لا صار ما شاربك يدفع عـن اللحيـة=شوري عليك احلق اللحيه مع الشـارب


عن الردي كان مـا رجلـك بمنتحيـه=لآبوك لآبوه لآبـو طبعــك الخـــــارب 


ومن الردي كان ما نفسـك بمستحيـه=منك الهرب خير ما يستعمـل الهــارب


بيضة نعـامٍ (بخـب النقـع) مدّحيـه=مشكوك في وضعها يا سعيد بن زارب


لو قام يِرحي عليها الهاشمـي رحيـه= القول في اصلها المزعوم متضـارب 


راحت علينا عقب ما اخطت بني شحيه=لو كان من دونها كل اشوسٍ حـارب


صيّور ما هضبةٍ في الأرض مطّحيـه=ليل الغرق , ما ينجّي من الغرق قارب 


لا والذي في المدينه ما كـذب وحيـه=سوّ الدهر ما ترك حبلٍ على غــارب


صفحات الايام مهما تطـول ممحيـه=لو سقت منها خبرها في ظهـر دارب


لي هرجةٍ من علـوّ القـوم ملتحيـه= اليا كرب محزمه مـن قدّهـا كـــارب


يورب لها كل من عـوّد علـى لحيـه= سدّ البلا لقّبـوه مـن الوجـع مـــارب


لا صار ما شاربك عقّب عن اللحيـه= شوري عليك ازلط اللحيه مع الشارب