• ×

04:07 مساءً , الجمعة 17 أغسطس 2018

قائمة

جديد مقالات قصيمي

قصة قصيدة مضى لي ثمان سنين في حبس خير شايع الأمسـح بن رمال من شمر رجل عرف بالحكمة والدهاء والحيلة ومن صفاته انه ليس له الا عين واحدة وقد...


قصة قصيدة يا هل العيدي عليكم مشرهية قصة وردت في عدة كتب روى فيحان بن دغيم بن هدبا المطيري ان عمه طلال بن هدبا وابن عمه غالب بن طلال بن...


قصة قصيدة ربعي مطير مطوعة كل مسطور عاش هــلال بن فجحان الديحاني المطيري بالكويت معيشـــة الكفاف إذ كان لايجــد ما يطعم به الضيف...


قصة قصيدة ذيب النشاما حافنا والتبشنا هذه الابيات لها قصة حيث كان الشاعر عايض بداي المطيري في أحد المجالس الشعبية، وكان به عدد كبير من...


قصة قصيدة الجاهل اللي جاب بصري يقنه نقض جروح العود والعود قاضي الشاعر الكبير بصري الوضيحي الشمري ابو شخير رحمه الله لما كبر سنه فقد...


قصة قصيدة تسعين خيبه للوضيحي نفيعه كان بصرى الوضيحي في بيت صفوق الجربا أحد شيوخ قبيلة شمّر ولم يكن صفوق موجوداً وكانت ((البندري)) ابنة...



اكسكشن

 0  0  3.8K
عندي رفيق دكتور اسنان الله يرده لنا بالسلامه .كنت انا وهو مع بعض في فتره من الفترات نلف شوارع الرياض بالسيارة المرسيدس التويوتا حقته..وكنت انا اللي اسوق السياره .وبحكم اني عندي رخصه وهو عنده شهادة سقت انا .المهم اني قمت الف معه في شوارع الرياض وكن حنا نشوفها اول مره ..ويوم مرينا على محل الحلويات .وقام يناظر المحل وهو يقول : الله يكثرهم الله يوفقهم .واستغربت من دعوته ذي لدرجة اني حسبت ان المحل هذا له ولا مشارك فيها .وسئلته وقلت : يا بو محمد المحل لك ؟؟ قال : لا ماهوب لي قلت : اجل وراك تدعي له وكنه لحد من قرايبينك او لك .قال : يا رجال محد مشي شغلنا غيرهم لاحرمني ربي منهم ..قلت له : كيف ؟ قال : كل ماكثرت الناس من الحلويات كثر السوس في سنونهم ومشا سوقنا (( يالله حسبي عليك توني عرفت ليه مرسل لي امس كيلو بقلاوه ))قلت له : يعني الحين اللي ياكل الحلويات تسوس اسنانه قال : ايوه هي عامل مساعد له قلت وانت مبسوط ؟؟ قال : ولا وش رايك؟ انت كيف تبين اكل عيالي؟ واترس ثلاجتي من الارزاق ؟ (( ولا لقيت تكلهم غير بتشليع ضروس خلق الله يعني ماتترس بطن حمود ولدك بالكرون فليكس غير بضرس عادل الحربي؟ )) المهم اني جلست اناظره بنص عين وانا منفقعتن كبدي منه ومن حكيهولا خذت اشوي الا وهو يقول لي : الا وش رايك يا رفيع تجيني العياده اكشف على اسنانك ؟؟؟ (( وجع ابو محمد لحقت ثلاجتك تفضى؟؟!!!))المهم انه قدر الله وما شاء فعل .ضرب عصب ضرسي لدرجة اني ماقويت اتحمل اصبر دقايق على بعضها قمت وطرت لقرب مركز اسنان وكان قريب من المجلة ..المهم اني دخلت له وانا منيب عارف اتكلم هو يقول لي : وش اسمك ؟ وانا اشر له على البطاقه يعني الاسم فيها ..وقام عاد يسئلني الاسئله اللي ماهيب وقتها .مثل اول مره تجي او عن رقم التلفون المهم اسئله مالها داعي بذاك الوقت كان ودي ادخله ورا الكونتر واكفخه على وجهه واقوله : يا بشر حسسسسسسسسسسس المهم يوم شافني دقايق واتوطى في بطنه قال لي : استريح في الصاله ..وقمت انا اشرله بيدي لييييه في الصاله؟؟ ضرسي فقع وجهي خلصني بس .. قام ودخلني .واول مادخلت قلت للدكتور : انتناقش بالسعر واللي تبيه بعد البنج .الدكتور عاد طلع اذكى مني قال: لا الحين نتفق .السعر هو 500 ريال (( وبيني وبينكم لو هو قايلن لي خمس الاف ريال مع تذكره ..رياض قاهره رياض مع السكن وافقت )).المهم اني وافقت وقام وضربني بنج صحيح الابره توجع لكن تهون عن وجع الضرس. المهم قام يحفر في اسناني .ومغير يقول للسستر الفلبينيه اكسكشن ..وكل اشوي قايل لها اكسكشن وعقبه فهمت ان الاكسكشن هذا يعني شفط المويه المترسبه من تحفير اسناني ..المهم اني جلست خمس دقايق تقريبا والفلبينيه ماهيب صوبي .واقوم واشر للدكتور باصبعي ولافهم وش ابغا وقام وشل الانوار والعلاق اللي كان حاطه على لساني وقال لي : شو فيه ؟؟..قلت له : بالله دكتور خلها تسكشن (( لام الله من لامك نص ضرسك دخل بطنك )).ويقوم ويبتسم وقال لها اكسكشن قلت له لا ماهوب الحين بعد اشوي خلها تسكشن لاتهملني مغير ابلع المويه والدواء في بطني قال لي : لاتخاف بتسكشن ..ومغير انا وهو دراير كل ماحرك في سني شي تاهوت وقام وقال لي : مالك كل اشوي تأوهت انا حطيت لك بنج يعني مفروض ماتحس قلت له : ايوه يادكتور انت حطيت بنج على سني بس ماحطيته على حلقي جلست توسع في حلقي لين صار مدخل قوس النصر من كبره .واللي زاد الطين اكسكشن .هو .ان ابرة الحفر مقابله عيني يعني لو يطيح عليه منديل في الارض وحب ينزل ياخذه وربي ان ياخذ عيني معها ..المهم كل ماخذ اشوي سكشنت لين خلص حفر وحشا سني وطلعت ..وعقبها رحت لرفيقي اقصد الدكتور وطبعا انا مارحت له هو بالذات لني كرهت اني اشوف في يوم ولده حمود ماسكن اصبع ايس كريم على حساب سكشنت ضروسي المهم جيته البيت وقلت له : اللي صار لي وقال لي : ليه ماجيتني ؟ (( ابغا علاقتنا تطول )).قال لي : عموما حمد الله على سلامتك وكويس اللي صار لك عشان تغير نظرتك عن دكاترة طب الاسنان .قلت : لا لازال كرهي لهم قائم دام في حلقي صفت ضروس المهم حسيت ان ابو محمد متغير وجهه وسئلته وش فيك؟ قال لي والله يا رفيع اليوم وجعني راااسي بقوة قلت : ولا انتو يا الدكاتره يوجعكم شي؟؟؟!! قال ليه ماحنا بشر؟؟ قلت : الا .بشر وزود راتب و قمت وقلت له : من القهر خلاص اذا راسك يوجعك سو زيي..قال ايش سويت؟.قلت له يوم وجعني ضرسي شلعتتتتتتتتتته .
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم


القوالب التكميلية للمقالات

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy