في
الإثنين 25 سبتمبر 2017

07-12-2007 07:40 PM

المقالة ذي برعاية (( مرهم ابو فاس)) الزواج الثاني ..صراحه هذي قضيه كبيره مره لنه يحتاج فيها الشخص مجهود كبير وهو يتلفت يمين وشمال خوف لا يجيه كيبورد على راسه على حين غره تظهر الازار من حلقه ولا انه يشم ارواح اعواد المكنسه عقب ماتلفح في وجهه وطبعا مايتبعه من تأثير على البشره خاصه الرقيقه مثل بشرتي (( ارق من بشرت خالد بن حسين)) وخاصه ان المكنسه الي عندنا شام ريحتها من قبل ولاهي براضيه تروح من خشمي ....المهم انا بكلمكم بس بشويش بدون لحد يسمع (( واحد يطبع تحت طاولت المكتب هو وولده الصغير معه تمويه)) ..طبعا عارفين احم احم تسمعون ولا اطول صوتي اشوي؟؟ (( طول لانامت اعين الجبناء)) طيب..المهم عارفين ان القضيه ماهيب قضية زواج ثاني من عدمه القضيه اكبر من كذا ..عارفين انه في المملكه العربيه السعوديه لوحدها بس مءات الاف من العنس وهذا رقم خيالي وكبير في نفس الوقت وللاسباب كثيره اولها عزوف الشباب عن الزواج اما بسبب غلاء المهور او استهتار الشباب من الناحيه هذي وخوفهم من تحمل المسئوليه ..والفئه هذي انا بتركها اشوي وبجي للفئه المتزوجه الي مرت بتجربة الزواج ..ليش ماياخذ الثانيه وايش الاسباب الي تمنعه ؟؟(( اسئل عمرك اول)) جد اتكلم ..كثير يتحجج بالماده مع ان حنا الحمد لله في نعمه ولاحد يظن ان عندي شي لا لكن وربي ما تنوي الا وربك يسهلها (( لحظه اشوف فيه احد ورا الباب ولالا)) صدقوني لو كل واحد يعقد العزم على الزواج الثاني (( لحظه جد اتكلم خلوني اشوف الباب كنه فيه احد يتصنت وراه والروح ماهياش بعزقه))..المهم لو كل واحد عزم وربي بتشوف الدنيا مفتوحه قدامه اول سبب لنه مشى في طريق الخير ثاني شي لنه ستر على بنت ومكنها انها تعيش حياة كريم (( لحظه اشوي وربي اسمع خرفشت مشي صوب المكتب ..يادي النيله مدري الموضوع هذا بشوف النور ولالا)) ..وثالث شي عف نفسه من المشي في دروب الرذيله وهذا بحد ذاته سبب كبير يجعل الله يسهل للعبد طريق الخير فيه ..وحتى لو صادفتك مشاكل يأخي الدنيا تعاون يا كم بنت مستعده انها اتعاون مع زوجها والله لو يحطه بعشه ولو ان المهر الف ريال لنه هذا اخر شي تفكر فيه ..والله جتني ايميلات كثيره من خوات واخوان يقولون لي فيها والله يار فيع نسمع منك انه فيه مئات الاف من البنات ولا جينا نبحث مانشوف شي وهذا دليل انه مافيه ترتيب لهالموضوع مع انه لو يقو احد الاخوه مشكور وعن طريق ساحتنا الكريمه بترتيب هذا الموضوع وجعل ساحه للراغبين بهالموضوع راح يكون لها جزيل الشكر والعرفان (( لحظه يادي النيله انا وش خلاني اكتب في ذا الموضوع اشوف من على الباب)) اشوة مافيه احد المهم اقول للجبان تشجع (( طيب تشجع))..وربي صادق لايهمك وصدقني قدر الزوجه الاولىماراح ينقص بيزيد ..لنه بكره بتنافس عليك الثانيه (( الله يجيب ذا اليوم )) وبعدين ياخي لو فرضنا زعلت عليك وش بيصير يعني (( لحظه اتأكد بس الباب قفلته ولالا)) بالكثير بتزعل يوم ولا يومين وبتروح لهلها وبترجع بعدين لنها في النهاية بتعرف انه مالها غنى عنك (( عيني بعينك .ولا بلاش عينك ياما لبست نظارات سود عشان تخفي الاثار)) المهم اقول للمتزوجين اذا جاتك الشجاعه انك تفتح بيت ثاني افتح ياخوك واستر على بنات المسلمين لو انت تشجعت وفلان تشجع وانا تشجعت (( وانا تشجعت؟؟!!!يمديك تغير محد انتبه فديت الرجيل الي قامت اتصرقع مع بعظ تقول بطل بيبسي وكوكا كولا في تحدي من الي ماينكسر بسرعه )) بنسد الثغره هذي وبنفتح الابواب لجيل قادم يحتاج منا الرعايه ..والرسول عليه افضل الصلاة والسلام وصانا بالتكاثر لكي يباهي بنا الامم (( لحظه اسف كل اشوي قطعت عليكم لكن انا احرص عشان المقاله ذي تشوف النور )

تعليقات 0 | إهداء 0 | زيارات 9563


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


تقييم
4.65/10 (586 صوت)

Powered by Dimofinf cms Version 3.0.0
Copyright© Dimensions Of Information Inc.

مجلة قصيمي نت Magazine Qassimy