حيّا الله اللي يغيب ويسـرع  الـرده=اللـي يجينـي اليـا منـه تباطانـي 


قلبي يـوده و حالـي كنهـا  القـده=ودي بشوفه ودونـه حـوم عقبانـي 


يا صاحبي جارك الله وش هاالصـده=مهـوب حـق تولعنـي و  تنسانـي 


ان كان عندك حكى بي خامل السـده=فانت المصدق وانا حقي وما جانـي 


اهرج على ما تورى والبخـت بـده=لا تستحـي يابعـد حيـي وحيانـي 


ترى حلاة الهوى لا طالـت  المـده=مهوب يوم صديـق ويـوم قومانـي 


وان كان منتب مصافيني على الشده=وقت الرخى واجد ربعي  وخلانـي