• ×

05:20 مساءً , السبت 5 ديسمبر 2020

قائمة

جديد مقالات قصيمي

قصة قصيدة مضى لي ثمان سنين في حبس خير شايع الأمسـح بن رمال من شمر رجل عرف بالحكمة والدهاء والحيلة ومن صفاته انه ليس له الا عين واحدة وقد...


قصة قصيدة يا هل العيدي عليكم مشرهية قصة وردت في عدة كتب روى فيحان بن دغيم بن هدبا المطيري ان عمه طلال بن هدبا وابن عمه غالب بن طلال بن...


قصة قصيدة ربعي مطير مطوعة كل مسطور عاش هــلال بن فجحان الديحاني المطيري بالكويت معيشـــة الكفاف إذ كان لايجــد ما يطعم به الضيف...


قصة قصيدة ذيب النشاما حافنا والتبشنا هذه الابيات لها قصة حيث كان الشاعر عايض بداي المطيري في أحد المجالس الشعبية، وكان به عدد كبير من...


قصة قصيدة الجاهل اللي جاب بصري يقنه نقض جروح العود والعود قاضي الشاعر الكبير بصري الوضيحي الشمري ابو شخير رحمه الله لما كبر سنه فقد...


قصة قصيدة تسعين خيبه للوضيحي نفيعه كان بصرى الوضيحي في بيت صفوق الجربا أحد شيوخ قبيلة شمّر ولم يكن صفوق موجوداً وكانت ((البندري)) ابنة...



غرفة الطوارىء

 0  1  1.8K
في البدايه احب ان اشير الى ان جميع ماسيرد في هذه القصة هو من وحي الخيال البحت يعني لاتخافون الاطباء السعوديين اكفاء وفيهم الخير والبركة بمافيهم مستشفى الملك خالدالجامعي......

المكان اسعاف مستشفى الملك خالد الجامعي بالرياض الزمان الساعه 12 ليلامن يوم الثلاثاء أي ثلاثاء ....الحدث مجموعة اطباء حديثي التخرج منكلية الطب البشري وبدوا بمزاولة مهنة الطب يستلمون مناوبة وعلى ئولة المصريين نباطشية في اسعاف الملك خالدالجامعي بالرياض..

نجومنا اليوم هم الدكاتره(عبدالعزيز ,رائد,محمد,يزيد,احمد)...وهم على فكرة كانوا ايام الكلية من نوابغ الكليه...ودرجتهم الوظيفيه الحالييه

(resident)


الساعه 12:15 ليلا

شباب مسطلين شايلين خويهم مغمى عليه وجارينه ويقولون شوفوه انقذوه وكان في استقبالهم د.عبدالعزيز ...شيلوه شيلوه حطوه على السرير وراح ينادي ربعه شباب... في هناك واحد مخربها مسطل ابن الكلب على الاخر وش اسوي به:::د.محمد سو له (resustation)يعني بالعربي اعادته الى وضع صحي سليم ...طييب كيييف يعني ارش على وجهه موية ولا اشممه طيب:::: مدري ياعبدالعزيز احسبك تعرف :::لاياشيخ باذكر شي درسناه من 3 سنين اسئل أي واحد من الشباب :::ماحد يعرف وش السواة :::طيب لقيتها بادق على الاستشاري الدكتور سعيد في بيته دقيقة...لالالالا عبدالعزيز دق عليه بيجر وش تدق على بيتهم ::::طيب كم بيجره :::مدري شفه على الجدار ...وبعد شوي ترن ترن ترن ايوة ولدي معاك الدكتور سعيد اش تبغى يوم داق بيجر عليّا دحينا :::هلاوالله دكتور وش اخبارك وش اخبار العايله والاولاد وانشاللله الامور طيبه... معك الدكتور عبدالعزيز مناوب اليوم في قسم الاسعاف :::ايوة ياسي عبدالعزيز اش تبغى في حاجه ::::والله يادكتور في مريض عندنا عامر الطاسه :::ايش طاسة ياواد اتكلم عدل :::سوري يادكتور يعني متدهول ولا مخربها ولا طاير في السما:::ياواد ماني فاهم عليك اش القصة:::واحد جايبينه ربعه يادكتور مسطل سكران وفاقد الوعي وش نسوي له :::ياواد مش عارف اعمل له (resustation):::اوكيه يادكتور عارفيين ريسستيشن بس كيف :::امال انتوا درستوا ايه في الكلية ياااهبل :::انت صاحي عفوا عفوا بس مثلك يادكتور عارف شي دارسينه من زمان تبينا نذكره الى الان::::طيب ياواد اعملوا له CPRولامش عارفينها هي كمانا ::::لا استنى شوي يادكتور كني اتذكرها مو هي اللي فيها تنفس وضغط على الصدر :::ايوة عليك نور شاطر ياواد ياللله دحيّنا سيبنيي ياواد اليوم التلوت وديت البزوره عند ستهم ومسيب برنامج الاتجاه المعاكس الهي يرضى عليك ياولدي بلاش تزعجني كتير:::ابشر يادكتور وان كنا احنا مانستغني عنك باااااي ....شبااب تعالوا تعالوا بنسوي CPRالدكتور سعيد يقول كذا ...د.احمد ود.محمد مع د.عبدالعزيز يالله ياشباب من يعرف يسوي السي بي ار :::د.احمد:عبدالعزيز انت شيك التنفس وانت يامحمد النبض وضغط الصدر عليك:::د.محمد :ياسلاام سلم وانت يامعالي الوزير تتفرج علينا :::لايامحمد بروح اجيب له دوا ::ايه طيب بدا البكش....وبدا د.عبدالعزيز يدخل المواصير في فم المريض وينفخ الهوا وكل شوي يكتشف انه ينفخ في المعده :::محمد باللهي امسك لي حنك ابن اللذينا هذا كل ما مسكته زلق ::::ماتشوفني اسخن لضغط الصدر دبر عمرك ولا ناد الممرضة::طيب عارفك بتقول كذا .. هيييه دخلتها صح ...صح علي صح عليwho is the man يالله ابدا الضغط بس يالسبهه:::عبدالعزيز في طريقة عد للضغطات صح وشي بالله ذكرني تراني نسيتها:::يارايق انت في اختبار حضرتك عد أي شي وخلصنا :::لا لا في طريقة علشان اعرف اني كملت الدقيقة ماني ذاكرها ون ايش مدري ون تو ماعرف تذكر معي بالله::::لاحوووول من هالدافوور بس كذاا هذاا اللي موجع ضميرك خلاص عد زي كذا واحد ..طع ...ثنيين طع...ثلاثة طع ...اربعه طع ...خمسة طع ::::ظنتك تنفع :::وبعدين روقنا ياشيخ ابن اللذين مالقى يسّطل الا على مناوبتنا .....وبعد دقيقة يجي الفرج د. احمد معه ابرة pethedine وخروا عنه سيبوه ..والممرضة تصرخ ...دقتور دقتور دقتور نوو نو مافي كده :::وش فيك الحين ياخبله :::دقتور هذا بعدين في موت مافي pethedine:::بالعن جدها هالممرضة هذا pain killer يعني مسكن الام :::دقتور هذا مافي الم هذا كوما بعدين موت:::عبالعزيز ولامحمد فهمهووها وخلوها تسكت:::د.عبدالعزيز يقول لاحمد شكلها فاهم اكثر مني ومنك خلاص ياماري سوي اللي يجوز لك ....وجابت ماري ابره وبدى المريض يتحسن ....د.محمد شفت ياحمد بغيت توهقنا ::::لو معطيه البيثيديين والله ان يصحصح المريض ازين من كذا ....طيب ياحمد وش نسوي به الحين ننومة في المستشفى ولا نطلعه ولانبلغ الهيئه يلعنون والديه :::د.مجمد لااول شي نسئله من وين دبر المشروب....الممرضة دقتور هذا سوي له ادميشون (تنويم) علشان بوكراه في فهص...اجل ياماري كملي اجراءات الادميشون واذا جا مريض حنا داخل نلعب بلاي ستايشن

الساعه 1 ونص

شاب سعودي يدخل الاسعاف ويشوف د.رائد ..لو سمحت يادكتور لو سمحت :::هلاا والله سلامات يابو الشباب وش فيك :::ابد سلامتك يادكتور امس كنت في استراحة وانجرحت رجلي جرح عميق وجيت الاسعاف هنا والدكتور اللي كان مناوب امس ماقصر والله طهر لي الجرح وعطاني ابره وسوى لي ضماد وقال تعال بكرة نغير لك الضماد ونعطيك ابره ثانية لان جرحك عميق :::طيب وش دخلني انا انا قلت لك تعال يعني بالعربي وش تبي مني:::ابد غير لي الضماد والابره الثانيه ::ياخوي المستوصفات والمراكز الصحيه ماليه الدنيا طيب اصبر شوي ....د.رائد راح لربعه وعلمهم وش القصة....د.عبدالعزيز :يالله ياشباب CPR بسرعه وش تنتظرون لين يفطس المريض ...د.يزيد رايك كذا :::يرضا لي عليك يا يوووزي مايبي لها كلام دكتور سعيد قال لي CPRواضحة زي الشمس ...الممرضة انكيتا تقاطعهم .دقتور دقتور واي سي بي ار مافي كده ...د.يزيد انكيتا هذا كلام دكاتره لو سمحتي صفي ورا ..شباب وش رايكم ؟...د.رائد انا اقول ندق على الدكتور سعيد ...د.عبدالعزيز ماكذب خبر ...ترن ترن ترن ...ياربي رحمتك يارب وسترك ..ايوة يادكتور معاك الدكتور سعيد ايش بدكم ...واللله يادكتور اولا اسفين على الازعاج :::ازعاج ..ازعاج ايش انت تزعجني لامايصير ..استني يازينب اوعك تسكري النور باكلم الاهبل هنا ايوة ياسيدي ايش فيه:::يادكتور الله يسلمك جانا مريض يقول انه انجرح امس ههههههه شف الفاضي المهم جا امس للاسعاف وعملوا له اللازم المهم جانا اليوم رايك يادكتور نسوي له CPR :::ياولد يا اهبل انت مابتفهم ايش CPRمايحتاج مالراجل جاي لحد عندك واقف على رجليه :::طيب شكرا يادكتور واسف على الازعاج ...يا.رائد بروف سعيد بيقول مايحتاج :::يعني وش اسوي :::يالله بس ياا رااؤوول (دلع رائد) سو اللازم .....رائد يسئل المريض ..يابو الشباب انت امس كنت صاحي يوم جيت للاسعاف:::اييه صاحي اجل سكران:::لاما اقصد كذا يعني شفتهم وسمعتهم وهم يعالجونك ؟؟ ::ايه:::حلو حلو طيب يالشيخ ماسمعت وش قالوا عندك :::كيف يعني لاخلاص تذكرت ..يزييد وش اسم المرض اللي يجي مع الجروح في الوصاخه مثل التراب ::::سهله يارائد الكزاز :::انجلش انجلش :::تيااتيتا تيانييييك اييه اييه تيتانيس :::شكرا بس وش علاجه :::عطيتك وجه تراني وش يدرينيي اكيد مضاد حيوي بس وشو مدري:::ويعنيي وش الحل في هالعله :::دبّر عمرك .....رائد يلتفت للمريض يابو الشباب انت امس شفتهم وهم يطقونك ابره صح؟؟:::صح :::زين تعال معي ..وياخذه لدولاب الادويه :::ماتذكر أي نوع حطوا لك يابو الشباب تذكر خذ راحتك شف الادويه ::::اقول يادكتور الله يطول بعمرك ويخليك لعين ترجيك ..تذكرت بروح اجيب اهلي من عرس دقاايق وراجع هوى .....الله لايعييده من اسعاف بااي.

الساعه 3 وربع الفجر

الممرضة تركض ...دقتورز دقتورز ...دقتورا فريدا (طبيبة النساء والولاده المناوبة) على تليفون....احمد يروح يكلمها ...ويرجع ...شباب الدكتور فريده تقول عندها حاله مريضة انخفض ضغطها الى 50/120 وتبي أي واحد مننا يرقى عندها يكشف على المريضة هااه من يروح::::كلهم بصوت واحد رح انت:::لا لا لا اكره ماعلي هالقسم قسم الجاينا(جاينا =نساء وولاده) يزيد رح انت::::يزيد:هيّن اروح انا يالله يالله نجحت من عندهم بطلوع الروح محمد رح انت :::هئئئئو ايه طيب انا اروح وعند فريده ايه طيب ناسين انها اختبرتني ومسقطتني الله يلعنها..رح ياعبدالعزيز :::ماعرف شي والله لو اعرف شي كان اروح عادي ماتفرق معي ...رائد يقاطعهم الحين مو الدكتورة فريده تبي واحد يساعدها صح واللي يساعدها لازم يكون فاهم وعلى كذا افهم واحد هنا واللي قادر يساعدها :::اييييه اخلص::::الممرضة ماري من جد والله::::كلهم بصوت واحد ماري

الساعه 4 الفجر

سيارة اسعاف جايبه معها اثنين صار لهم حادث واحد راسه يصب دم كثير وفي كسور في صدره .......يزييد ينادي في ربعه يالله يا شباب همتكم معي نشوف هالرجال وش عنده ...يسالون سواق الاسعاف وش صار له :::ابد رقى على اشارة في شارع العليا كان مسرع وانقلبت سيارته ...يزيد يقول لهم شباب لازم نسوي خطة عمل نوزع فيها الادوار علشان ننقذه باسرع مايمكن ....عبدالعزيز خلاص انا مهمتي اسجل البيانات حقته وانتم الباقي ::لا ياشيخ خذيت اسهل شي مافي كذا ... واحد يسوي له CPRوواحد يوصل له I.V lineوواحد يجهز الادويه له وواحد بيسوي له فحص سريري اذا وقفنا النزيف وزال الخطر عنه...رائد انا ابي الاخيره حلوة ماني خلق دم:::محمد لا انا ابي الفحص السريري :::احمد لاياشباب كلنا ودنا بالفحص السريري خلاص ندق ولد واللي يجييه ولد ياخذ الفحص السريري :::عبدالعزيز حلو معي ورقة في سيارتي لحظة اجيبها :::يزيد:شباب طيب ماحلينا مشكله والباقي كيف نرتبه :::رائد:ندق ولد ثاني وثالث ورابع:::محمد:شباب ترا الموضوع جد مو مزح يعني اللي يطلع له جوكر مو يجلس يتفلسف علينا الجوكر ما ينحسب من الحين ....الممرضة دقتورز دقتورز سرئااه سرئااه اناا في سوي سي بي ار وفي يسوي أي في لاين بس ايس في محلول انا لازم يعطي مريز ...احمد::يالله شباب ترى ماري صارت اخت رجال ماقصرت لاتفشلوننا تكفون أي محلول :::عبدالعزيز: اتوقع اننا لازم نسال الدكتور سعيد ثواني ادق عليه بيجر ......ترن ترن ترن ...بروف سعيد:ياربي انا ايش عملت في دنيايا ايوة يازفت منك لييه حرقتوا لي دمي ايش تبغى يا واد:::هلاا دكتور والله اوحشتنا ياحبيب وحشني صوتك :::وحشتك حيه تلدغك ..وحشتك عقربه تقرصك قول امين:::دكتور سعيد يعني بتمننا منة الله ولا منة خلقه انا اسالك لانك جهبز بترد ولا شلون :::ايوة ياسيدي عاوز ايه سمعني اطربني ::: ايوة انعدل كذا... في مريض صار له حادث اليم ونزف دم كثير واجد عملنا له اللازم وركبنا I.V lineبس أي محلول نحط له::طيب يا ولدي كم كمية الدم اللي نزفها ليتر ولا اتنين ولا كام:::ياخي اذا انت بروفيسور على عيني وراسي بس خذ الموضووع جد لاتتريق يعني قالوا لك جالس معه وقت الحادث علشان احسب كمية الدم اللي نزفها قلت لك كثير وبس يعني قل 4 ليتر ::اسف ياسيدي...يخرب بيتك ايش اربع ليتر ماكان بقي فيه شي ::بدينا بشغل الفسلفة خلصنا ترى الرجال بيفطس بعدين لاتتفاول عليه مفهوم::: اديلوه اتنين ليتر D5ياسيدنا عاوز حاجه تانيه ::لاخلااص رح باي.....شباااب الدكترو يقول D5الحمدلله مابغا الولد يعيش يالله شباب واحد منكم يقدر الممرضة ويسوي الفحص السريري ولا بتنتظرون تجي الورقة علشان ندق ولد :::محمد:هذا اللي انا خايف منه الواحد يبدى يتمصل من مهامه ياشباب الله يرضى عليكم الاتفاق اتفاق .

الساعه 4 وربع ونص صباحا

رجال شايل معه طفل عمره اربع سنين ...د.احمد يقابله خير خير وش صار ..ابد كان يلعب في الساحه وطاح على البلاط سوينا له كمادات بس كل شوي الالم يزيد....د.يزيد يرد احد يناديني:::احمد:اسكت ياشيخ لاجي الفعك...خلاص خلاص حطه على السرير ...ولا يحرك رجله :::شباب الحين اللي نشتبه ان رجله مكسوره وش نسوي به ::عبدالعزيز:اذكر ان لازم نصور له اشعه :::وش بعد:::يزيد:مسكن الآم :::محمد :HISTORY:::احمد:وش بعد...رائد اممممم ال اوف ذا ابوف(كل الاجابات السابقه صحيحه) :::محمد :ياهوووه والله كانت على طرف لساني:::احمد :رتبوهم طيب :::عبدالعزيز ::: يا احمد يا احمد مايبي لها شي نادي ماري وانكيتا وصارخ فيهم هم يعرفون يرتبونهم ....احمد راح يقول لممرضات ورجع بعد شوي ..شباب توهقنا توهقنا :::خير خير ::ماري تسئلني نبدا نسوي له جبيره ولا كيف وش اقول لها :::يزيد قل ايه::رائد عندك علم :::يزيد لا بس اتوقع كذا ::محمد ياشيخ تعرف تليص الجبيره الحين ولا بس نفخه على الفاضي :::يزيد عصب :يعني وش اسوي انثبر لين الولد يموت :::عبدالعزيز:يوووووزي هد اعصابك ثواني وارجع لكم بالزبده...الشباب كلهم :وين:::في غير حبي الدكتور سعيد..ترن ترن ترن...الووو الهي يحرقكم قوول اميين ياشييخ ::هلا بروف كيفك عسا الامور عندك طيبه ::طيبه في عينك يامنيّل يازينب يازينب البسي هدومك وولعي النور, المقرف هذا حرق الليلة الهي ينحرق مثل الصياديه في الطنجر ه الهي ينكد عليك ياشيخ نعم يازفت ::ابد سلامتك يادكتور عندنا طفل مكسوره رجله بناءا على نتيجة الاشعه, وعلى فكرة تراني متوقع ان رجله تكون انكسرت قبل مانصوره بالاشعه. بس السؤال اللي يجدع نفسه نسوي له جبيره ولا نصبر شويا::::يابعيد يااهبل :::تناديني يا بروف:::هو في غيرك قمر هنا منوّر بالرياض انا ايش اللي خلاني اسيب مستشفى الملك عبدالعزيز بجده, المهم احد دحك علييك وقال لك اني انا دكتور عظام دق على الدكتور عبدالفتاح واسئله هو مش انا .الهي يخرب عليك عيشتك زي ماخربت الليلة عليا الواحد مجهز كل حاجه جتى حبة الفياجرا واكلها الساعه اتنين ونص ..المهم الله القوي ينتقم منك خلاص عاوز حاجه تانيه :::والله يادكتور الواحد عقب هالكلام مستحي منك, بس يادكتور بصراحة بكرة اربعاء والاجواء ربيعيه وممطره. فايش رايك نحظر لك الحالات في قسم 24ب علشان ROUND لاننا بصراحة فاضين وماعندنا شغل وحرام هالطاقات تروح على الفاضي :::ايوة ياسيدي طيب انا ايش دخلني::جايك بالحكي يابروف فابعد مانخلص فاننا نتعذر منك بنمشي, لاننا طالعين مخيم في الصمان. واذا ماعندك مانع ودنا نرجع الجمعه في الليل بس لاتخاف الحالات حقت الراوند بنحطها لك عند الممرضة ...هاه يابروف موافق:::بس كدا ياشيخ روحواا وحتى الحالات لاتحضروها ومش ترجعوا الجمعه في الليل خذوا راحتكم انبسطوا اجلسوا اسبوع اسبوعين تلاته شهر سنة, انشالله تحترقوا كلكم على بعضكم في الخيمة بتاعتكم يامنيّلين. الهي ماتتوفقوا في دنياكم:::طيب يابروف مشكوور على الروح المرحه اللي عندك اهنيييك على فكره انت ظريف ...بااااي ...........

شبااااب شبااب الدكتور يقول روحوا مو لازم تسووون حالات يالله بسرعه يالله ببباااااييي ماري بااي انكيتا ...يالله بسرررعه ياشباب قبل لايتصل الدكتور سعيد يغير رايه ...الممرضة وراهم تجري :: دقتورز دقتورز مافي كده وات اباوت باشيونت (االمرضى):::يااماري هذاا بيجر الدكتور سعيد ..تراه حبيب وراعي فزعات ومايقصر لاوماكل فياجرا يعني الرجال مروق يالله بس بااااااااااااااااااااااااااااااااااااااااي.

اتمنى ان تكون هذه القصة قد نالت على اعجابكم ورضائكم ..كما يسرني ان اهديها الى جميع طلاب كلية الطب في جامعة الملك سعود وبالذات دفعه 1416هـ بلا استثناء
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم


القوالب التكميلية للمقالات

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy