• ×

10:38 مساءً , الجمعة 17 أغسطس 2018

قائمة

جديد مقالات قصيمي

قصة قصيدة مضى لي ثمان سنين في حبس خير شايع الأمسـح بن رمال من شمر رجل عرف بالحكمة والدهاء والحيلة ومن صفاته انه ليس له الا عين واحدة وقد...


قصة قصيدة يا هل العيدي عليكم مشرهية قصة وردت في عدة كتب روى فيحان بن دغيم بن هدبا المطيري ان عمه طلال بن هدبا وابن عمه غالب بن طلال بن...


قصة قصيدة ربعي مطير مطوعة كل مسطور عاش هــلال بن فجحان الديحاني المطيري بالكويت معيشـــة الكفاف إذ كان لايجــد ما يطعم به الضيف...


قصة قصيدة ذيب النشاما حافنا والتبشنا هذه الابيات لها قصة حيث كان الشاعر عايض بداي المطيري في أحد المجالس الشعبية، وكان به عدد كبير من...


قصة قصيدة الجاهل اللي جاب بصري يقنه نقض جروح العود والعود قاضي الشاعر الكبير بصري الوضيحي الشمري ابو شخير رحمه الله لما كبر سنه فقد...


قصة قصيدة تسعين خيبه للوضيحي نفيعه كان بصرى الوضيحي في بيت صفوق الجربا أحد شيوخ قبيلة شمّر ولم يكن صفوق موجوداً وكانت ((البندري)) ابنة...



سقوووووط خالد عبدالرحمن

 0  0  4.9K
مدري وش دخل هالعنوان في موضوعي الخاص عن مذيعة ال ام بي سي الظاهر ان ادارة المجلة ماهيب جايبتها لبر اللي اعرفه في المجلات الثانيه يوزعون عليهم بعد كل عدد حلويات وكيك وبعض المرات ايس كريم (( من ابو نص ريال ))وهنا يوزعون علينا عناويين تقول كن العالم تركت البحث عن مصادر النفط ومصادر انتفاضة الجماهير العربيه ومصادر قضية لوكربي وقضية ضرب العراق بحجة ان بزران امريكا بخطر وركزو على مصادر العناويين ولا بالله عليكم وش دخل خالد عبدالرحمن في هالمقاله؟ صحيح انه رايح في عين امها له كم سنه لكن حبيب قلبي ابو نايف مبدع في شخصيتة الحلوه.

المهم عشان مقالتي ماتنحط تحت البلاك لست مابغي اخربها خاصه اني على وشك الانتقال لباريس عشان ارئس الوفد الخاص بمجلة فواصل في برنامج حقوق النسوان ومن عقبها انفصل من المجلة لنهم عارفين مسبقا اني العدو الاول للرجال والمؤيد لحقوق امي عويشه وامي حصه .المهم لاطول عليكم قمت الليوم الصباح على صوت مذيعة ال ام بي سي وهي تصايح وتزبد في برنامج صباحي في اذاعة ال ام بي سي وانا في داخلي اقول يا فتاح يا عليم يا رزاق يا كريم واذا بالأخت الكريمه تنتقد الرجال انتقاد شرس بكل قوتها وكنه قايلين لها ان مديرة ال ام بي سي مصفوقه كف في الشارع على ايد عامل نظافه يجلس على شاربه التيس ..المهم جلست تقول ان الرجل طفل كبير ومعاملته صعبه (( اذا الرجال معاملته صعبه وش تسمين معاملة المراه العاقل؟؟ )) وان الرجال مايحسن التصرف وان صغير بتفكيره (( صدقتي والدليل ان 90 من حالات الطلاق سببها الرجال اما الحريم ماغير 10 % )) يعني على كثر ماتفهت تفكيره وصغرت عقله خلتني اخاف اطلع الشارع لحالي جلست اقول وش مزعلها ذي وليه المسكينه تقول كذا؟ جد حسيت انها مقروصه من شي ولا بغيت اشره عليها لكن بغيت اعرف تعليل معاملة الرجل كا طفل صغير هل هو تهميش لقيمة الرجل وعقله وتفكيره؟ ولا هي نظريه من وحده عاقل ابدعت في تكميل القدره اإلهيه في طبخ الكبسه والمشخول والبطاطس المحشيه وحلويات البسبوسه (( فديت اللي يقول البثبوثه )) ماعرفت اقيم نظرية الاخت لين شفت قدامي مسلسل بدوي ظاهر فيه رجال مركب زوجته على ظهر البعير ويسحبها تخيلت لو ان هالرجال الناقص ترك هالمراه في هالصحرا لحالها هل كانت بتحتاج عقله على قدر ماتحتاج منه الامان وخاصه ان الرجال الله عطاه من البنيه وحسن التصرف مايكفل له درء الخطر عنها؟؟ (( اما بخصوص كمال الاجسام عزالله ياكثرهم بعض المرات من كثر ماتشوف صدر الرجال منفوخ تخاف توقف جنبه لايفقعون وجهك ب18 جلده ))المهم اني سئلت نفسي متى تنظر له كا طفل؟؟؟ وهل قصدها العموم أو بعض الرجال؟(( مصيبه لو تقصد كل الرجال على كذا اللي حاكمين العالم 250 بزر توديهم بعلبة بيبسي وتجيبهم بلوح سنيكرز )) المهم ودي ارد على الاخت ولو انه متأخر لكن ودي تعرفين ان الرجل هو الداعم الرئيسي لبقاء المراه ولا ابغا انكر دور المراه مع وجود النقص العظيم اللي فيها الا ان دورها الحقيقي هو الركيزه الفعليه لبناء الاسره وليس الدور اللي الحين جالسه تسويه تنابح في الاذاعات ومخليه الاذاعه منبرها في فش خلقها كل مانكفخت كف مع اني مالوها في بعض الاحيان في فتح المجال لهالاشكال في تنقيص القدره العقليه للرجل خاصه لاشفت رجالنا انتها فيهم المطاف في ترك بناء الاسره واتجهو للتحاليل السياسيه والدعوه للأنتفاضه وجعل بيبان الحمامات منبر في شخابيط تخليد ذكراهم التاريخيه ...وانتها المطااف واخيرا سقط خالد عبدالرحمن !!!

رفيع الشان
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم


القوالب التكميلية للمقالات

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy