لا أوحيت لك طاري مع الناس فزيت=حبك بقلبـي مـا طوتـه الليالـي 


كني فطيـمٍ فارقـت أمـه البيـت=ولا لقـى قلـبٍ بدالـه مـوالـي 


يا منيتي من عقبك الناس  مليـت=مالي بغيرك يـا حسيـن الدلالـي 


بأقرب قريب لي من الناس ضحيت=وارخصت من شانك عزيز وغالي 


الله يشهـد مـا بحبـك  تسليـت=واليـوم قلبـك غيرتـه  الليالـي 


اشقيتني في عيشتي مـا تهنيـت=وأنت بعذابـي مستريـح وخالـي 


نسيت حبي كيف عنـي  تخليـت=حطمت قلبـي يالغضـي عزتالـي 


حطمت قلبي في عذابـي تماديـت=ليتك ترى في غيبتك وش  جرالي