• ×

09:01 مساءً , الأربعاء 28 أكتوبر 2020

قائمة


قصيدة بدر الحويفي - الله من قلب هجوسه تمله mp3


إرسال لصديق
تحميل الملف من هنا


استماع وتحميل قصيدة الشاعر بدر الحويفي الحربي الله من قلب هجوسه تمله mp3

كلمات الله من قلب هجوسه تمله

الله من قلب هجوسه تمله
مل الغضا لمبهرات المباهير
وشوف البراري والفضا ولعة له
لا شفت بالمنشا مزون مزابير
ياموتري ريحتك القيض كله
أبيك لاقامت تطول المشاوير
لابد لك لابرّد الوقت تله
يحن ماطورك على ساقة الطير
في ماقعِِ بعض العرب مايدله
مدهل لفتخان الرجال المناعير
نبي لنا معهم وناسه وفله
مع درب مسهاج الوسوم المباكير
ليا اصبحت روس النوازي مطله
عقب الجليد نكّسر الثلج تكسير
ثم أصبح القرناس من عقب طله
يوجس بجلده مثل دق المسامير
واستطلعوا خطو أشقر عادة له
حرش الكفوف يمزّر الخرب تمزير
والبارحه حل المساء قد حصل له
عشاءخفيف من ابرق الريش تنسير
لافرعوه وشافهن وادرجن له
وأدلج وراع الجمس كفه علي القير
وتضايقن عقب الفضا وأحضرن له
وسلط علي وحده وذلكّ مخامير
وليا المشبب عندهم مزهب له
باللي ندبها طيّر الريش تطيير
والخرب طقه ماتعدى محله
والثالثة فرّت ولاعينت خير
بطيارها شفنا غياره وخله
زمّت وحوّلها ولي المقادير
أعلق بها اللي عوقهن سهمة له
شيهان عوق ملوعات المعاشير
ملموم مثل الصول طوله بجله
أجرد يصخّر شرد البرق تصخير
وكل ركض للي بوجهه يشله
تزارقوهن بالحدود البواتير
أكبودهم عقب القرايا مغله
تسع الشهور نقزر الوقت تقزير
وركبوا وقالوا تبّع الجمس ظله
لاما نقول أوقف كفيت العواثير
نبى لنا خد مهامل امزله
مادوجت فيها الغنم والمظاهير
تلقى بها زرق المعارف محله
بيض الدواغر متعبات المداوير
هذا هوى اللي قزّر القيض كله
ماشاف غير القوبعة والعصافير

0 0 328 02-23-2018

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy