• ×

03:45 مساءً , الأحد 24 يونيو 2018

قائمة


قصيدة هذا عيد راح وما حصلي اعايده mp3 - قصائد ياسر التويجري


إرسال لصديق
تحميل الملف من هنا


استماع وتحميل قصيدة هذا عيد راح وماحصلي اعايده بصوت ياسر التويجري mp3

هذا عيد راح وماحصل لي اعايده
ويا ليتني في عيد ثاني اعايده
له اليوم ستّ شهور ماجاء ولا سأل
وانا عاذره مادام ماهي عوايده
احبّه وانا ما ادري إذا الحب ينصفه
أبي شي أكبر من غلاه ووقايده
حبيبٍ عزل قلبي عن الناس وامسكه
مثل مايعزل الحر الاشقر طرايده
حبيبٍ خذا مني كثر ما خذا السهر
من عيوني اللي بـ أزرق الدمع جايده
جزاني الولي عنّه وعن غيبته جزا
جزا من تحمل طعنه اغلى بدايده
أنا ضايق وعندي معاناة واستحي
ولي ليل لا روّح كثار شرايده
من العام ما دنّق على عيني الكرا
ولا استطعمت نفسي من الزاد مايده
فيا عين نامي واستريحي وطنّشي
وش العمر لو ما ان المنايا تكايده
الايام نعشقها ونهزا بنقصها
ولو نكره الايام ماهيب زايده
فلا حب ينفعها ولا كره ضرّها
ولاغير شكر الله يعطيك عايده
ولا تمدح المعطين والمعطي الله
ولا تمدح طوال العمار الرعايده
ولا اخس من رجلٍ ليا ضاع مانشد
ولا اخس من رجلٍ كثارٍ نشايده
الاشعار تكتبها العجايز وغيرها
بعاد مراميعه وساعٍ بنايده
فما كل شاعر تقدر تقول محترم
ولا فيه شاعر يعكسنّه قصايده
انا اول هل الكذب العفيف ومؤسسه
وانا ضد من يكذب على غير فايده
فيا ليتني ماصرت معروف ليتني
ولا صارت اخطائي كبيره وكايده
الاعلام يطعنّي بضعفي ورغبتي
نوب فـ مجلاته ونوب فجرايده
اذا طبت ياقلبي فـ طيّب مقاصدي
انا معك ولا الناس ضد ومحايده
الاسباب تدفعني والأريا تردني
ولو ان راسي مثل ضلع الرشايده
من الصبر ما اخذنا سو النوم والكسل
برجوى تفاريجه وراحه وسايده
اذا كان لابد من الطعن فالظهر
فاليت من يطعني اشخاص نايده
واذا كان لابد من الحكي بالقفى
فياليت مايحكيبي الا البلايده
انا صاحب الطيّب وهو مثل صاحبي
وهو مسندي لاضقت وانا سنايده
اذا جدت الهدات واستوجب الهدد
ترى كل حرٍ يشبعنّه صوايده

1 0 4.2K 09-03-2011

أستمع للصوتيات الأكثر أستماع وتحميل

تعليقات وردود الزوار - أضف تعليقك

تعليقات وردود الزوار - أضف تعليقك ( 1 )

  • #1
    بواسطة : الحنشل الوايلي
    11-11-2011 10:41 صباحًا
    علي الحرام انك شاعر كفو كفو كفو كفو كفو

    فحل فتحت اكبر جروحي
تعليقات وردود الزوار - أضف تعليقك ( 1 )

  • #1
    بواسطة : الحنشل الوايلي
    11-11-2011 10:41 صباحًا
    علي الحرام انك شاعر كفو كفو كفو كفو كفو

    فحل فتحت اكبر جروحي

Privacy Policy