في
الأربعاء 20 سبتمبر 2017

07-12-2007 07:52 PM

تكمله لموضوع نو لوكت (( يالله عدو معي كم كلمة..))المهم)) )) . وصلنا إن البنت رجعت للمسبح كانت ناسيه شي ورجعت خذته (( المهم )) انها ناظرتني بنظره مقهورة كنها تقول في داخلها وهي تناظرني انا اصطبحت بوجه من اليوم؟؟ ...وانا اناظرها واقول في نفسي وراها زعلانه؟ (( ابد زعلانه انها خسرت تذكرة طياره وسافرت 4000 كيلو عشان في الاخير تشوف وجهك قدامها)) ((المهم)) اني رحت لغرفتي الجديده اللي تطل على المسبح وفتحت دريشتها على الاخر عشان لارجعت شفتها .وانام ويوم قمت الصبح واناظر من الدريشه الا والبنت في وسط المسبح (( حسبي الله عليها غشتني )) بس طبعا كانت بعيده درشتي عن المسبح واقوم والف من خارج الفندق واجي المسبح ويوم شافتني ويضيق صدرها (( مالومها وربي انا اشوفك في المرايه يضيق صدري )) وجلست في المسبح تنتظر اني اظف وجهي عشان تقدر تطلع (( بالله قولي لي ا نتي ياللي بوسط المسبح وش رايك بواحد جلس اربع ساعات عشان تنزلين المسبح وكنه جالس ينقنق بورك كنتاكي ضنك وانتي في وسط المسبح كم بينتظر؟؟؟ اقول اطلعي بس وريحي عمرك جايب سجادته معه ))المهم يوم شافني مطول ولاني متزحزح من مكاني نادتني وهي في وسط المسبح وقالت لي يا اخ .قلت لبيه سمي أمري .قالت ممكن تبعد عشان أبغا أطلع من المسبح؟؟ قلت لها إطلعي وهو مسبح ابوي؟ ومأجره لك ؟؟؟ قالت لا .. بس لو سمحت ابعد عشان أبي أطلع (( يا حليلها تستحي )) قلت لها أسف أنا جالس هنا أتفرج تبين تطلعين إطلعي تبين تكملين سباحه كملي انا وش دخلني فيك؟.قالت تدري قلت ايش قالت انت قليل حيا(( مرض كل مانسيت ذكرتني )) قلت مشكوره اختي قالت لو سمحت وانا الحين اطلب منك بالطيب .لاتخليني اظطر اسمعك حكي تكره تسمعه قلت لها زي ايش؟ قالت زي لو سمحت يا حيو..... ظف وجهك (( إذا أتتك مذمة من مزيون تكفا مشهااا )) قلت لها مشكوره هذا بس من ذوقك .((المهم)) مدري والله وش خلاني استحي على وجهي واصر على الجلسه . وقامت يوم شافتني ميت والضرب فيني حرام طلعت ويوم طلعت جات صوبي بكامل لبسها وكانت لابسه ستريتش(( بس من غير نو لوكت كان العرض مفتوح )) ..((المهم)) انها جاتني وقالت لي انت جلستك ذي كلها عشان بس تشوفني وش لابسه؟؟ لا تفرح لابسه استريتش ماهوب مايوه يا بو تفكير زنخ ...والشهادة لله ياجماعه عشان ماأظلمها بنت الحلال فعلا كانت لابسه ستريتش (( فوق الركبه بشبرين ))..واللي صفق وجهي صدق يوم ناظرتني من فوق لتحت وهي مقفيه وقالت . صحيح ان لم تستحي فافعل ماتشاء (( هذا اللي هو انا؟؟ )).. ((المهم)) عقب ماعرفت اني ظلمت البنت وطلعت مستوره وبنت اجاويد (( مقطع ليونس شلبي في فيلم العبيط)). . قلت خلاص بخليها تسبح على راحتها عشان البنت تستحي مني صحيح المسبح فيه رجال غيري وكلهم تاركين زوجاتهم ويناظرون فيها إلا ان اللي فهمته انها تعد الاسبان الرجاجيل مثل خواتها وعاد انا خذتها من قاصرها وقلت خلاص انا طالع وبخليها تسبح دامها بالإستريتش ومستوره ولا احد يشوفها.. غير كذا الاسبان والالمان والبريطانين وذولا ماهم برجال اصلا اللي عرفته عنهم انه سنة زوجاتهم يحملون .. وسنه هم يحملون .. يعني رجال ويشربون الحلبه والحبه السودا … المهم رحت منهم وخليتهم وخاصة اني ماأبغى احرجهم لاني الوحيد اللي فيهم لابس شورت ولا الباقي ماعليهم غير النظارات الشمسية تسترهم (( الله يرحم جدتي كانت تقول كنا وأنا أمك نسبح في مزارعنا وحراسنا نسوان ومع هذا تستحي الوحده فينا تظهر سيقانها لاتشوفها رفيقتها ......الله يرحمك يا جدتي لو انك لاحقه على مسابح اسبانيا يمديك عفنتي من الحيا ))..

تعليقات 0 | إهداء 0 | زيارات 4680


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


تقييم
2.46/10 (711 صوت)

Powered by Dimofinf cms Version 3.0.0
Copyright© Dimensions Of Information Inc.

مجلة قصيمي نت Magazine Qassimy