• ×

07:17 صباحًا , الجمعة 10 يوليو 2020

قائمة

تفاصيل تحقيقات النيابة العامة المصرية في قضية مقتل هبة ونادين / (3)

 0  1  2.1K
 ننشر جلسة تحقيقات النيابة التي أجريت بسراي نيابة حوادث جنوب الجيزة صباح الثلاثاء 30 ديسمبر الماضي بإشراف المستشار حمادة الصاوي المحامي العام الأول. والتي جاءت عقب مثول المتهم أمام قاضي المعارضات للنظر في أمر تجديد حبسه وإنكاره ارتكاب الجريمة وأمر قاضي المعارضات بتجديد حبسه 15 يوماً علي ذمة التحقيقات.
سأل وائل صبري مدير نيابة الحوادث المتهم عن سبب إنكاره ارتكاب الجريمة أمام قاضي المعارضات رغم اعترافه في التحقيقات.. فقرر أنه اعترف تحت الإكراه والتعذيب من الضباط وأضاف:
أنا أنكرت قدام القاضي لان اول ما جابوني كنت مستلم من واحد صاحبي تليفون الشاشة بتاعته انكسرت مني وبعدها جبت التليفون تسعة أيام جم خدوا محمد ضرغام من البيت وقالوا له أنت جبت التليفون منين قال انا كنت مدي لواحد صاحبي تليفون وكسر الشاشة وقال ان جبت له التليفون ده من شارع عبدالعزيز وجهم خدوه من البيت وبعدها جابوه من البيت وسألوني جايب التليفون ده منين وقلت لهم جبيته من شارع عبدالعزيز وقلت لهم بدلت ده بتليفون تاني ودفعت 40 جنيه وخدوني قالولي هنسألك سؤالين وهنرجعك تاني وقالولي أول ما ركبت العربية لقيت واحد من الضباط
ودفعت 40 جنيه وخدوني قالولي هنسألك سؤالين وهنرجعك تاني وقالولي أول ما ركبت العربية لقيت واحد من الضباط طلع حزام من وسطه وربطه في دراعي وسحب مني دم وخدني علي قسم في 6 أكتوبر وسألني انت تعرف هبة ونادين منين وقلت له هبة ونادين أنا معروفهمش وكام واحد ادوني بالقلم وقالولي اسكت ورحنا القسم وقاللي واحد منهم ايه اللي خلاك تقتل هبة ونادي وانا خلقي ضيق وقلت له هبة ونادين مين هتلبسني قضية مش بتاعتي ولقيت 6 بيضربوا فيا بايدهم ما بقتش عارف الضرب جاي منين ومعملوش فيا اصابات عشان الضرب كان بايديهم وواحد فيهم قال يا باشا سيبه وأنا هنطقه ودخلني اوضه فيها ناس متعلقة ولما دخلت خفت عشان دي اول مرة اشوف موقف زي ده وقلت انت عايز ايه يا باشا خدني وركبت العربية وخدني علي النقطة وقاللي لو ساعدتني أنا هساعدك واحفظ الكلمتين اللي هقولهملك دول عشان هم اللي هيجيبولك 6 أشهر وقاللي في جريمة قتل وعايز تتقفل وقاللي لما تقف قدام وكيل النيابة تقول أنا سرقت وجاي ماشي الا رئيس اللي للتاخروني فانها بهوشهم ما حدش منهم خاف وغزيت دي وغزيت دي وقاللي قول انت كان داخل عليك عدو قاعد من الشغل ساعتها ومفيش فلوس خالص وواحد صاحبك اداني برشامتين وفجأة لقيت نفسي نطيت في فيلا ونطيت السور فقلت استني لحد ما يناموا وهم ناموا وعطشت ودخلت اشرب من المطبخ ولقيت ال 200 جنيه ومارضيتش اشرب وسبت باب الثلاجة واترزع وجيت ماشي ودي كانت ماسكة عصاية ودي طفاية بعدما صحيوا من صوت باب التلاجة ودي خدت غزة ولقيت تليفون بيرن وخدته وبعد كده طلعت ونطيت وركبت عربية مع سواق وقلت له وديني روض الفرج وهم ولا عرضوني علي سواق ولا الراجل اللي اشتريت منه سكينة وقالهم اني كنت لابس بيجامة وكنت حافي هل انا حقول اني ما اشتريتش بنطلون ولا حاجة ولما دخلت لوكيل النيابة قلت علي اللي حصل ولما كنت قدام القاضي أنكرت عشان انا ما عملتش القضة دي وعايز اقول ان اللي خدني علي القسم كان لافف السكينة في ورقة ودمها علي الارض قاللي هاتها جبتها واديتها له وقاللي ما تعرفش تعمل زيها قلت لا انا حداد حاجة تانية وهو بيقول اني قتلت وسرقت هل مش هاخد الماظ وذهب بس كده وعشان كده أنا أنكرت قدام القاضي وقاللي واحد منهم معرفوش قاللي انا اوقف لك محامي واخرجك منها وفي حاجة تانية عايز اقولها ايه لو هومسك متهم زي ما قعدوش في الحجز ليه وقعدني علي السرير وأكل من كنتاكي وتليفزيون كان بوصلة جوه.
* س: وهل وقت أن عرضوا عليك تليفون زميلك محمد ضرغام تأكدت أنه التليفون اللي كنت اشتريته.
أيوه وقلت لهم اني كنت شاريه قبل اليوم ده ب 9 أيام.
س: وما سبب اعترافك بتحقيقات النيابة تفصيلا بارتكاب الواقعة وقيامك بإجراء معاينة تصويرية لكيفية ارتكابك الواقعة علي النحو الوارد بالتحقيقات تفصيلا.
علشان انا لما جيت وقابلت وكيل النيابة قاللي يقول الحقيقة ولو انت مظلوم انا همشيك من هنا دلوقتي واستدعي الظابط وقاله ان الكلام اللي بيقوله غير اللي انتو جايبينه قاله سيبهولي وأنا انطقه وتاني يوم اعترفت بالسرقة ولم اعترف بالقتل.
* س: هل وقع عليك ثمة تعدي أو إكراه أثناء اعترافك أمام السيد وكيل النيابة؟
لأ.. بس هم كانوا في القسم منبهين عليا لما اجي النيابة اتكلم وعلي طول عشان لو قلت الحقيقة هتضرب ضرب غبي لكن في النيابة ما وقعش عليا اي اكراه.
إنكار
* س: وأثناء قيامك بإجراء معاينة تصويرية للواقعة في حضور النيابة الصامت هل وقع عليك ثمة إكراه؟
الشرطة كانت محفظاني كل حاجة وقايله لي اقولها ومحصلش عليا اي اكراه من النيابة.
* س: ثابت بالاوراق انك بعناقشتك ببعض الشرطة قررت لمحرر المحضر الكامل الواقعة علي النحو المبين بمحضر الشرطة فما قولك في ذلك.
هم كانوا محفظين اقول إيه.
س: هل محمد ضرغام ابراهيم هو الشخص الذي قمت بتسليمه التليفون المضبوط قبل الواقعة بتسعة أيام علي حد قولك.
أيوه
* س: هل استخدم محمد ضرغام التليفون في تلك الفترة؟
استخدم التليفون وأن اول ما اشتريت التليفون جربت الشريحة عليه عشان اشوف شغالة ولا لأ.
* س: وهل اثناء قيامك بإجراء المعاينة التصويرية في حضور النيابة العامة كان بك أية اصابات.
أنا لما جيت انط السور خدت لي كام خربوش بس ولما جيت بنط من الشباك ماكنتش عارف اطلع وواحد رفعني من تحت وساعدني علي الطلوع.
* س: ما قولك فيما ورد من شركة موبينيل أن التليفون المحمول المضبوط استخدم عليه خط تليفون محمد ضرغام إبراهيم 0125123227 في الفترة من 27/11/2008 حتي 2/12/2008
أنا رحت اشتريته واديتهوله وبعدها ب 9 أيام جم خدوني.
* س: ما قولك وقد ثبت بالاستعلام من شركة موبينيل عن جهاز التليفون المضبوط سالف الوصف والبيان من انه استخدمت عليه شريحة المجني عليها نادين خالد محمد جمال الدين وآخر استخدام له ليلة الواقعة الساعة الواحدة وسبع وخمسين دقيقة وتسع وخمسين ثانية برسالة.
انا ما ليش دعوة وأنا ما عملتين حاجة.
* س: ما قولك فيما ثبت بتقرير مصلحة الطب الشرعي وتحديداً الإدارة المركزية للمعامل الطبية الشرعية من أن البصمة الوراثية للحامض النووي المستخلصة من التلوثات الدموية الآدمية لفانلتك تطابقت مع المأخوذة من فانلتك وتداخلت مع البصمة الوراثية لكل من نادين خالد وهبة العقاد \"افهمنك\" أنا هدومي كانت نضيفه ما كانش فيه اي حاجة.
* س: ما قولك فيما ورد في تقرير المعمل الجنائي من أن العينة المرفوعة من علي فرع الشجرة المنزوع من احدي الاشجار المحيطة بالمنزل محل الحادث تنمي لك وليس لأحد غيرك.
ممكن ده اللي يكون سحبوه مني ومشوه عليه.
* س: هل مازال لديك اقوال اخري تريد اضافتها.
لا.
اتهام
* س: انت متهم بقتل المجني عليها نادين خالد محمد جمال الدين عمدا من غير سبق اصرار أو ترصد بسكين وقد اقترنت تلك الجناية بجناية اخري هي انه بذات الزمان والمكان سالف الذكر قتلت عمدا المجني عليها هبة ابراهيم العقاد من غير سبق اصرار او ترصد بذات السكين وقد ارتبطت تلك الجنايتين بجنحة اخري هي انه في ذات المكان والزمان وسالف الذكر سرقت الهاتفين النقالين والمبلغ النقدي المبيينن وصفا وقدرا بالتحقيقات والمملوكين للمجني عليها نادين خالد محمد جمال الدين عن طريق التصور حالة حملك سلاحا ابيض \"سكين\".
محصلش وانا دخلت الشقة للسرقة بس.
* س: كما انك متهم بإحراز سلاح أبيض بغير مسوغ من الضرورة الشخصية والحرفية \"سكين\".
محصلش وأنا دخلت للسرقة بس
*: هل لديك اقوال أخري
لا
الشهود
كما استمعت النيابة لأقوال رنا محمد فؤاد مصطفي \"20 سنة\" الطالبة بكلية الاعلام ب 6 أكتوبر صديقة القتيلة نادين والتي غادرت مسرح الجريمة قبل اكتشاف الجريمة والتي قررت أنها تربطها صلة بصديقتها نادين وتحدثت في التحقيقات عن علاقتهما كما استمعت النيابة لأقوال فريدة ملك نور \"62 سنة\" ربة منزل والمقيمة في الطابق العلوي لمسرح الجريمة.
وجهت النيابة عدة تساؤلات للجارة الشاهدة وأجابت:
اسمي فريدة ملك نور مقيمة بحي الندي مدينة الشيخ زايد واللي حصل أنه أنا ساكنة في الدور اللي فوق شقة الاستاذ خالد وحوالي الساعة 5.10 فجر يوم الخميس سمعت صوت دربكة قوي حد بيرفع أو بيزق عفش أو ترابيزات في الارض وسمعت صوت حوار غير مفهوم بصوت مش عالي قوي وسكت الحوار لمدة دقيقة أو دقيقتين وبعدين ابتدأ تاني نفس الكلام ونفس الدربكة وخلصت الدربكة والكلام ده حوالي الساعة 5.35 صباح ذلك اليوم وما كانش فيه اي صويت واستنجاد او صريخ أو أي حاجة تدل ان فيه جريمة او حد بيعتدي علي حد وبالليل في نفس اليوم لما رجعنا من مشوار كنا فيه عرفنا ان فيه واحدة اتقلت وواحدة اتدبحت في الشقة دي وهوده كل اللي حصل.
* س: متي واين حدث ذلك؟
الكلام ده حصل فجر يوم الخميس الموافق 27/11/2008 حوالي الساعة 5.10 فجراً في شقتي اللي في العقار رقم 15 حي الندي.
* س: ما سبب ومناسبة تواجدك بالمكان والزمان سالف الذكر.
أنا كنت في شقتي
* س: ومن كانت برفقتك آنذاك؟
كنت لوحدي وكان وقتها الحاج جوزي في المسجد.
* س: ما الذي تنامي الي سمعك حال تواجدك بالمكان والزمان سالف الذكر.
هو انا سمعت صوت دربكة وحوار بصوت مش عالي قوي وكان صوت الدربكة ذي واحد بيزق ترابيزة أو حاجة من الارض.
* س: هل تنامي الي سمعك مضمون ذلك الحوار؟
هو حوار غير مفهوم وأنا مفهمتش منه حاجة.
* س: وماذا بشأن اعتيادك علي الاستيقاظ في مثل ذلك التوقيت؟
أيوه انا متعوده أني اصحي بدري علشان صلاة الفجر.
* س: ما التصرف الذي بدر منكي عقب ما تنامي الي سمعك كما قررت سلفاً؟
أنا معملتش حاجة لاني زي ما قلت قبل كده ما كانش فيه اي حاجة تدل علي ان حد بستنجد أو يصرخ.
* س: وهل قمتي باخبار زوجك المدعو عبدالرحيم درويش بمضمون ما تنامي الي سمعك عقب عودته من المسجد كما قررتي سلفاً.
أيوه أنا قلت ليه اني كان فيه دربكة وصوت حوار غير مفهوم بصوت مش عالي قوي.
* س: وما الذي قرره لك سالف الذكر انذاك
هو معلقش علي الكلام اللي انا قلته له.
* س: وما هي الطبيعة التي كانت تضفي علي الاصوات التي تنامت الي سمعك.
هي كلها اصوات نسائية.
* س: ماذا بشأن علمك عن حسن سير وسلوك المجني عليهما هبة إبراهيم عقاد ونادين خالد محمد جمال.
أنا معرفش حاجة عنهم ولا عن اخلاقهم لأني مينزلش من البيت كتير.
* س: هل شاهدتي ثمه معين علي العقار محل الحادث دائم التردد.
لا أنا معرفش اذا كان بيتردد عليها ولا لأ.
* س: هل تنامي الي سمعك قيام المدعو علي عصام الدين حال قيامه بكسر باب الشقة محل الواقعة.
لأ أن ما اخدتش بالي.
* هل لديك اقوال أخري؟
أقوال رنا
اسمي رنا محمد فؤاد مصطفي نصار السن 20 سنة طالبة كلية الإعلام M.S.A ومقيمة ش محمد مظهر الزمالك عنوان الحالي حي الندي الشيخ زايد.
* س: ما صلتك بالمجني عليهم هبة إبراهيم عقاد ونادين خالد محمد جمال.
هبة ونادين دول اصحابي ونادين ساكنة قريب مني في حي الندي.
* س: ما هي معلوماتك بشأن الواقعة محل التحقيق؟
اللي حصل اني يوم الاربعاء 26/11/2008 نزلت ورحت الجامعة حضرت محاضرة وكانت نادين بتحضر محاضرة خلصتها قبل مني وفضلت مستنياني وقابلتها وقالت لي احنا هتتسني هبة لغاية لما تيجي من علي المحور وفضلت قاعدين مع بعض لغاية مع جات ورحنا الثلاثة اخدنا حقنة التطعيم ضد الحصبة الالماني ونادين طلبت مننا انها تسيبنا ونحن علشان أومهم مستنيها في البيت فاحنا اقترحنا اننا وبعد كده حضرت أنا وهبة محاضرة مع بعض وكنا اتفقنا مع نادين انها تيجي عندي البيت وانا هستناها انا وهبة وهي اتأخرت شوية وجات حوالي الساعة 6 تقريبا مساء وفضلنا قاعدين مع بعض لغاية لما والدي جه حوالي الساعة 7.30 مساء واستأذنا منه ان نروح عند شقة نادين علشان نعمل عشاء مع بعض وناكل مع بعض وفعلا رحنا البيت عند نادين وعملنا الاكل والكيك بالشيكولاتة وأكلنا مع بعض وبعد كده والدي كلمني حوالي الساعة 10.45 مساء وطلبت مني اني ارجع علي البيت علشان الوقت كان متأخرا فاخدت بعضي ونزلت ورحت علي البيت قعدت شوية وبعد كده نمت وصحيت علي مكالمة الاستاذ علي حوالي الساعة 6.00 صباح يوم الخميس 27/11/2008 وهو قالي اصحي - اصحي فيه واحد دخل شقة نادين وضرب هبة ونادين بسكينة يلا بسرعة روحي شوف ايه انت - ووالدك فجرت علشان اصحي والدي ملقيتوش في السرير ولقيته بيصلي فمرات والدي راحت المسجد وقالت له وبعد كده عرفت ان هبة ونادين اتقتلوا ومين وقتها وانا حالتي النفسية سيئة جدا.
* س: متي واين حدث ذلك؟
الكلام ده حصل يوم الاربعاء الموافق 26/11/2008 بعد لما رحنا الجامعة ورجعت أنا وهبة وجات لي نادين علي البيت عندي في فيلا والدتي.
* من كان برفقتك آنذاك؟
هو أنا رحت الفيلا انا وهبة وجاءت لينا نادين علي الفيلا.
* س: وحال تواجدكم بالعين محل الحادث هل من ثمة حوار دار فيما بينكم آنذاك؟
لا هو كل اللي حصل اني واحنا واقفين مع بعض في المطبخ اتكلمنا مع بعض شوية علي الاكل وغسيل الاطباق.
* س: وحال تواجدك برفقة سالفي الذكر هي تنامي إلي سمعك ثمة مكالمة هاتفية وردت لأيا من المجني عليهن سالفي الذكر.
أيوه هو جات مكالمات كتير لنادين وما اقدرش احدد مين اللي كان بيتصل بالظبط.
* س: هل تنامي الي علمك ان المجني عليها هبة إبراهيم عقاد سوف تمكث طرف المجني عليها المتوفاة نادين خالد محمد جمال ليلة الحادث.
أيوه سمعتها تقول لمامتها انها هتبات عند نادين الليلة دي في التليفون.
* س: هل تعلمين بثمة معين نثور حول الشكوك بمستقبل المجني عليهن سالفي الذكر؟
لا أنا معرفش.
* س: ولماذا لم تقومي بقطع علاقتك بالمجني عليها نادين خالد محمد جمال برغم علمك بما قررتيه سلفا؟
انا بعدت عنها فترة وبعد كده رجعنا لبعض وجات اعتذرت لي.
* س: هل اخبرتكم المجني عليها المتوفاة نادين خالد محمد جمال بشأن ما دار بينها وبين المدعو أدهم الوارد علي لسانك سلفا.
لا بس هي اخبرتنا بأن فيه حوار دار بينه وبين والدته وفي الحوار ده هو نهر والدته ونادين قالت انها عنفته نتيجة ذلك.
* س: هل كنت تعلمين بطبيعة العلاقة الزوجية فيما بين المدعو علي عصام الدين والمجني عليها هبة ابراهيم عقاد.
أيوه هي هبة كانت قالت لي انها متزوجة من علي بس طلبت مني اني مقولش لنادين.
* س: وحال ذهابك للعين محل الحادث هل كانت المجني عليها المتوفاة نادين خالد محمد معتادة المكوث داخل نطاق معين من الشقة.
أيوه هي عالطول كانت بتقعد في الليفنج.
* س: ما قولك فيما قرر وشهد به بالتحقيقات علي عصام الدين وتلوناه عليها.
أيوه هو ده اللي حصل
* هل لديك اقوال أخري؟
ويصرف كلها من فريدة ملك نور محمود ورنا محمد نصار من سراي النيابة.
والد نادين
قرر خالد جمال الدين \"47 سنة\" محاسب قانوني والد القتيلة نادين في أولي جلسات الاستماع لأقواله أنه علم بحادث مقتل ابنته اثناء تواجده في عمله بالسعودية من خلال مكالمة تليفونية تلقاها من حماته فعاد مسرعا للقاهرة مؤكدا أنه توجه إلي شقته بحي الندي ومنعه رجال المباحث من دخولها لحين الانتهاء من معاينة النيابة لمسرح الجريمة ولم يدخل الشقة إلا بعد تنظيفها.
أجاب الأب علي كل تساؤلات النيابة.
* س: متي وأين حدث ذلك تحديداً؟
الكلام ده حصل يوم الخميس 27/11/2008 حوالي الساعة 10 صباحا وكنت ساعتها في السعودية فاخدت اول طيارة ورحت جاي علي مصر ووصلت مصر تقريبا حوالي الساعة .7
* س: ومتي تقريبا المرة الاخيرة التي شاهدت فيها نجلتك تحديدا؟
كانت معايا خلال شهر رمضان ونزلت قبل بداية الدراسة الجامعية.
* س: وحال تواجدها معك هل شاهدت عليها ثمة مظاهر أو آثار غريبة؟
لا وقعدت معايا الشهر كله وما كانش ظاهر عليها أي حاجة وحشة وقالت لي إنها هتنزل علشان تسجل نفسها في جامعة نوال الدجوي.
* س: وهل تنامي إلي سمعك من ثمة معين بأن نجلتك المجني عليها كانت تثار عليها بعض الشبهات.
