http://www.ahm1.com/nu/articles-action-listarticles-id-5.htm المقالات ar-sa Copyright 2012 - ahm1.com Sun, 12 Feb 2012 22:05:11 +0300 Thu, 12 Jul 2007 20:17:55 +0300 رفيع الشان Dimofinf Rss Feed Generator 1440 قبل ابدا بالموضوع وقفة بس في قضية تزوير «قفا» طبعا تلاحظون الصورة اللي حاطينها في صفحتي فوق وربي ثم وربي ما هوب أنا وانهم مزورين في القفا أصلا لو هالقفا الزين ذا لي كان ما تأخرت اطلع وجهي وغير كذا اللي مثلكم ماينعطا مقفاااااة وآسف بجد مالي سلطة على إدارة التحرير خاصة يوم رجع لي دبلة الكبد عبدالله ناصر ولا وش زيني قبل ماخذن راحتي عالآخر المهم ما بغي أطول عليكم لأني أصلا ناوي أخلي المقالة ست سطور وبتكلم عن التحطيم وأخص فيه التحطيم عند البنات لأن الشباب مشاء الله عليه لو تجلس تحطم فيه من الصبح لآخر الليل قالك بالأخير أنت تكلمني؟؟؟ المهم تجده متبلد نادر ما يخضع لعملية تحطيم وحتى لو خضع شرب زقارة وروق والتبلد انواع فيه تبلد يجي بالفطرة وفيه تبلد يجي عقب ماعون فول قلابة وفيه تبلد يجي عقب كف في واحد من مراكز الشرطة وفيه تبلد مستورد مع قمصان الجينز الضيقة للشباب والقمصان اللي يظهر فيها السر في قمة تبلده الأخلاقي المهم الشباب ماهم قضيتي لأني ملاحظ ان شبابنا فديت خششهم البريئة خاصة لاشفتهم صافين على مطاعم البخاري كل واحد يقول نص وربع تحسب الدعوة ترشيح. المهم أنواع التحطيم كثيرة لكن من باب المزح اخترت بعض انواع التحطيم عند البنات وطبعا عند البنات كثيرة بذكر بس اربع حالات من 578458665 حالة. والحالة الأولى واللي تشوفها بشكل يومي هي في مكياج البنت وتزيينها يعني لو وحده توها مخلصة مكياج وزاروها ثنتين من صديقاتها وحده تحبها موت ووحده تكرها وتجمعو على هاللي متمكيجة بتلقا تقولها اللي تحبها الله مره حلو مكياجك يا عمري يهبل بس لو ان الكوافيره مارفعت الحجان فوق ولا وسع لك اطراف الشفايف ولا خلت الشعر على جنب تقل باكستانية بتعرس ولا قصقص في القذلة ولا كنتي بتطلعين أحلى يا عمري انتي «طبعا ذي اللي تحبها» وذيك مسكينة من التحطيم براطمها صافقة الأرض وعقبه تلتفت لها اللي تكرهها وتقول للي تحبها اقول تحمدي ربك بس لار --- أكثر

]]> http://www.ahm1.com/nu/articles-action-show-id-87.htm Thu, 12 Jul 2007 20:17:55 +0300 طبعا كلكم زيي انذهلتو من الرقم اللي وضعوه مجلس الشورى بخصوص العوانس في البلد وصل الى مايقارب النصف مليون عانس (يعني لو اخذ من كل عانس اربعه ريال بنيت لي قصر في جنيف) يعني نص الجيش الامريكي بالضبط (اللهم اقضي على الجيش العانس اللهم احصهم عددا ولا تترك منهم احدا كانهم آآذو اخوانا في العراق) المهم ان الاخوات العوانس فاق عددهم الجيش العانس اللي ذكرناه سالفا وتبون الصراحه الرقم مخيف لكن كان متوقع وش اتوقع من مجتمع زي مجتمعنا اكثر مافيها المطاعم والبقالات وصالونات التجميل والمكتبات؟؟؟ المهم ان الرقم الخيالي اللي ذكرووه ينبئ بخطر قادم اذا مالحقنا عليه واظن الحلول موجوده ابد ماسهل من الحلول يا مجلس الشورى بس انت عطنا اذنك بالاول يا مجلس الشورى يجب ان تدرك ان بلانا فينا حنا يا معشر الشورى كم واحد فيكم متعدد الزوجات؟ (لو سمحت يا شورى ناظرني لاتناظر الارض) كم واحد فيكم عنده استعداد لتصحيح الاوضاع؟؟ (يؤيؤيؤ وش فيكم ناظرتو كلكم السما؟) طيب تعالو انا بعطيك الحلول واسمعوني جيدا وصدقوني يوضع سره في اسمن خلقه. بالاول قبل اقولكم الحلول ودي اذكر لكم قصة كان فيه خمسه اخوان حبو كلهم يعرسون المهم ان الموضوع اطرحوه على امهم وقالت والله الساعه المباركه ابشركم كل بيت فيه عشر ولا اكثر من الحريم ولا طلبتو الصعب ابد المهم الخمسه ذولا كل واحد جلس يرسم فتاة احلامه في مخيلته لدرجة بعضهم بروك شيلدز لبسها البرقع وبعضهم تخيل وين المكان اللي بيقضي فيه شهر العسل وطبعا خياله تعدا جزر الدوادمي وجبال القويعيه وهضبات شرق الحسا الخضرا وراح لأبعد من كذا انه ماسك ايده بيداه ويتمشون على سواحل الجبيل الصناعيه الخلااابه المهم ان الاخوان الخمسه كل واحد جهز عدته وقال بجلس الحين اختار على كيفي وفيه منهم من قال ابغي طويله وفيه منهو عبا النقص وقال ابغي مزيوووونه تشق وجه الزين كله وضاعو الخمسه في حيرتهم يوم شافو امهم تقول والله ماخليت عرس --- أكثر

]]> http://www.ahm1.com/nu/articles-action-show-id-86.htm Thu, 12 Jul 2007 20:16:58 +0300 الحقيقة أنا عمري ما نشقت لي صفحة اللهم لك الحمد طول عمري أليف مع إدارة الرقابة لكن شكل هالمقالة بتنشق لما فيها من عك وعجن «وربي ما عندي ما عند أمي ساره بس كذا أبغى أشغل موظف الرقابة وأخليه يقرا مقالتي خمس مرات والسادسة عن الشكة» المهم أنا وصلني علم من كثير من القراء يقولون انهم اكتشفوا أني بنت «لحظة بس أعدل برقعي» واني صديقة طلال الرشيد (( والله لو صحيح انا صديقة طلال الرشيد كان اكتشفت ان طلال الرشيد يوم يوزعون الذوق في الرياض هو في القصيم يتسوق )) واني اصلا شاعره معروفه (( شاعره بدوخه )) واني احتمال كبير اكون نجاح المساعيد ((فال الله ولا فالكم ))المهم أن الموضوع شدني بالحيل حسبي الله عليهم لي أربع سنين أكرف من هالمقالات وأشق وأخيط فيذا الخلق واتبهدل ذيك البهدلة في بنشر السيارة كل شهر عشان أوصل مقالتي وآخر شيء أطلع بنت حلال؟! ياللي ما تخوفون الله؟! «لحظة طاح مني قلم الروج » عموماً بما أنكم اكتشفتو هالسر اللي جالسة أربع سنين محافظة عليه «أموت في هاء التأنيث كني جالسة على كنب طويل ومادة رجلي وحاطه رجل فوق رجل والسيقااار على طرف فمي من البرستيج اللي أنا غرقانه فيه» يا شين التنوره لاصارت ضيقه وانتي جالسه تكتبين المهم بعطي بنات جنسي بعض النصايح دامهم يسمعون من أختهم رفيعة الشان وطبعاً النصايح راح تخص البشره والجمال والرجيم. 1 - أول شيء بخصوص البشرة وعملية التسمير طبعاً انتو عارفين حنا يا البنات نحب نسوي تسمير من كثر ما البياض اللي شاق وجهنا وصايرين كن حنا ورق أبو ريال حق الطباعة من زود البياض المهم تجيبون بيض حمام أسود وتكسرونه على جباهكم بقوة وحاولوا يكون البيض توه مبيوض عشان يكون قاسي على الجبهة ولا شفتو الصعارير كثرت ولا به فود هذا ديانا وهذي بياضها روحو جيبوا صور نادي منتخب «اتحاد» الكاميرون وحطو صور اللاعبين على خششكم وتمشو تحت الشمس لين تسيح الصورة وتسمر وجيهكم اسئلو مجربه. أما بخصوص ا --- أكثر

]]> http://www.ahm1.com/nu/articles-action-show-id-85.htm Thu, 12 Jul 2007 20:16:10 +0300 في عهد الخليفة عمر بن الخطاب قدم إلى مكة احد سفراء المشركين وكان جاي يتفاوضون مع خليفة المسلمين عمر بن الخطاب رضي الله عنه وكلنا يعلم أن سيدنا عمر كان حاكم آنذاك معظم مشارق الأرض ومغاربها وكانت الخلافة الإسلامية تحسب لها ألف حساب لقوتها آنذاك «الله يرحم آنذاك مدري ليه وأنا أقول آناذاك كني ماسك مسدس وجالس أرمي فيها كفر طيارة في السما أبغي أقلبها المهم ان هالسفير فوق العاده جا وسأل عن عمر بن الخطاب وكان متوقع يلقا قصور وصولجان وحرس مشدد ومدرعات اكس بي وراه «اكس بي هذا ماكانه برنامج وندوز ولا انا غلطان؟» المهم انه جا وسأل عن قصر أمير المؤمنين وكان ركبه ترجف وهو يسأل وكل ما قال قصر كانوا المسلمين آنذاك يبتسمون على سؤاله وكانوا يحذفون فيه من شارع لشارع لين جا حق آخر واحد وقاله أين أجد قصر أمير المؤمنين فقاله هذاك هو اللي نايم تحت الشجرة فوقف وهله مستغرب يحسب ان هذا يتتريق عليه فقال له انت تمزح معي؟ قال له هذاك هو قدامك بغيت تروح له رح ما تبي خله يكمل رقاده المهم إن الرجال قرب من عمر وقال قولته الشهيرة يوم شاف سيدنا عمر قرير العين وهو نايم في سبات لا حرس حوله ولا علم أمريكي على نخلته قال حكمتا فعدلتا فنمتا ورجع لقومه وقالهم اللي ماصدقوه فيه وطبعاً اللي خلاني أقول هالحكي هي قصيدة قريتها لطلال الرشيد عن الفشخرة والإسراف في الحماية في السفر و الملاحظة فينا لاجينا نسافر برا ولا كل واحد جار وراه أربع علوج كلها حماية له وعلى إيششششششش؟ وش أنت يا نكره عشان تخاف من الاغتيال ولا تخاف أحد يتعرضك؟ ليه العصابات ماعندها شغل يوم تجيك أنت يا راعي ونشات الشعير ولا غنم الاسترالي ولا بياع الكفر؟ ولا صاحب محلات الفول والمعصوبة؟ ولا تظن انك أنت ووجهك كفو الواحد تطير رقبته عشانك؟ وربي لو أشوفك في النعيرية واقف عند محطة بنزين اني لاسألك أنت و الموتروالعلف اللي عليه للبيع؟ بجد وضع غريب شفناه في الخارج وخاصة الدول الاو --- أكثر

]]> http://www.ahm1.com/nu/articles-action-show-id-84.htm Thu, 12 Jul 2007 20:15:27 +0300 بدت فواصل كعادتها في الابداع والتطوير في اخراج المفاجآت لنا عبر تلك الخليه التي دأبت بشكل دائم في اخراج الأفكار الجميله والرائعه وخاصه في فكرة المسجات عبر الجوال واللي تجعل القارئ يساهم مساهمه مباشره في تطوير المجلة وطرح الافكار والمساهمه في علوها وتألقها «اموووت انا بالحكي الرومانسي» المهم ان المجلة في هالعدد طرحت فكره رهيبه وهي انها جعلت القارئ يتحكم بمصير الشاعر والكاتب والزاويه والاخراج والأبواب «اللهم لا تولي علينا من لايخافك فينا ولا يرحمنا» يعني لو قارئ قال ان الكاتب هذا تافه وبليزززززز وقفوه بتجد صفحته في العدد القادم فاضيه ومعشش عليها حمام السطوح. وان قالو كويس مشا راتبه زي ماهو يعني راتب هالفقير ومستقبله في ايد القارئ «اللهم من اراد قطع رزقي اقطع رزقه وانفش بطنه وامغط فاتورته وخرب جواله يا كريم» وعشان كذا اتمنى من القراء الكرام انهم يساهمون في الاستفتاء لصفحتي وصدقوني انا دمقراطي لأبعد الحدود، يعني اللي بيقول ان زاويتي كويسه ويتمنى تمشي بقوووووله الف الف مليون شكر لك. واللي بيقول لا وقفوها ولا نبيها برضو بقوله الف الف شكر «الا بقول الله لايوفقه لادنيا ولا اخره» المهم ان الديموقراطيه هي شعارنا في المجلة صحيح مرات كثيره تجيك خصميات ولا سألت وش السبب قالو ماهوب شغلك ضف وجهك. بس قمة في الديمواقراطيه انك لاجيت تطلب شي من الكافي يخيرونك فديتهم بين الشاهي الاخضر والشاهي الاحمر ولا قلت احمر قالو ماعندنا الا اخضر تبي ولا فارق «قمة الديموقراطيه» المهم ان الفكره مره عجبتني ولقيت نفسي احاول في هالمقال اني اخليه على شكل معروض لإخواني وخواتي القراء واستعطفهم ترا وراي كوم لحم ومصاريف وسيارة اجار وفواتير جوال مره يستقبل ومره مقطوع، لاتعطوني ركبه تكفون. والشي الثاني هو ان الفكره بتجعل القارئ يتمتع بالنذاله المطلقه في تقرير المصير لآي كاتب او شاعر او زاويه عبر مسجات الجوال «على طاري المسجات الله يذ --- أكثر

]]> http://www.ahm1.com/nu/articles-action-show-id-83.htm Thu, 12 Jul 2007 20:14:45 +0300