• ×

07:47 صباحًا , الأحد 25 أكتوبر 2020

قائمة


قصيدة يا من يبشرنا عن الطير مشهور للشاعر مرشد البذال mp3


إرسال لصديق
تحميل الملف من هنا


استماع وتحميل قصيدة يا من يبشرنا عن الطير مشهور للشاعر مرشد البذال الرشيدي mp3
من ديوان شعر قصائد الشاعر مرشد البذال الرشيدي

كلمات قصيدة يا من يبشرنا عن الطير مشهور مكتوبة

من الصقور المشهورة صقر جلالة الملك خالد بن عبدالعزيز رحمه الله والذي يدعى (مشهور) حيث فقد منه في احد مقانيص جلالته وقد علم بفقدانه الشاعر الكبير مرشد البذال عندما كان ضيفاً عند سموه مما أثار قريحته الشعرية بهذه القصيدة:

يا من يبشرنا عن الطير مشهور
وابشره عند الملك له بشاره
قله يبشرنا وياخذ على الفور
يبشر بوانيتن جديد الغماره
واقابله بالشكر في كل مقدور
يستاهل اللي يجتهد في وقاره
بالله يامشهور ماتقبل الشور
مادام مثلك مامشى باحتقاره
هالطير والله لو معة فكر وشعور
أن كان جاله عاقلن واستشارة
عقب أبو بندر حاكم المدن وبرور
حاكم جميع البدو وأهل الحضاره
هل كيف في قدره غشيم ومغرور
مسكين طير فكرته في دماره
باكر تجي في موقع فيه مقهور
أما برفة بدو والا بقاره
تنسى تقرناسك ببستان ونهور
حدرك ثرى معمول ضد الحراره
الطير جابه يوم شم الهواء طور
تنكر القرناس تالي نهاره
مدري تلب له طلع والا به انكور
أقفى مع اللجه سريع طياره
يالربع كل له شياهين وطيور
لاشك في مشهور يالربع شاره
طير ليا شفته تجي فيه مجبور
هو منوة اللي فاهم بالصقاره
إن شاهدك وجهه مثل خام مكزور
ولا كما القرطاس صاف قتاره
وليا قفيته قلت يا طير ماجور
ريش الظهر حلا بياضه شقاره
عدته برب البيت عن كل مطيور
قرناس وافي العمر ماهوب محفور
يحتار به راعي النظر يوم داره
ان حط وكره مع شياهين وصقور
ياخذ على كل الطيور الاماره
ما أحلا مطاليعه على جانب الخور
في خابع توه جديد خضاره
لاشافهن بالصوح دراج وخمور
مثل الخصيم اللي توهق بثاره
اليا رفع راسه وهز الجسد زور
ياعل فكرك حاضر بانتظاره
هده ترى قلبه على الطلع محشور
لا يندقر مشهور باول مثاره
راح يترقى بالسما لوه ماسور
لينه يجي بالجو مثل السماره
دحم سحاب المزن في مشة الزور
ونكس وجاهن هويتن بانحداره
لازم تشوف الريش بالروض منثور
صارت على برق الحباري معاره
من فز منهن صاح والصدر مفجور
ومن طار منهن مايفكه طياره
واليا قضى شفه وشاهدك بنحور
يفرس بهمه خل عندك شطاره
غذه على النوماس وأسميك مشكور
يا ناقله يا اللي تعرف الاشاره
والربع كلن بات فارح ومسرور
يوم الملك طيره عرف باختباره
هذي طراة العمر والطير مخبور
أنه لخالد عز شعبه وجاره
العاهل اللي حط للمجد دستور
في روضة الباطن تشوفون ناره
في خايعن نبته دواوير وزهور
والفقع يجنونه بكثر المناره
تم الكلام اللي بالأوراق مسطور
من شاعرن ما ولفه باستعاره
أقولها باللي له الشكر منشور
مثل الحيا من جاه ربع بداره
وصلوا عدد ما شعشع الفجر بالنور
واذن خطيب الفرض فوق المناره
وما حج بيت الله وشاهد على الخور
وكمل طوافه عقب حذفة حجاره
على الذي حطوا عليه الحرم سور
نبينا اللي له علينا زياره

0 0 448 06-06-2018

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy