محتاج  لك  حيل  والله  يقطع   الحاجه     =   حدتني  وجيت  اداري   دمعة   عيوني


باين  علي  التعب   والضيق     وانتاجه     =   منهار   لوني   متغيّر    ماهو    بلوني


لقيتك  ..  اللي   يصد   معقد   حجاجه    =    وانت اقرب الناس والغالي    ومضنوني


لكن  على  الله  بديه  الضيق    وافراجه    =    والا انت الله معك  خابت  بك    ضنوني


بلاش  منك  ومن   موقفك     واحراجه     =   رح  واتبع  اللي  خذوا  مني    وخلوني


من  صد  عني  ترى  مانيب     محتاجه    =    من دونه اعيش دامه  عاش  من    دوني


وان   قدر   الله   مع   الايام      نتواجه    =    تمر    مثلك    مثل    ناسن      يمروني


في عيوني  تصير  ماتسوا  ولا    حاجه    =    من عقب ماكنت تسوا الناس في عيوني