• ×

07:43 صباحًا , الأحد 25 أكتوبر 2020

قائمة


مساجله شعريه بين ابراهيم الرديعان وبدر الحويفي mp3


إرسال لصديق
تحميل الملف من هنا


استماع وتحميل قصيدة مساجله شعريه بين شاعرين بين ابراهيم بن دحيم الرديعان الشمري وبدر الحويفي الحربي mp3

كلمات المساجلة الشعرية

قصيدة الشاعر ابراهيم بن دحيم الرديعان الشمري
موجهه للشاعر بدر الحويفي الحربي

يا راكب اللي لا مشى ماتقل ياط
من سرعته خطه دواوير وشخوط
جديد ما حمل به العفش وبساط
الا ولا قالو موضب ومخطروط
مراتبه مخمل والارضيه ابساط
واشعار تويوتا على الخشم محطوط
يطرب ليا منه صرب طلعة الغاط
لا حس لا ونه ولا صوت عرموط
ملفاك بدر ليا هبا كل قناط
قبل تقهوى واجب الضيف مليوط
عطه الكتاب اللي كتب بيد خطاط
كريم سبلأ اللي له القيل مخطوط
قل ليا ضاق صدري جبت للنار ملقاط
وسحبت للي كنهن صيغته بطوط
وفصلتهن تفصيل وزودتهن غاط
حديدهن صافي عن لحام وسقوط
وشبيت نار جرمها من حطب راط
احسن من الصندل ورى سبعة شطوط
جرم جزل ماهو هدب رمث شعواط
وسويت فنجال على الكيف مضبوط
بلكي يبرد واهج بالحشا شاط
يشبه لدافور له الغاز مضغوط
يوم ان كل في حلا نومته غاط
يرقد على طوله كما السدو ممغوط
عيني بحاجرها تقل موس صفاط
وجفنه تقول ملامسه ظفر شبوط
جيت الطبيب وقال لي ويش به حاط
في داخلي عينك دواوير ونقوط
وقلت هذا لها مدة شهر صابها احباط
تسهر ودمعاته تقل وصف لاقوط
اسبابها اللي لفّت الرأس بمشاط
بالمسك والريحان والورد ممشوط
تقول خاطي فيضة ريحها عاط
ريح النفل مع فايح الشيح مخلوط
لاهوب دعبول ولامحزمه غاط
زوله كما البردي ليان وشمحوط
عين الغزال مذيره صوت مخباط
حباله اللي ينقل الملح بمشوط
بطن العسيف ان جهزت قبل الاشواط
الفوز به مضمون في تالي الشوط
ولا شربت البيبسي بكوب وشفاط
تشرب من الشوكه مطعم ومشموط
ولا تلبس الكرته تحزمه بفراط
تلبس لباس اول مفصل ومخيوط
يا بدر حاكيته وانا منه محتاط
وخلان من غيره مكبل ومربوط
هرجة لطيف ما يقاطعك بغلاط
قرض العسل مع صافي الدر مخلوط
الذ من طلع الصويلي بمحباط
توّه من امه للمشاكيل ملقوط
ماهومن اللي هرجته سلك مغاط
يعطي كلام وباقي الهرج منطوط
ما اذكر لنا مثله على عصر الانباط
اللي منازلهم ورا النيل وأسيوط
أقفى وكنه يضرب القلب باسواط
أعطان هرج وتالي الهرج مشروط
علمي بها يابدر في نزلة اشباط
غرب عنه موقق شمال عنه شوط
مدري مع اللي حدروا يمه الشاط
اوهم مع اللي سندوا يمة الغوط
محتاج فزعتكم ترى طحت بوراط
الحال نشت كنها الشن مقروط
حالي من اسبابها بدت تقل مخاط
ومن قبل عرفي له مريح ومبسوط
وصلاة ربي عد من شاف دمياط
على محمد عد من لبس مخيوط

..........................

الرد من قبل / الشاعر بدر الحويفي :

يوم المولـع واق فـي راس شمحـاط
حول علينا مـن جبـل طـي بمقـــــوط
حاديه مـن حـب العماهيـج مخبــــاط
اللـي بحرهـن للعشاشـيــــــق زاروط
اللـي نبـاهـن للمعالـيـق مـعــــــــــاط
ونظراتهن ترسـل عباريـد ومشـــوط
صبن علـى قلـب الرديعـان زقـــــلاط
ودارت به المكره على سير مشحـوط
واسند علي ابيـات جـزلات ونشــــاط
مثل الذهب واحد وعشريـن مشــروط
عملة ذهـب ماهـي دنانيـر وانـــــواط
من شاعراً ماهـو بالامثـال خربــــوط
وسكَر على الطاروق ضبـه وصقــاط
حيل الله اقوى كيـف باحتـال وانـــوط
حي الجـواب اللـي محنـط تحنــــــــاط
جاءمن ابراهيـم الرديعـان مصفـــوط
هـدف وتهديفـه طريقـة تشـطـــــــــاط
واللي عطاه الـراى رجـال مضبــــوط
خطط له الخطة مـن النـاس خطــــاط
قصده يسـدد كـل الانفـاق ويحــــــوط
وافق وركز لـه قريحـة بحـــــرف آط
وشاور شويره واستشـاره وقـال أوط
وطاعه برايه وانتهت سبـع الاشـواط
واشر عليه باصبعـه بآخـر الشــــوط
وارعد وجا سيله مـع الحـزم جــلاط
وفاضت معابيره على خبت وشطـوط
الله يكافينـا كفـاحـه لـيـا شــــــــــــاط
وقعه برد ماهو مـن السطـح ناقـوط
لقـط عناقـيـد القريـحـه تلـقـــــــــاط
وخلى غصون من الورق بيض وملوط
واخذت مع دربه على الشوف مشواط
عساي احوزارضاه ويكـون مبصـوط
وأنا معه جندي وهـو صـف ضبــــاط
تحت الاوامر لو حصل ضغط وضغوط
مادامهـا لعبـة حـويـلا ومـزقـــــــــــاط
ماني مع الصاحب قصـاوي ولابــــوط
مهما حصل من بيننا مـزح وأغـــــلاط
الحبل ماهو بين الاصحـاب ممغـــــوط
وان جـت علـوم ماتلفـز بالاضبــــــاط
على بحر ماني علـى جـال حابــــــوط
لاعـط لاصـوات العماليـق عطــــــــاط
اعرف جواب اللي عليه ضرب شـوط
ماني من اللـي ينطمـع بـه وينهـــــاط
وصفـة علاجـي للطماميـع حانــــــوط
ولاقول انا فـارع طويليـن الاشــــواط
ببحـور فيمـان الشواعيـر ماحــــــوط
وان جنبتـنـي مـاتـورط تـــــــــــوراط
مالي بوضع النـاس قـارط ومقـروط
عنها أبتعد بعد الجزائر عـن أرهـاط
ماني مثيـر اسبـاب ومعقـد أخيـــوط
هـذا وأبأرسـل للرديـعـان خـيــــــاط
يخيط قلب من قسى الحـب مشعـوط
العاشق اللي في بحور الهـوى غـاط
قلبـه ليـان ومـن كراسيـه ممعـــــوط
شايـب وقلبـه بالولـع سلـك مغـــــاط
مـن شـوط تيـار الغناديرمشـلـــــوط
وعشقه خطـا الله لايصلـط تصــلاط
كيف الغنـاوي حالتـه حـال مزنـوط
مـادام لـه ملفـا ومثبـا ومـقـــــــلاط
عبيرنجـد و عنبـر الشـام مخلـــوط
يلعب على حبلين وافـراش واصمـاط
كلش جديد ولا بهن همـل وأصفـوط
ثنتين عنـده يعملـن كحـل وأمشــــاط
عفايفـن مالامحـن كـل شمـحـــــــوط
لـو يسمعنـه ولعـن فيـه شـخـــــــاط
وتناوبنـه بينهـن قـرص وعـــــروط
قامـن علـيـه وشلطـنـه تـشــــــــلاط
ياشينهن عند الزعـل موطهـن مـوط
وعيالهـن معهـن بعصيـان وأسـواط
حتى الصغير اللي على الديد زعطوط
وقالـن تـوقـع لاتخـبـط تخـبـــــــــــاط
مأنته وغد رأسك من الشيب مشمـوط
يابـو حمـد بالـك تفـرط تـفــــــــــــراط
أقنع برزقـك وأنـت رجـال مغبــــــوط
خـل الهـوى للـي يفحـط تفـحــــــــاط
يطيـح مـع دربـه كفـرات وجنـــــوط
حذف الحصى قفوه تقل حـذف نبـاط
ومن الحيا وجهـه مجـرد ومقشـوط
اللـي ليامنـه شبـع بالهـوى شــــاط
عشقه مع الحـارات لفـات وفحـوط
عشقه خيـال وفيـه رجـه وخــــراط
عقله نمـط سيكـل مساميـر وبلـوط
لويازنونـه مـاوزن ربـع قـيـــــراط
مثل الذي ريشه بـه أرنـاق ونقـوط
اللـي علـى روس المراقيـب نغـاط
يطيـر ويوقـع علـى رأس زربـوط
وإلا أنت صاحب عرف راوي وفقـاط
سبـاح ببحـور العماليـق وتـغــــوط
مأنته وغـد تعطـأ حـلاوه وشقـلاط
العرف له عنـدك مطـارات وهبـوط
بالعرف لك قيمـة وبالشعـر عمـلاط
وبالطيب مناهجـك بالأمجـاد مربـوط
شاعر وعندك ذوق لأشعـار الأنبـاط
لاتختبرنـي مـع ملفـات وخـطــــــوط
خل السوالف بيننـا بصـط وأبصـــاط
العقـل كنـز وذارف الحـب ملقـــــوط
والناس كل لـه محيـط بـه أمحـــــاط
المتزن واللـي مـن العقـل مفـــــروط
وترى الثقه بالنفس من خير الاشـراط
وكلٍ حسابـه فـي سجلـه ومفقــوط

0 0 1.0K 02-23-2018

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy