ظبـيٍ نطحـنـي يـجـرّ الـغـيّ ويــل أمّــه= مثل أمّـي أنّـه عـذاب الـروح مثـل أمّـي 


علـيـه لبّسـنـي إبلـيـس الـهـوى عِـمّــة=وابليس من قبل بن خالـي وابـن عمّـي


يا ليـت مـن هـو تليّـن فـي طـرف كمّـه=الـيـا تـمـدّد طــرف كـمّـه عـلـى كـمّــي


غـروٍ ذبحنـي وانـا مــن لحـمـه ودمّــه=وش بقّىْ للـي مهـو مـن لحمـي ودمّـي 


لا جيـت اخـمّـه وقـلـت الخـمّـه الخـمّـة=قـال :ابتعـد يـا ولـد بـدري علـى خـمّـي 


مـا يـدري انّـه خبـر (إنَّ) وأنــا ضـمّـة=يـا حلـو حلـو الخبـر مرفـوع بالضمّـي 


يـوم انكشـف لـي نحَـرْه وبانـت الزِّمّـة= قـامـت شياطـيـن بقـعـا تزمّـنـي زمّـــي


يــا عـيـن شيهـانـةٍ فــي عـالـي القـمّـة=قمّـت بريـشٍ وريـش البُـرْق مــا قـمّـي 


لـو فـي بريقعْـه رحمـة كـاشـف الغـمّـة=مــا كــان زوّد ســواد بريـقـعـه غـمّــي 


الزيـن إلــى جــاء لـزيـنٍ نـاقـصٍ تـمّـه= والله لــولاه حـسـن البـيـض مــا تـمّـي


زيــنٍ عـلـيّـه تـغـيّـر وانـعَـسَـر صـمّــه=نـسـى ثـلاثـة لـيــالٍ عـسْـرهـا صـمّــي


ومن صار لي في الرخا عبدٍ وانا عمّـه=لا جاء القسا صرت له عبدٍ وهو عمّـي 


سقـى الولـي يـوم انـا دلـوٍ وهـو جـمّـة= مـا قـد سقـى كبـدي إلا صافـي الجـمّـي 


يــا لعـنـبـوه انْ مـدحـتـه كـنّــي آذمّـــه=وغيـره تمنّانـي اقصـد بــه ولــو ذمّــي 


مدري على اسـم القمـر سمّـوه يـا يُمّـه= والا على اسم الغضي وجه القمر سِمّي