• ×

08:28 مساءً , الأربعاء 28 أكتوبر 2020

قائمة


قصيدة قال الذي زين المعاني قطفها بصوت الشاعر مرشد البذال mp3


إرسال لصديق
تحميل الملف من هنا


استماع وتحميل قصيدة قال الذي زين المعاني قطفها بصوت الشاعر مرشد البذال الرشيدي mp3
من ديوان شعر قصائد الشاعر مرشد البذال الرشيدي

كلمات قصيدة قال الذي زين المعاني قطفها مكتوبة

قال الذي زين المعانى قطفها
امثال مبداهن عن الشك مفرود
امثال عنهن قاصر العرف يفها
من حيث درب العرف طلعات وصعود
لو كان من قال المثايل عسفها
ما صار نقصن بالمعانى ولا زود
والبندق العوجا تجنب هدفها
الى صار منظرها عن القطر مصدود
وغايه جميع الخلق محد عرفها
رضا جميع الخلق ماهو بموجود
لاشك تدى كل نفس نصفها
ترى كلام العدل يظهر له شهود
من رابع العاقل لنفسه صرفها
عن تيهه يشقى بها ما بها فود
اسمح عن الى تيهته ما عرفها
يمكن يرد اليالقى الدرب مسدود
لومى على الى تيهته قبل شفها
ومن العياكنه عن الرشد مطرود
نفسه على شين المماشى حذفها
اصبح ذميمن لوه من نسل محمود
لا يفتخر بافعال ناسن وصفها
لها الفخر كانه وقف ماقف العود
ماكل اجاويدن تبعها خلفها
لابد ما يخلف حمد سيره حمود
كم واحد يمت اجدوده نسفها
على الشمال ورد مع دربه ارود
ضرب ادروبن مانشد عن كلفها
واكدر سماه وصار بالجهل مزيود
نفسه خطا غيره لعب فى شرفها
اصبح بخيتن لابسن ثوب مقرود
كم واحد ربعه يعدل عجفها
من نشوته صارو مشاكيل وفهود
عنهم مهمات الافاعى كتفها
ماحد يجيهم بطش والحق مريود
لومى على راعى مماش حرفها
عن درب ابوه ودرب جده اهل الجود
اقول له دنيا بلا مدح عفها
ترى تلاى الجسم للقاع والدود
انتم بثر ناس تقدم سلفها
مرحانها تسفى خلايا من الرود
هذى مبانيها وهذى اغرفها
بقى العمار وبانى القصر مفقود
وغيره بيوتن للفداوى ارففها
مثل الجبال السمر والوانها سود
محلى حلاها عقب سيره صلفها
فى خايعن نبته لها ارقاب عاصود
كم فيضه زين المبانى كنفها
بيوتها للخيل عن مرتع الذود
قبن مطاليب المقفى نحفها
ياما نضح منها العرق نضحه الجود
لامن كساب الزعيمه خطفها
صاح الصياح وجاوبه حس بارود
كل ركبها ما نشد عن كلفها
جنك على الداعى مع الحزم جلعود
كم ابلجن عنه الجبانه كشفها
خلى بجيش القوم حاوى ومردود
وكم ابلجن نفسه حياها قصفها
اصبح فؤاد امه من الحزن ملهود
هذى سلوم اللى تقافت اصففها
يوم الهواء عدل لركابه القود
واليوم ترحم حالها من ضعفها
ماكنهم شيفوا بمرباع وعدود
مضما البكار اللى تنفض شعفها
لو تاصله عينتبه ربق وهنود
قلى علام الوقت هذا صدفها
واقول لكل هذا اخر الوقت مشهود
محد تصاريف الزمان اكتشفها
تغيرت سلمن على الخلق مقدود
دنياك بالقفلات يضرب صلفها
لمحه بصر ماله سنا برق ورعود
غداره لو اضحكتك بطرفها
تراك عقب الضحك ببكاك ماعود
ان اقبلت قامت اتمشط ازلفها
هنوف عرس طيبها المسك والعود
وان ادبرت شفت الكدر من حرفها
تمسى تسيد وتصبح الصبح مسيود

0 0 554 06-06-2018

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy