• ×

10:38 مساءً , الجمعة 17 أغسطس 2018

قائمة

جديد مقالات قصيمي

قصة قصيدة مضى لي ثمان سنين في حبس خير شايع الأمسـح بن رمال من شمر رجل عرف بالحكمة والدهاء والحيلة ومن صفاته انه ليس له الا عين واحدة وقد...


قصة قصيدة يا هل العيدي عليكم مشرهية قصة وردت في عدة كتب روى فيحان بن دغيم بن هدبا المطيري ان عمه طلال بن هدبا وابن عمه غالب بن طلال بن...


قصة قصيدة ربعي مطير مطوعة كل مسطور عاش هــلال بن فجحان الديحاني المطيري بالكويت معيشـــة الكفاف إذ كان لايجــد ما يطعم به الضيف...


قصة قصيدة ذيب النشاما حافنا والتبشنا هذه الابيات لها قصة حيث كان الشاعر عايض بداي المطيري في أحد المجالس الشعبية، وكان به عدد كبير من...


قصة قصيدة الجاهل اللي جاب بصري يقنه نقض جروح العود والعود قاضي الشاعر الكبير بصري الوضيحي الشمري ابو شخير رحمه الله لما كبر سنه فقد...


قصة قصيدة تسعين خيبه للوضيحي نفيعه كان بصرى الوضيحي في بيت صفوق الجربا أحد شيوخ قبيلة شمّر ولم يكن صفوق موجوداً وكانت ((البندري)) ابنة...



ابي اعتذر (( الجزء الاول ))

 0  0  4.8K
المقال هذا عباره عن اعتذار وتوضيح وقصة.. بالأول اعتذر من جميع الاخوه والأخوات اللي راسلوني معاتبين على طلبي منهم في هالمقطع هذا من المقاله السابقة التالية نصها «وعلى فكره الترشيح فقط للي من داخل المملكة فديت خششهم لاحرمني ربي منهم يعني اللي من خارج المملكة عن اللقافه وكلن يوفر شعوره له مانبي منهم شي «يعني باختصار ضفو وجيهكم» وأنا بالحقيقه تعمدت أقول كذا ماهوب قصد التقليل من قدركم لا وربي بس أنا زيكم معترض ليه فقط الترشيح من داخل والعتب كان على هيئة مسيطره خارج مجلة فواصل وكنت معترض انه يكون من داخل المملكه فقط يعني أنا زيكم معترض لكن جبت العيد معكم ومره ثاني آسف كاني ضايقت أحد أو زعلت ماكنت أقصد وغير كذا كنت أتوقع ان جمهور هالزاويه صدرهم وسيع ومع هذا أتأسف من جديد.. أما التوضيح هو في بعض الرسايل اللي مستنكره مقالة الأخت خريجة شهار. بالأول ودي يعرف الكل انها نزلت المقالة بدون علم مني والسبب سفري خارج الرياض وأوكلت المهم لمحرر في داخل المجلة ولكن هداه الله لم يكن مصيب في الاختيار وفي النهاية كلنا بشر وخطاؤون.. الحين أبغي أقول قصة للي خارج المملكه رضاوه «يعني دهان سير» كان فيه والي مدينة دب الله يكفينا الشر وكان ينقهر من النحاف وكل يوم وهو عازمن له واحد على مفطح وغاثه لين ينفخ له هالكرش وعقبه يطرده المهم ان هالوالي عقب سنه ولا كل الرعايا دببه المهم ان هالوالي ابتلش بهالرعايا كلهم دبييين وما ينسند عليهم أصلا ما فيه خيول قدهم وشاف نفسه انه ورطهم وورط نفسه بسبب الحسد من أجسامهم «جعل من يحسدني في جسمي ان الله يبليه زيي» المهم ان الوالي حس بغلطته وقام الوالي يستدعي خبراء من خارج الولاية عشان ينقذون الموقف ويضعون حد للسمنه المفرطه في شعبه أكالين المفاطيح وغير كذا سببو أزمه في سوق الغنم صار راس الغنم يسوا مزرعه في ذيك السنين ..المهم ان البلد انعفست كلهم دببه والنسوان قامو يشتكون للوالي يقولون ازواجهم صار دببه «طيب ذا شي يزعل؟ ليه وش فيه الدب؟ وربي يجنن وكله رومانسيه وطيبه وحنان مير منتوب كفو جات النعمه لعندكم ورفستوها» المهم انهم شحموها واجلسو على كروشها وابتلش الوالي الحسود وقال الدبره الدبره يا مستشارين ويشيرون عليه المستشارين المنفخه كروشهم بإرسال طلب المساعده من الرومان ويقومون الرومان ويرسلون له الخبراء ومعهم خطة غذائية تخلي كل هل المدينة نحاف .. المهم يوم جو الخبراء ولا الدعوة محيوسة شافوا دببة ما ينفع معها لا طب ولا برامج غذائية المهم ان الخبراء وجدوا الحل وكان حل طبي رهيب وهو.. خلاص بس بخلي باقي القصة العدد الجاي ولا نيب مكملها لين الاخوان اللي أرسلوا لي العتب يرسلون ثاني مرة ويقولون رضينا ويرسلون لي معها كيلو كاكاو من محلات باتشي ولا شوكالاين. ويرسلونها على المجلة وربي ان القصة تستاهل وأنا بعد أستاهل. صحيح لارسلتو برجع أبيعه لنفس المحل بس أوعدكم إني باكل من كل كيلو حبه تذكار وعلى الله ما يطلبوني بفواتيرها وينصبون علي المحلات «هما برضو النصابين»؟.

رفيع الشان
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم


القوالب التكميلية للمقالات

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy