في
الأربعاء 20 سبتمبر 2017

07-12-2007 07:48 PM

ايام ما كنت نونو في بداية شبابي كنت اتحمس وأثور وازبد وتقوم قايمتي مع أي ثورة عربيه او مناده باقوميه العربيه او اسلاميه كانت تقوم وكنت من صغري منيب مقتنع بنجاح القومية العربيه من مبدء مايحك ظهري غير اظفري وكنت دايم اقول وش يجمع الشامي على المغربي وحتى لو اجتمعو تشوفهم يسلمون على بعض بالمقرفون يخافون يقربون بعض بحجة البرتكول السياسي بينهم المهم ان القومية العربيه كانت حلم لوسيله وليست لغايه وغير كذا كان عندي شك بستماريتها في ظل التخبط السياسي وتضليل الرايء العام بمهاترات ووعود لو انها مواعدينا ابها عند سوق الغنم اصرف على الاقل لو بمبعو بيختلط اصواتهم العكره بصوات تغاريد الغنم

المهم ان الدول العربيه تجدها تلعب بجميع الورق في لحظه تاره تنادي بالقوميه وتاره تنادي بالاسلاميه وكلن على حسب مصلحته …….. اقول وش رايكم بس نسولف في الطبخ بس وخلونا من السياسه وقرفها مع انه صعب اكل أي شي والسبب وجع في المعده والدكتور قايلي لاتقرب السلطه السفرنسيه ولا صينية البطا ….طس الانجليزيه ولا البيتزا الامريكيه ولاالموتا الروسيه ولا (( العجه الفلسطينيه )).والباكا العراقيه كلها توجعني خاصه لاشفتها قدامي تنطبخ على ايد طباخ امريكي ومساعده الاسرائيلي في مطبخ عربي مجهز على حسب الطريقه الاسلاميه ((يعني المواد عربيه والطباخ امريكيه والشوكه والسكين اسرائليه ))

المهم اني تعبت من السياسه لدرجة اني اصبحت اخاف اروح في يوم لمطاعم

الماكدونالد والقا عليها لوحه تقول ممنوع دخول الشحاذين والكلاب والعرب وضع مزري حتى في الطبخ ربي ذالهم اصبحت تخاف تاكل في بيتك لنك يوم تفتح الثلاجه ولا مايونيز امريكي وصوص بعد امريكي وستيك بعد امريكي وعجينة بيتزا بعد امريكي وتفاح امريكي وجبن دنماركي(( ايوه غير )) وتونه تايلندي وزلابيه كنديه وبصل هندي ومعكرونه ايطاليه المهم ان كل شي ناكله جاي منهم يعني وش بنتكلم فيه لا نخليه ..انا اقول نغير الموضوع نتكلم في الازياء وش رايكم؟ انا اقول ماتجي لنه حتى الازياء تحتاج مانيكان تعرف تلبس الكاروهات والمني جبات والجنزات وجميع الملابس الراقيه وحنا الله يخلف علينا غير الذل مانعرف نلبس شي وربي لو المذله وقلة القيمة والاهانه لها جوائز في مدينة كان الفرنسيه كان شفتنا حاصدين السعفه الذهبيه والفضيه وجميع مراتب الشرف ((مراتب الشرف؟؟!! اقصد مراتب الذل كلها (( ايوه عدلها هذا تاريخ يا عين جدي لايضيع منا فستان ونمشي بلحف مفصخين ))المهم انه عندي ثقه ان حنا راح نكتسح هالمهرجان اصلا مسرح التكريم ماراح تشوف فيه غير وجيه عربيه حتى النقاد الغربييين السياسيين راح يجيهم ذهولا من هالابداع الاذلالي بيقولون مش معقول يكون فيه عباقره عرب في هالمجال ..لكن بعزيمتنا وذلنا وقوتنا فيه استطعنا ان حنا انتعداهم في هالمجال ونحصد الجوايز ونتركهم ورانا ينظفون قراطيس الترشيح وقاوطي البيبسي اللي صنعوها عندنا وقالو طباخ السم بذوقه اصلا شركة بيبسي وكوكا كولا عندها ثلاث انواع في التصدير فيه الممتاز وهذا يروح لمريكا والدول الاوربيه وفيه الجيد يروح لدول الحلف الاستراتيجيه وفيه التوالف وهذا بدل لايرمونه في المجاري الامريكيه ويلوثون البيئه وسوء تصريف المجاري جابوه عندنا وحطو دعايه تقول اطلب ببسي اكيد فيه اكثر ( انشهد مابعد اكبر من مجاري نييورك في العالم شي اكيد فيه اكثر )) ..صراحه حتى موضوع الازياء يجيب الغم وش رايكم انتكلم عن الماضي؟؟ في الحقبه الفاتحه الحقبه البيضاء عشان ننسى حاضرنا الاسود اشوي مع اني احب المثل اللي يقول ليس العزيز من قال هذا جدي انما العزيز من قال هذا انا (( خربت المثل يا رفيع لام الله من لامك دور لي شي غير مكه والمدينه صالح ماخترب حتى القدس دنسه شارون بكل وقاحه وكنه يقول يا امة بكت من ذلها الامم (( حتى القصيده خرتها؟)) تعبنا وحنا زوالي متى نصير انتريه؟؟ على طاري الانتريه وربي جالس اكتب الحين وانا في مركز تجاري وجالسن اشوف قدامي محل ملابس حاط على الانتريه العرض نسوان تماثيل لعرض الملابس روسهم مصلعه..واشكالهم تجنننن بس واحد من هالتماثيل المانيكان شايفه من قبل ولاني عارف وين (( في المرايا يا رافعن راسك ))

اللهم اكسي ذلنا عز اللهم اكسي ذلنا عز اللهم اجعلنا في سجون احرار ولا احرار في سجون اللهم كسانا الذل حتى نسينا العز غير في ذكرك اللهم اني اسئلك موت وشهادة متبوعه بعباده واعوذ بك من شهادة اراجع فيها عبد او دولة او سياده اللهم اني ذليل الا بك اسئلك وانت القادر عليه تعزنا يارب .شبعنا ذل لين صارت اجسامنا نصها شحم ونصها ذل .اللهم وفق ولات امورنا في طريق عزنا اللهم وفقهم وعلمائنا في تذليل طريق العز .

تعليقات 0 | إهداء 0 | زيارات 6451


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


تقييم
4.19/10 (212 صوت)

Powered by Dimofinf cms Version 3.0.0
Copyright© Dimensions Of Information Inc.

مجلة قصيمي نت Magazine Qassimy