الخميس 24 مايو 2012
|
|
|
قصيدة مطر معلق بنصف السماء mp3 - قصائد الشاعر بدر بن عبد المحسن
| الحجم |
زيارات |
إهداء |
تنزيل |
تعليقات |
| 640.7 ك/ب |
327 |
0 |
182 |
2 |
| |
|
|
|
|
|
|
| |
|
|
|
|
إغلاق الإضاءة
التعليقات
#29804 [المشرف العام]
09-02-2011 10:48 PM
كلمات شعر القصيدة - للامير الشاعر بدر بن عبد المحسن
مطـر.. معـلّق .. بنـصف السـما .. لا ينـهمـر.. ولا يرتـفع ..
وكل ما بغـينا نجـتمع.. تحـت المصابيح الزرقـا.. يطيح منه رذاذ ..
اما انـهمـر فرقا .. و الا تـقـطـــّع وصـل .. يا مـاطـر الليـل ..
لا تاقـف بوسـط الـسـما ..
لك هـالـشـوارع .. انما تـكـفيـك.. سـاعـه .. سـاعـتيـن ..
بنـشـيب وحـنـّا واقـفين.. تحت المظله .. ماهو خـوف من البـلل ..
لكن حـنيـن .. للمصابيـح الزرقـا.. ولليلةٍ سـمراء.. سـماهـا صافيه..
ومـوعـدٍ لعـيونهـا..
والله غـرفنـا دافـية..
ولهـا شـبابيـك وسـتايـر..على البـروق .. لكن .. زهـقـنـا بيـوتنـا ..
واللي يخـليـك .. اما انهـمـر.. والا ارتـفـع ..
تـمـرّ.. سـاعـه الا ربع .. وتـو الـسـحـاب.. مـا يـدري وش يبـي ..
أخاف أسـأل صـاحبـي .. ويقـول .. خـلـّـنا نـسـري..
ويـن نـسـري.. بـدري..
بـدري على المـسـرى ورا الـسـحاب قمـرا .. وقمرا ورى الأبواب..
تبـي المطـر يـرقـا .. وتهـطـل نجـوم .. وتظهر عليّ ..أنا لـو عليّ..
تحـت المصابيـح الزرقـا .. قـلبـي بيحـوم .. مثل الفـراش ..
تحـت الرشـاش .. والا الصحو .. لين أشـوفـك .. مـقـبـلة..
والله .. ضـلـوعـي مـبللـة.. بالـشـوق ..
ومـا ودي احاكـي صاحبـي .. ولا أسـاله .. بيقـول .. خـلنا نـسـري..
ويـن نـسـري بـدري .. سـاعـه وربع.. وحـنا واقـفيـن تحت المظلة.
اما أنهمـر فرقـا .. والا تـقـطع وصـل .. يا ماطر الليـل ..
لا تاقـف .. بوسـط الـسـماء ..
#31392  [حلم الزمن]
12-24-2011 02:11 PM
مممممممممممممممممممممممممممشكور
|
تقييم
|
|
Powered by Dimofinf cms Version 3.0.0
Copyright© Dimensions Of Information Inc.
مجلة قصيمي نت Magazine Qassimy
 |
|
الرئيسية
الصور
المقالات
الملفات
الجوال
الأخبار
الفيديو
الصوتيات
