سرى البارق اللي له زمانين ماسرى=صدوق المخايل بارقه يجذب الساري


على فـرعـة الوادي وسـيلـه تحــدّ را=وغـنّـت طـيور الما على الحاير الجاري


مرابي غـزال عـقـب عـرفـه تنـّكــرا=عـلـيـه الله أكـبـر كـل ما حلّ بـه طاري 


برى الجرح منه, ومني الجرح مابرى=وهو يحسب انه يوم طال المـدى بـاري 


نطحـني بجـزّ الثوب حدر المشـجّـرا=جميل المحاسن لاضـخـيمٍ ولاعــاري 


أبو لـبّة ٍ مـثـل الـقـمر ضاح واسفـرا=والى غابت الـقـمـرا تـقـدّى به السّـاري 


ترى سـلـبة العاتق الى صـدّ مادرى=كما سلبة العرجـون في صفحة الذاري 


صويب الهوى مسكين مشيه على ورا=ترى النقص فيه وحيله أقوى من الضاري