• ×

03:58 مساءً , الأحد 24 يونيو 2018

قائمة


قصيدة يا دمع وش بك على شرفة عيوني تويق mp3 - قصائد ياسر التويجري


إرسال لصديق
تحميل الملف من هنا


استماع وتحميل قصيدة يا دمع وش بك على شرفة عيوني تويق بصوت ياسر التويجري mp3

يادمع وش بك على شرفة عيوني تويق
اما انحدر في ستر ولا استتر وبركه

انا ضحية طموح وطول صبر وطريق
مضيع في متايهه وكثر سككه

لو كنت احمل متوني فوق مالا اطيق
ماني بمن تركة اللي وحد المملكه

انا ضعيف وقلبي مستذير ورقيق
تصيدني بشبكه ولابدون شبكه

يتيم مالي من الدنيا صديق وشقيق
حطيت خشمي بخشم الوقت لين افركه

ياسيدي شد حبلك لايموت الغريق
وان كان ماودك تشده لا تتركه

صدرك ولو ضاق لايعطي مسج بالشهيق
ان كان له ممسكٍ بالحلق فأنت امسكه

انت ولد فهد منت بمثل قوم تضيق
اللي توسع خواطرهم دق تنكه

وان كان في قلبك الخفاق جرح عميق
اما دعاك خافقك وازعلك فأنت ادعكه

وش حده يعاند القمه ويرقى طويق
وش حده يورد ضعونه على التهلكه

يامثقل الطيب باب المدح دونك غليق
كل الجمل فيك مقيوله ومستهلكه

مشكلتك انك لبحر الجود صرت المضيق
واخذت دره ولولوه وعفت سمكه

لو تمنع حكاك ماهد النحل بالرحيق
لو تطلق حكاك ماصار السكوت بركه

مؤمن ولك قلب متوكل و وجه طليق
ولا تأثرت بالأعلام والفبركه

ولعت في كبد من عادك حر وحريق
دقيت باشاك بالتسعه واكلت اككه

افعالك اقوال مثبوته وعهدك وثيق
وغيرك ماشفنا سوى هرجه و كثر كلكه

صادق نباك وكرمك فزعتك للعويق
تعطي امل للذي فك الزمان علكه

1 0 2.4K 09-03-2011

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 1 )

  • #1
    بواسطة : بنت الجنوب
    07-21-2012 05:16 مساءً
    روعه مااشلله من جد علئ الجرح
تعليقات وردود الزوار - أضف تعليقك ( 1 )

  • #1
    بواسطة : بنت الجنوب
    07-21-2012 05:16 مساءً
    روعه مااشلله من جد علئ الجرح

Privacy Policy