات السامرية للشاعر محمد عبدالله القاضي

نــاح الحـمـام وبـيّـح الـسـد مكـتـوم
ماحـن فـي هـافـي الحـشـا المستهـامـي

مدري طـرب يالـورق أو صـرت محـروم
أو بـك عـلـى فـرقـا وليـفـك هيـامـي

يالـورق مـا يخـفـى عـلـى الله معـلـوم
لوهـو خـفـي ٍ عــن جمـيـع الانـامـي

يالـورق مـا صابـتـك الايــام بسـهـوم
مثلـي ولا انـت بمغـرم ٍ فــي غـرامـي

حتـى تنـوح وترفـع الـصـوت وتـهـوم
تـبـدي شكـايـا مبـهـمـات الفـهـامـي

خــل النيـاحـه لـلـذي بــات مهـمـوم
مثـلـي يـجـاوب ساجـعـات الحمـامـي

والا انـت يـا ورق ٍ عـلـى راس مـزمـوم
مانـحـت نــوح معـقـلات ٍ ضـوامــي

مستانـس ٍ فـي بــارد الـظـل وتـحـوم
تـهـرف وتـشـرف عالـيـات العـدامـي

مـا صادفـك صـرف النيـا عـاد بكـلـوم
ولا ذقـت لـوعـات الـهـوى والغـرامـي

أنـا كثـيـر الـنـوح يـالـورق والـلـوم
مـن لا يـنـوح ومعتـنـي فــي مـلامـي

مـجــروح قـلـبـي داه ودواه مـفـهـوم
مخفـيـه عــن نـقـال ســدي وكـامـي

خـذ راي مـن لا يختشـي قــول منـهـوم
ينـشـا بعـلـم ٍ مــا نمـتـه الـنـوامـي

يالـورق مـن صـابـت ليالـيـه مـلـزوم
يجـفـا نـظـر عيـنـه لـذيـذ المنـامـي

بالله خــذ مـنـي مـراسـيـل وارقـــوم
مختومـة ٍ فــي طيـهـا لــي سـلامـي

عـد النبـات وعـد مــا خــط مـرسـوم
واعـداد مـا هـل المطـر مــن غمـامـي

واعـداد مـا يطـلـب مــن الله مظـلـوم
وعــداد مــا بــاولاد ســام ٍ وحـامـي

تحـيـة ٍمــن صـافـي الــود مـعـدوم
منـه الصـبـر .. كـنـه فقـيـد العمـامـي

ابـديـه بالترحـيـب بالـشـوق مـخـتـوم
خـتـم الغـوالـي غـالـيـات المـسـامـي

للجـادل اللـي جـاد لــي مـنـه مفـهـوم
رد الخـبـر عـنّــه بـلـيـا وهـامــي

انـه يسـل عنـي علـى غـيـر مـوهـوم
بيـنـي وبيـنـه مــا تهـيـا ولامـــي

عـزي لمـن ركـن الصبـر منـه مـهـدوم
عــزاه لــي والـلـي لمثـلـي دوامــي

سـهـرٍ يقـاسـي زود الافـكـار وهـمـوم
مــن زود لـوعـات ٍ تـفـت العظـامـي

مـن ســام جـنـس ٍ للغنـاديـر محـتـوم
يشريـه لــو يكـثـر علـيـه الزحـامـي

ومـن رام منهـن الوصـل بـات مـحـروم
يـقـدي ولا يـبـدي خـفــي الـكـلامـي

خـوف الحسـود أو واشـي ٍ يبـدي اعـلـوم
يـبـدي مـسـاوي خافـيـات الـعـلامـي

يـا مـن وشـى بيـن المحبـيـن بسـهـوم
حـكـي ٍ ولا خــص الحـكـي بالتهـامـي

تمـت وصلـى الله علـى خـيـر مـكـروم
أحمـد شفـيـع الخـلـق طــه التمـامـي

0 0 3.9K 03-23-2012

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy