في
الأربعاء 20 سبتمبر 2017

07-12-2007 08:06 PM

طبعا كلكم تعرفون ان جمعية الرفق بالحيوان في امريكا. تدار تحت ايد خبراء ايدلوجيين وعلماء فيزياء واساتذه تدرس في اكبر الجامعات فضلا عن عضوية بعض اعضاء مجلس الشيوخ والكونغرس الامريكي وكبار رجال الاعمال والفنانين الامريكيين والبريطانيين وغيرهم من الجنسيات الاخرى وهي منظمة معترف ابها بجميع انحاء دول العالم تقريبا.. ومن اعمال هالجمعية هي محاربة انتهاك حقوق هالحيوانات والاستماته على حمايتهم. واظنكم تذكرون. مطالبة الفنانة بريجيت الفنانة الراقية المهذبة الخلوقة سليلة النسب والشرف اللي كانت تقوم في معظم اعمال الدعارة الفنية من باب دعم الحيوانات والسبيل في تأمين حياة رغده لهم.. طالبت المسلمين في عدم ذبح الأضاحي. بهذه القسوة «الظاهر ان كان قصدها نبنج الخرفان قبل نذبحها» ورفعت دعوة قضائية على المسلمين .ولا ادري رافعته على مين منا المهم ان المنظمة هذي كانت تقاتل من اجل حماية الحيوان لدرجة انه في فترة من فترات الحرب العرقية اللي كانت تدار رحاها في البوسنة والهرسك.. تدخل فريق من الكوماندوز لحماية دب. اسود. نادر. من ايدي القناصة الصرب والبوسنيين.. وفعلا تم انقاذ الدب. وكان على مقربة مئات الامتار من انقاذه. ثلاث عائلات بوسنية مكونة من خمسة وعشرين فرد يقتلون على ايد الصرب. والتمثيل في جثثهم

.....المهم ان هالجميعة في إحدى الولايات الامريكية وبالتحديد في ولاية ميسوري .اجتهدت جاهدة في تزويج كلب من النوع النادر على سلق من النوع اللي مش حالك وطبعا جلسوا اكثر من سنتين في محاولة لأقناع ارباب هالكلبين. وطبعا جا رفض اهل الكلب ابن الذوات بأن السلق ماهوب من مستواه. وجا رفض السلق اللي مش حالك هو انهم لايفتكرون اهل الكلب ابن الذوات انهم داخلين على طمع ..المهم انه في النهاية بعد جهد جهيد ومفاوضات. تكاد تكون اعنف من مفاوضات اوسلو وشرم الشيخ. وكامب ديفد في النهاية تم تزويج الكلب على السلق اللي مش حالك رغم اعتراض ارباب الكلب ابن الذوات وكانت حجتهم في عدم تزويجه من السلق اللي من عايله مش حالك بسبب خوفهم على كلبهم لا يتطبع بطبع السلق. ويصير قليل اصل عشان كذا واجه معارضة شديدة من اهله وطبعا اقصد بهله اللي مربينه عندهم في البيت. وطبعا الامريكان يعاملون الكلب معاملة عيالهم جعل ربي يكثر عيالهم والمهم في هذا كله هو التكلفه اللي تكلفوها على هالعرس .وقبل لا ابدا بالتكاليف بقولكم وش اساميهم.. الكلب مسمينه. ارثر «ونعم» كلب ينحدر لنوعية الدوبر. ولا ادري وش هالدوبر حاولت اعرف وش هالنوع من الكلاب لكن للأسف فشلت. عشان كذا بكتفي بالاسم والكلبه بوشي «الله يستر علينا وعليها». تنحدر من سلالة السلق «ونعم عايلة معروفة». وبوشي ذي. فستان عرسها بس كلف خمسة غيراط من الاماس «مدري ليه مرات الواحد يتمنى يبشبشها». والكلب ابن الكلب ابن الذوات كلف السوار اللي على رقبته نص كيلو ذهب عيار 78648 يعني ما عاد ناقص هالذهب الا انك تاكله مع خبز وكوب شاهي من النقاوه ومطعم بلماس حول الطوق «ال آرثر آرثر لو طوقته بالذهب» .. المهم ان اجمالي العرس كامل كان اكثر من مليون دولار..» حسبي الله عليهم سعر عمارة على كورنيش الخبر. «ويقولك اللي» تشرفو «في حضور هالعرس الف خمس مية متشرف» والظاهر ان معظمهم حضرعشان كلن يعرض كلبته يمكن ربي يوفقهم بكلب ابن كلب من حمولتن طيبه. يسوي لهم زي بوشي وارثر وفي الحقيقة اني انبهرت لكن بعد انبسطت لنه عندنا في مزرعتنا تكرمون كلب ابن ستعش كلب من صلابة اصله يستنكر اكل القرصان ويموت بأكل الكروسوان. يعني بكره لو افلست زوجته من هالكلبات الامريكيات وخذ الجنسية الامريكية «مع اني داري انه بيرفضها. وبيقول ليه اخذ الجنسية مرتين ؟؟» المهم.. بختمها بسؤال اتمنى اجد له اجابة كم كلب في هالعالم تحتاج المنظمة تحميه ؟؟.. وكم طفلة وطفل فلسطيني وأفغاني محتاج يكون بوشي؟؟؟.. سؤال يحتاج شخص عرف الفرق بين حميد الافغاني ومحمد الدرة وبوشي.

رفيع الشان

تعليقات 0 | إهداء 0 | زيارات 3777


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


تقييم
2.37/10 (236 صوت)

Powered by Dimofinf cms Version 3.0.0
Copyright© Dimensions Of Information Inc.

مجلة قصيمي نت Magazine Qassimy