• ×

12:34 مساءً , الإثنين 19 أغسطس 2019

قائمة


شيلة سجه مع الهاجوس mp3 متعب الفهادي


إرسال لصديق
تحميل الملف من هنا


استماع وتنزيل وكلمات شيلة سجه مع الهاجوس طبيعتن لي mp3 متعب الفهادي || كلمات : مبارك السبيعي

قصة هذه القصيدة كان الشاعر مبارك فايز البخيت السبيعي في بحره بمحافظة جده عام 1395هـ وكان بيته مفتوح لجماعته وجميع من يقصده ، وفي احدالايام سير عليه مسايير من جيرانه وقاموا ينصحونه عن الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وشبلاك يالبخيت عسى ما شر وش فيك وش تهوجس فيه قال نعم وقال القصيده

سجه مع الهاجوس طبيعتن لي
طبيعتن بموت ماجزت عنها

أشكي على الخلاق وارفع له ايدي
لاكثرت الأفـكار يفك منها

أما الكرم قد فاز به حاتم الطي
حتى الفرس منشان ضيفه طعنها

خلوني أكرم في حياتي وانا حي
ولامت مدري جثتي مـن دفنها

خلقت في الدنيا وانا مامعي شي
وبروح منهـا مامعي شي منها

مسكين ياللي تحسب الواجد شوي
والعافيه لوتنشرا وش ثمنها

ياجاهـل الدنيا تراها كما الفي
يامخبل اللي في حياته ومنها

إن ناحرت لك قامت تروح وتجي
مثل الذلول اللي طويلٍ رسنها

وإن دبرت خلتك طايح ومرمي
وكم واحدنٍ له حاجةٍ ما ضمنها

لابد ما نرحل عن المزح والغي
ونسكن بيـوتٍ قبلنـا من سكنها

النفس مثل الغصن عايش على الري
ولولاه كل الناس عافـت وطنها

يالله عسا الحسنات تقضي على السي
لاقربو للنفس ذرعة كفنها

0 0 89 12-22-2016

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy