• ×

05:02 صباحًا , الإثنين 25 يونيو 2018

قائمة


يا الله انا طالبك حمر هوى بالي - مهنا العتيبي


إرسال لصديق
تحميل الملف من هنا


استماع وتحميل وكلمات شيلة mp3 يا الله انا طالبك حمر هوى بالي - شيلات مهنا العتيبي

كلمات فراج بن ريفه القرقاح القحطاني :

قال ابن ريفه بدا في المرقب العالي

واعلى المراقيب توميبه هبايبها

يامرقبي جاك من الاسبار همالي

انصوب مزن من المنشا يهل بها

مايدهله كون صافي الريش ولوالي

والا الولع يوم يفتك في عجايبها

انا ولد طارفه مانيب كسّـالي

اخاف من خبرة باحت مزاهبها

عليك يامرقب جيته وانا سالي

هيّض على القلب ديران شطيت بها

هيض علي شدوق(الثفن)لياسالي

عطفة (طريب)ليا زافت عجايبها

ليا من غدا الفيض كنه زرع عمّالي

سيله من القدم للبطنان ناهبها

كم مرة قد نزلنا عشبه المالي

بيوتنا لاوزا المجرم يلوذ بها

ننزله بيوت عرّاف وجهّالي

وان جا النذر من حفيف مانزهبها

ربعي (عبيده)ليا جا هوش وقتالي

اهل هيّة في الضحا تشعا كسايبها

انشد عبيده هل الطولات من حالي

وانشد الاجانيب يوم انا نقرّبها

منهو يقلّط على فرش وفنجالي

سعد ابن عمه ليا جاته مكاربها

ليا من غدا بين نقّاض وفتّالي

وصفّت الاجانيب وآذته بطلايبها

ثم جيتهم ثم لفحت بهم على الجالي

لفح الدلي للمعدي يوم يجذبها

ياراكب ميمونة في مشيها ارمالي

ماشتّحن من هل العيرات راكبها

تزها السفايف وتزها الخرج وحبالي

ومجرّب ليا سرا في الليل صال بها

ملفاك من يلبسون الجوخ والشالي

ربعي ودرعي وضد اللي يحاربها

ملفاك شيخ القبيله حامي التالي

عند (ابن شفلوت)يالمنجوب قرّبها

قل له علي طالت المدّه وانا( جالي)

(عشر سنوات) مضت بحساب مقطبها

فان كان ربعي نسوني ماني بغالي

باعيش في ديرة قفرا جوانبها

في ايدي قرار تفك الجمع ليا اهتالي

طويلة ناحل مقضب خشايبها

لي بندق ماصنعها الصانع التالي

من دقّة(المارت) نحالن مقاضبها

شريتها بالثمن يوم ارخص المالي

ميه وعشرين مايمهل بغايبها

الله يرحمك ياعود شراهالي

من واحد جابها للسوق جالبها

حديدها وانا اذكر الله كنه ريالي

كن الحيايا تطوّا في مقاضبها

اوقف بها بين ربعي وامنع التالي

ان خاف ولد الردي مااحتال يزهبها

عط الطويله عريب الجد والخالي

ولد الردي لاتخلونه يزول بها

واللي رفيع وللشوفات حمّالي

ارفع نواصيه ياربي وقطبها

انا من الخبره اللي شورهم عالي

واهل سلوك الردا يارب تذهبها

بنت غراها زباد في ايد دلالي

والا طموح هواها من يلاعبها

كم مرة قد ضربنا منجم خالي

وكم جملة فرقتها من ربايبها

وليا لفونا من المقناص زعّالي

احد مدح بندقه واحدن يعذربها

بشرتهم بالعشا من عقب مقيالي

القايده مع مرد الكوع ضاربها

اضرب بها الوعل ليا جاله تهنفالي

ابو حنيّه كبير الراس شايبها

ذبحت عشره بها والظل ما مالي

والحاديه روّحت تثلع مضاربها

ويالله وانا طالبك حمرا هوا بالي

ليا روّح الجيش طفّاح جنايبها

ليا روّح الجيش حاديه اشهب اللالي

لاهي تورد وسيع صدر راكبها

اللي على كورها واللي بالاحبالي

واللي على عيزها واللي بغاربها

ليا روّحت مع سباريت الخلا الخالي

كن الذيابه تناهش من ترايبها

تمت وصلو عدد ماهل همالي

علىنبي شروع الحق رتبها

اغفر ذنوب الفتى يالله ياوالي

ليا حيت في حفرة رزّو نصايبها

6 10 23.7K 08-25-2007

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 6 )

  • #1
    بواسطة : خطلان الأيدي
    08-27-2009 04:53 صباحًا
    صح لسانك يا مهنا العتيبي
  • #3
    بواسطة : سالم صالح العوده
    02-10-2010 09:21 صباحًا
    دايماً مميز مشالله عليك يامهنا
  • #4
    بواسطة : الـــــثبيتي
    05-01-2010 02:42 مساءً
    لاهنــــــــــــــــــــــــــــت




    على الصوت مشاء الله






    ننتظر جديدك
  • #5
    بواسطة : بيبر
    01-06-2011 01:51 مساءً
    وووووووووووووووووواع وش هذا
  • #6
    بواسطة : ابونجم العتيبي
    01-30-2011 02:23 مساءً
    ماءشالله عليك يامهنا والله القصيده حلوة والي محليها زياده صوتك








    والي كاتب واع الورع ذا وش دخلك عند علوم الرجال ياورع روح دور ورعان مثلك يسلكون لك ياورع واصلا وش فهم القرود في شم الورود
تعليقات وردود الزوار - أضف تعليقك ( 6 )

  • #1
    بواسطة : خطلان الأيدي
    08-27-2009 04:53 صباحًا
    صح لسانك يا مهنا العتيبي
  • #3
    بواسطة : سالم صالح العوده
    02-10-2010 09:21 صباحًا
    دايماً مميز مشالله عليك يامهنا
  • #4
    بواسطة : الـــــثبيتي
    05-01-2010 02:42 مساءً
    لاهنــــــــــــــــــــــــــــت




    على الصوت مشاء الله






    ننتظر جديدك
  • #5
    بواسطة : بيبر
    01-06-2011 01:51 مساءً
    وووووووووووووووووواع وش هذا
  • #6
    بواسطة : ابونجم العتيبي
    01-30-2011 02:23 مساءً
    ماءشالله عليك يامهنا والله القصيده حلوة والي محليها زياده صوتك








    والي كاتب واع الورع ذا وش دخلك عند علوم الرجال ياورع روح دور ورعان مثلك يسلكون لك ياورع واصلا وش فهم القرود في شم الورود

Privacy Policy