احدٍ تجي له حاجته وهو مرتـــاح =واحدٍ يموت وحــــاجته ما قضاها
واحدٍ حـــياته كلها انس وافــراح =واحـــــدٍ غرابيل اللــــــيالي لقاها
واحدٍ فؤاده ممتـــلي هم وجــراح =واحدٍ فؤاده خــــــاليٍ من غــثاها
واحدٍ الى منه بغى ينتهض طــاح =واحدٍ يرفرف والمعالي رقــــــاها
واحدٍ دموعه فوق الاوجان سفاح =واحــــدٍ تجلل ضــحكته من هناها
واحدٍ كلامــــه بين تنكيت ومزاح =واحـــــــدٍ تخنقه عبرته ما قواها
واحدٍ بهالدنيا مســــــافر وسواح =واحدٍ خطى رجليه ترجــع وراها
واحدٍ يعوم ببحر الاحلام ســــباح =واحدٍ عيونه ســــــاهره يا عناها
واحدٍ يهب له الجنوبي بالاصباح =واحدٍ غبار الصيف غطى سماها
واحد الى شافه حدٍ قال يا صــاح =واحدٍ يقال المعرفة من مــــــتاها
واحد ينام ونومته رعب واشباح =واحدٍ ينـــــام ونومته ياحـــــلاها
واحدٍ طيوره قصصت منها الأجناح =واحدٍ طيوره رفرفت في ســـــماها
واحدٍ يصير الشـــــري بيديه تفـاح =واحلى من الشهد المصفى حــلاها
واحدٍ لو انه يشــــــعل النار مافاح =قدره لو ان النار يشـــــــعل سناها
واحدٍ يحاول بين الاجواد باصلاح =واحدٍ دروب المرجله ما مشـــاها
واحدٍ بغيه في ظــــلامه للأصباح =وضيع لدينه والمـــــراجل نساها
واحدٍ يخاف الله بجيه ومـــــرواح =ونفسه عن اللي يغضب الله نهاها
وهذي هي الدنيا به افراح واتراح =ودنيـــاك تــــــاتفنى ولله بقـــــاها
والشخص ما يرديه حظه الى طاح =ويردى الى من المعاصي جنــــاها
تعليقات وردود الزوار - أضف تعليقك