• ×

05:17 صباحًا , الخميس 15 نوفمبر 2018

قائمة

جديد مقالات قصيمي

قصة قصيدة مضى لي ثمان سنين في حبس خير شايع الأمسـح بن رمال من شمر رجل عرف بالحكمة والدهاء والحيلة ومن صفاته انه ليس له الا عين واحدة وقد...


قصة قصيدة يا هل العيدي عليكم مشرهية قصة وردت في عدة كتب روى فيحان بن دغيم بن هدبا المطيري ان عمه طلال بن هدبا وابن عمه غالب بن طلال بن...


قصة قصيدة ربعي مطير مطوعة كل مسطور عاش هــلال بن فجحان الديحاني المطيري بالكويت معيشـــة الكفاف إذ كان لايجــد ما يطعم به الضيف...


قصة قصيدة ذيب النشاما حافنا والتبشنا هذه الابيات لها قصة حيث كان الشاعر عايض بداي المطيري في أحد المجالس الشعبية، وكان به عدد كبير من...


قصة قصيدة الجاهل اللي جاب بصري يقنه نقض جروح العود والعود قاضي الشاعر الكبير بصري الوضيحي الشمري ابو شخير رحمه الله لما كبر سنه فقد...


قصة قصيدة تسعين خيبه للوضيحي نفيعه كان بصرى الوضيحي في بيت صفوق الجربا أحد شيوخ قبيلة شمّر ولم يكن صفوق موجوداً وكانت ((البندري)) ابنة...



قصة الربع الخالي والجن

 0  0  39
قصة الربع الخالي والجن

هذه قصة عجيبة وغريبة اسمعوها من راعي السالفة

قصتي مع الجن في الربع الخالي
هذي قصة صارت لي في الربع الخالي والقصه نشرت في صحيفة الجزيرة .........

في يوم من الايام كنت طالع الربع الخالي طالع اقنص كنت مواعد شباب في منطقه في الربع الخالي اعرفها زين حافظها مثل اسمي ذاك اليوم دقيت على واحد من اخويايي وقلتله يا اللحيه الغانمه انا طالع الربع الخالي وراءئ ما تخاويني
قال : ما اقدر وقعد يصرف فيني ونا الي يضيق صدري وقفل السماعة بوجهه
عقب ما قلتله يا( ابو خالد وجهك يذكرني بنكبات الايام ......... داخل على الله لا تشوفك عيوني )

المهم اني طلعت ما معي احد وحداني منسي على اسمي ....
المنطقه الي كنت بروح لمها اعرفها زين ما زين بس انها كانت بعيده وفيه طريق مختصر لها قايلي ابو خالد وجه النكبه رح معه وتاصل بسرع وقت سمعت شوره ورحت على وصفه ومن طعس الى طعس وانا اتمخطر وشماغي على كتفي وجالس اصهلل على الطعوس وفجاة السيارة غرزت ليش غرزت ؟ طيب فيه دبل !!
الدبل ما يغير خرب اة ... اقعد بها يا منسي
ونا الي اطقها بتسوة .......
طيب السيارة خلاص ما تتحرك تجلس فيها يا منسي طبعآ لا
ونا الي انزل من السيارة ودق اللطمه واروح ادور احد يساعدني كان الوقت العصر ونا الي امشي مسافة طويله ادور خيمه ادور احد استراحه شي يا ناس يا هو يا بشر طيب انقذني يا حليب السعوديه

قبل ما تغيب الشمس حسيت بلعطش قلت ارجع لسيارة لني حاط فيها ماء ونا راجع لسيارة اختفت وطيات نعالي غطاها التراب توهقت وش لون ارجع لسياره وش لون اشرب ماء بتغيب الشمس السيارة ما لقيتها ابي مويه حسيت في ذيك اللحظه الماء غالي ادفع ما وراي وقدامي بس ابي قطرة ماء

الشمس غابت يا منسي وش تسوي حسيت بتعب قلت خل انام اصرفلي والي يصير يصير والصباح رباح
وصفطت شماغي وحطيت راسي عليه وجلست اتذكر الماما والبابا جاني النوم من التعب ونمت وانا في نوم عميق فجاة سمعت صوت سيارة قلت لنفسي اتوهم الصوت هذا بدأ يقرب اكثر وكثر فتحت عيوني شفت نور سيارة تشققت من الفرحه وهو يقرب من عندي وانا اصوت له وقف وقف وقف يا هوا يا الحبيب يا ابو الشباب تدرون ليش ما وقف ؟؟

لنه جنــــــــــــــــي : ونا الي يوقف شعر راسي وشلون سياره تمر من عندي بس نور وصوت بدون كفرات الجنى ما خلوني في حالي كل شوي يمرون من عندي سيارة ورا سيارة تبلد الاحساس عندي صرت ما اخاف طنشتهم وقلت الصباح رباح رجعت انام .......

في اليوم الثاني قمت من النوم من حر ما اوجس طقتآ الشمس من الحراره وقمت امشي ادور احد يساعدني ما لقيت انا عطشآ ادور ماء صرت امشي بلا شعور ما احس بلوقت غابت الشمس ونا امشي وعلى الغروب جاء الفرج شفت من بعيد خيمه وحولها ناقة نزلت دموعي من عيني يعني بلقاء احد يساعدني برجع لرياض طرت من الفرحه دخليت الخيمه ما لقيت احد !!!!!!

وين صاحب الخيمه طحت في مكاني من التعب خاب ظني خيمه ما فيها احد اقلب في الخيمه ادور شي اكله ما لقيت شي طحت في مكاني غبت عن الوعي .......

ما صحيت الى على صوت الذئب جالس يعوي قلت هذي النهايه اموت على يد الذيب تحاملت على نفس وقلت بدري عليه الذيب ياكلني طلعت من الخيمه رحت ادور اقرب برميل انطل نفسي فيه وموت ولا ياكلني الذيب لقيت برميل خمسه نجوم نزلت فيه الذيب بدا يقرب مني بدا يعوي بصوت اعلأ فجاة معد اسمع صوته وين راح طلعت روسي بشوف وين راح القافه فيني فيني حتا ونا في اشد موقف المهم شفت سياره من بعيد قلت هذولي الجن جاين يكملونها ذيابه وجن هذا الي ناقص.....
السياره وقفت عند الخيمه سياره حقيقيه مهي سياره الجن طلعت من البرميل رحت لسيارة نزل واحد من السيارة رحت اركض لمه ونا هالك من التعب الرجال شفني جاي لمه رفع السلاح علي ما قدرت اتكلم من التعب في هذي الحظه غبت عن الوعي ........

الرجال ما قصر ساعدني الله يجزه الف خير .......

رجعت لرياض على اقرب مستشفى جلست يوميآ في المستشفى طبعآ نقص من وزني 10 كيلوووووووووو......

وهذي قصتي مع الجن وحرمت بعدها اروح في طريق ما اعرفه
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم


القوالب التكميلية للمقالات

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy