احدن يعذب مهجته نايح الدوح // مجاراة الشلاحي // شاعر الميلون

أمل الوجار وخلوا البـاب مفتـوح=خوف المسير يستحي مـا ينـادي
نبغى إلى جاء نازح الدار ملفـوح=وشاف البيوت مصككه جاك بـادي
يقلط لديوان به الصـدر مشـروح=ورزقه على رازق ضعاف الجرادي
يا نمر ما في صكت الباب مصلوح=ولا هـي لهلنا يامضنـة فـوادي
تصلح لمخلوق يبي يستر الـروح=ناشي عليها معتمدهـا اعتمـادي
يا نمر لو المرجله سدو مسـدوح=كـلٍ نقزهـا حـر ولا بــرادي
لكنها من دونهـا المـر مطـروح=وارضٍ تبى من بذر فعلك سمادي
رجال تقصيره مع الناس مسمـوح=لا حيث ما له في القديمة شـدادي
ورجال تقصيره مع الناس مفضوح=كلٍ يقول النـار تـّرث رمـادي

احدن يعذب مهجته نايح الدوح=وماف الايادي غير ضرب الايادي
يلوح قلبه لايح البرق وينوح=حاديه حادي الشر فقرين حادي
من قل ماله مايهيف على الضوح=ولاينزل الا في دجى كل وادي
ومن زاد ماله لو ولد هافين كوح=ما استكبر الروس رايح وغادي
تسنه من اصحاب السفينه مع نوح=لو كان كذاب وكثير الدوادي