أيوه هي نادين بنتي ذاتها اخبرتني انها قطعت علاقتها بصاحبتها رنا محمد نصار لان رنا بتقول عليها كلام مش كويس مع باقي زملائها حتي نادين بنتي قالت لي ان رنا جات ليها البيت واعتذرت ليها عن الكلام ده.
* س: وهل كانت نجلتك المتوفاة تقيم بمفردها في العين محل الواقعة؟
ايوه هي كانت قاعدة لوحدها في الشقة بتاعتي اللي هي محل الحادثة.
* س: بزمان الواقعة هل قمت بالاتصال بنجلتك أو دار فيما بينك وبينها ثمة حوار؟
أيوه أنا اتصلت بيها يوم الواقعة وكنت بتصل بيها كل نص ساعة علشان اطمن عليها واخر مكالمة بيننا كانت حوالي الساعة 10 أو الساعة 11 بالليل يوم 26/11/2008 الموافق يوم الاربعاء.
* س: وهل كان يظهر علي نجلتك انذاك ثمة علامات يظهر من خلالها بأن نجلتك تعاني من ثمة ضيق نفسي أو عصبي.
لا
* س: سبق وقرر المدعو علي عصام الدين علي بأن نجلتك كانت علي علاقة والمدعو أدهم هل لديك ثمة معلومات عن تلك العلاقة.
أيوه هي بنتي نادين السنة اللي فاتت لما نزلت اجازة حكت لي علي اللي اسمه ادهم ده قالت لي عليه انه عازوز يتجوزني فأنا رفضت وقلت ليها لما تخلص الجامعة الأول.
* س: وهل تقابلت مع سالف الذكر ذات مرة؟
لا بس أدهم ووالدته قابلوا المدام بتاعتي وقعدوا يتكلموا معاها بخصوص جواز أدهم من نادين وبلغتهم قبوله بس مع التأجيل لغاية لما نادين تخلص دراستها وأنا ساعتها قعدت مع نادين بنتي وطلبت منها تقطع علاقتها بآدهم وتكون في حدود الزمالة.
* س: وهل من ثمة خلافات فيما بين نجلتك وانت وثمة آخرين؟
لا احنا علاقتنا بالناس كلها كويسة ومفيش خلافات بيننا وبين حد.
* س: وحال اتصالك بنجلتك هل اخبرتك بأن المجني عليها المتوفاة هبة ابراهيم عقاد سوف تقيم معها تلك الليلة؟
ايوه هي بلغتني ان هبة هتبات عندها اليوم ده وعلي فكرة نادين مش معتادة أن حد يبات عندها في الشقة وأنا عاوز اقول ان نادين بنتي الله يرحمها كانت بايتة عند هبة قبل الواقعة بيوم ويوم الواقعة هبة ونادين قالوا إنهم هيباتوا عندنا في الشقة وفعلا نزلوا من المهندسين بعربية هبة ونادين بنتي سابيت عربيتها هناك لاني انا لما رحت بعد الواقعة لما وصلت لقيت كاوتش العربية علي الارض.
* س: هل سبق وتعرض العقار سكنك لمحاولة سرقة.
لا محصلش ده انا كمان عامل ليها كاميرا داخلية تقدر ..تشوف مين اللي علي الباب قبل ما تفتح بس للاسف الكاميرا مش بتسجل.
* س: هل لديك اقوال اخري؟
أيوه انا عايز اقول ان بنتي محترمة وملهاش في موضوع الخمور والمخدرات زي ما بيقولوا وان بنتي عذراء وان اللي دخل الشقة دخل بطريقة غير مشروعة ودليلي علي كده كلام اللي اسمه علي وفرد وان كمان باب الشقة كان مقفول بالقفل وأن اكيد حد كان مراقب الشقة وكان عايز يسرق الشقة واتفاجأ بوجود بنتي واللي اسمها هبة.
* س: هل مازال لديك مزيد من الاقوال؟
لا تمت اقواله وتوقع منه.
إعادة سماع أقوال الأب
أعادت النيابة استدعاء خالد جمال الدين والد نادين للمرة الثانية في 16/12/2008 وسألته النيابة:
* س: ما هي أرقام الهواتف ونوعياتها ملك نجلتك المتوفاة نادين خالد محمد جمال؟
هو معاها اثنين موبايل بتقوم باستخدامهم واحد منهم ماركة L.G وكانت حاطه فيه خط مصري وتليفون تاني ماركة نوكيا 1200 وكانت حاطة فيه خط سعودي ورقم الخط المصري اللي علي التليفون الأولاني اللي هو ماركة L.G هو رقمه 0105676284 ورقم الخط الثاني السعودي اللي علي التليفون الثاني ماركة نوكيا 1200 هو رقمه .0966590098693
* س: وهل كانش المجني عليها المتوفاة تستخدم الهاتفين سالفي الذكر في الاتصال بك؟
هي ما اتصلتش بي في السعودية ولا مرة من الخط المصري وبالنسبة للخط السعودي فكانت لما بتعوز حاجة بتدينا رنة علي موبايلي أو موبايل والدتها واحنا نتصل به.
* س: وما هو سبب عدم قيامك نجلتك المتوفاة من الاتصال بك مباشرة من ذلك الخط.
لأني هو لو اتصلت بينا من الخط السعودي تحسب مكالمة دولية عليها لكن لو انا اللي اتصلت بيها تحسب مكالمة سعودية محلية عادية.
* س: وهل كانت هناك وسيلة أخري للاطمئنان علي نجلتك سالفة الذكر؟
احنا معظم الوقت اللي ما كانت فيه اتصال كانت بتبعت لينا من علي الخط السعودي اللي متركب علي التليفون النوكيا 1200 رسائل نطمن فيها علي بعض واحيانا كنا بنتكلم من علي شبكة الانترنت.
وحيث قدم لنا الحاضر تليفون ماركة سوني اريكسون S500 الحاضر بأنه ملك السيدة زوجته نهال احمد رجاء والدة المجني عليها المتوفاة بالاطلاع عليه تبين ورود رسالة من الهاتف رقم 966590098693« بتاريخ 727 N0 2008 2.58AM بتوقيت السعودية مثبت به عبارة PLzware us up at nine giti 2mmrw
* س: وما هو آخر موعد اتصال تم فيما بين نجلتك المتوفاة سالفة الذكر وبينكما حال تواجدكما بالمملكة العربية السعودية؟
آخر اتصال تم بيني وبينها كان يوم الحادث حوالي الساعة 11 بالليل وبعدين والدتها كلمتها بعدها بحوالي ربع ساعة من الهاتف رقم 0024630 0096659 علي هاتف نادين رقم 00966590098693
* س: هل تملك نجلتك المتوفاة سالفة الذكر ثمة هواتف محمولة أخري.
أيوه هي كان معاها تليفون محمول ماركة موتوريلا وده غير مستعمل وشاشته مكسورة والتليفون ده ما كانش متواجد بمحل الحادث بالاضافة للتليفون النوكيا 1200 وأنا عاوز أقول اني انا عرفت ان المتهم قال في التحقيق أن فيه تليفون وقع منه وهو بيخرج من سور الفيلا واحتمال يكون ده الموبايل المقصود.
* س: وهل قمت بالبحث عن متعلقات نجلتك المجني عليها المتوفاة بالعين محل الحادث؟
أنا بعد مرات عمها ما نظفنا الشقة وبعد لما المباحث ما منعتني اني اطلع الشقة الا لما يصدر قرار من النيابة العامة وبعد لما طلعت كانت مرات عمها نظفت الشقة كلها من اثار الدم ولما دورت لقيت كل دهب نادين موجود وكل حاجتها موجودة والفلوس موجودة ماعدا ثلاث موبايلات اللي انا قلت عليهم قبل كده مكنوش موجودين خالص في الشقة وكمان ما لقيتش البطاقة بتاعتها ولا كارنيه الجامعة بتاعها وهي دي الحاجات بس اللي انا ما لقيتهاش والمبلغ كان حوالي خمسين جنيه تقريبا.
* س: وما هو نوعية ووصف الهاتف المعمول الوارد علي لسانك سلفا؟
بالنسبة للهواتف اللي كانت مع بنتي هم ثلاثة لاول ماركة نوكيا 1200 لونه اسود ومن قدام لونه زي ما يكون رصاصي غامن وفيه كشاف من فوق وبالنسبة للموبايل الثاني فهو موبيل ماركة LG لونه بينك وده كانت مشغلة عليه الخط المصري والتليفون الثالث ماركة موتوريلا لونه بينك وشاشته مكسورة ومكانش فيه اي خطوط.
* س: وهل تملك انت مستندات شرائك تلك الهواتف المحمولة؟
أيوه انا شاري الثلاث موبايلات من السعودية ولما كانت نادين بتيجي زيارة كنت بديها الموبايلات وآخر واحد انا اشتريته ليها كانت التليفونا النوكيا 1200 اللي انا شفته في القسم وقالوا لي أنه عثر عليه حوزة المتهم وده كنت شارية ليها في شهر رمضان اللي فات وبالنسبة لعلبة الهاتف النوكيا فهي موجودة معايا في السعودية.
* س: وعلي أي شبكة محمول يتم استخدام الهاتف النوكيا 1200 والذي يحمل شريحة رقم .0966590098693
كان بيتم استخدام خط زين السعودي ده علي شبكة موبينيل لوجود اتفاقية بين شركة زين السعودية وشركة موبينيل بجمهورية مصر العربية.
* س: قررت سلفاً بعدم تواجد الهواتف المحمولة خاصة نجلتك المتوفاة سالفة الذكر فما هو تحليلك لذلك؟
زي ما قلت قبل كده بالنسبة للهاتفين المحمولين النوكيا والموتوريلا البينك فالأول تواجد مع المتهم والثاني زي ما عرفت أنه قال في التحقيقات ان هو وقع منه وهو خارج سور الحديقة أما التليفون الثالث اللي هو LG اللي كانت مشغالة علي الخط المصري فده عرفت انه كان في المباحث وأنا استلمته من هنا والموبايل ده في حوزتي دلوقتي.
ملحوظة: قدم لنا الحاضر الهاتف المحمول ماركة LG بينك اللون والذي سبق وان قرر لنا بأن نجلته تستخدم عليه الخط المصري رقم 0105676284 بالاطلاع عليه تبين انه يحمل سريال رقم 352637011815530 وتبين لنا أنه بدون شريحة فقمنا برده اليه عقب ذلك.
* س: وهل اخبرتك نجلتك المتوفاة سالفة الذكر ذات مرة بأنها قد تقوم بعمل تبادل للشرائح فيما بين هواتفها المحمولة المملوكة لها؟
لا لكن احتمال تعمل كده.
* س: ملك من العين محل الحادث الذي كانت تعيش فيه نجلتك المتوفاة سالفة الذكر.
هي ملكي انا وعقدها مسجل باسمي.
* س: منذ متي ونجلتك المتوفاة إلي رحمه الله تعالي سالفة الذكر تقيم بتلك العين محل الحادث.
هي بتقيم فيها من حوال ثماني شهور مش بصفة مستديمة لانها كانت بتيجي لينا زيارة في السعودية.
* س: وهل كانت نجلتك المتوفاة سالفة الذكر تقيم بتلك العين بمفردها.
أيوه هي كانت قاعدة فيها بمفردها.
* س: واين كانت تقيم نجلتك قبيل ذلك؟
هي كانت قاعدة مع جدتها والدتي في الهرم.
* س: وما هو سبب انتقالها للاقامة بالعين محل الحادث؟
علشان المكان يبقي قريب من الجامعة بتاعتها والوقت ميروحش هدر في المواصلات.
* س: وما هو مصدر حصول نجلتك المتوفاة سالفة؟ الذكر علي المبالغ النقدية التي تقوم بالانفاق علي نفسها منها؟
هو أنا كنت دايما بيبعث ليها فلوس حوالي الفين أو ثلاثة آلاف جنيه شهريا.
* وحال بحثك عن متعلقات نجلتك بالعين محل الحادث هل كانت متعلقاتها ظاهرة لك رؤي العين.
أيوه هي كانت موجودة قدام عينيه.
* س: واين كانت تتواجد تحديداً؟
هي كان فيه متعلقات كتيرة دهب وساعات كانت موجودة في أوضة النوم علي التسريحة وكمان في اوضة الليفينج علي الترابيزة اللي موجودة في نص الاوضة.
* س: وبما تعلل عدم قيام المتهم بسرقة المتعلقات سالفة الذكر؟
معرفش يمكن يكون خاف من منظر الدم.
* س: هل لديك أقوال أخري؟
لا

القوالب التكميلية للأخبار

تعليقات وردود الزوار - أضف تعليقك

تعليقات وردود الزوار - أضف تعليقك ( 0 )

تعليقات وردود الزوار - أضف تعليقك ( 0 )


Privacy Policy