راس أختي يوجعها فزعتكم يالقصمان
السلام عليكم ورحمة الله وبركاته
سمعت عن وحده تعالج عن ( وجع الراس ) عندكم في الرس أسمها أم علي من جربها ؟ وابغى رقمها وقبل كل شي هل فيه وحده بهالاسم ؟ أو لا ؟؟ |
سلامه راسك اختك يارويه المنتدى ان شاء الله ماتشوف شر
ان اعرف وحده بالرس تعالج عجوز وكل شي تعالج عنه بس اسمهااا ام معجب ممتازه زوجتي تمدحه حييييييل ماتشوفون شر |
ماتشوف شر وابشري بالفزعه يالنجديه
نجيك من الشمال مثل الشياهين /كل حر منا يسابق خوية وأهل القصيم أهلنا وربعنا وفيهم الخير والفزعه وان شاء الله يفيدونك |
ماتشوف شر وقدامها العافيه
وان شاء الله يفيدونك اهل القصيم فيهم الخير |
وعليكم السلام ورحمة الله وبركاته
الله يشفيها ان شاءالله وبكل صراحه ماعندي خلفيه بس ان شاءالله يجي احد الاعضاء او المشرفين يفيدونك |
الله يشفيها أسباب الصداع ربما بسبب الأسنان أو النظرأو جيوب انفيهأو في رأسه فتحات أي وشرهوكبار السن يعرف الوشره
|
ماتشوف شر يارب
اتمنى سكان القصيم يفيدونك |
حياك الله اختي
والله يشفي اختك فيه وحدة بحي اللابدية ببريدة على طريق الطرفيه يقاله ام فريح تعالج شعبي وانا سبق عالجت عندها من الصداع النصفي ( الشقيقة ) اعطتني صباخه وعلاجات للكبد تقول ان وجع الراس غالبا من الكبد والله يشفي مرضى المسلمين اتمنى اني افدتك |
وعليكم السلام ورحمة الله وبركاته
اختي الله اعلم الصداع احد اسبابه ضعف في النظر اجارنا واجاركم الله .. وانصحك ان تذهبي بها الي طبيب العيووون والله اعلم |
اقتباس:
الله يسلم عمرك ياخوي طيب تعرف رقمها وفي اي حي ساكنه ؟ ارسله لي على الخاص الله يجزاك خير |
اقتباس:
وان شاء الله ما راح يقصرون معنا |
اقتباس:
ما قصرت اقتباس:
تسلمين برتقاله |
اقتباس:
طيب الوشره والفتحه في الراس تجي من ايش ؟ هي جتها دوخه في اخر نفاسها وبعدها استمر معها الصداع (qq1) |
اقتباس:
تسلمين غروك اقتباس:
اذا عندك رقمها ارسله لي على الخاص |
اقتباس:
الله يجزاك خير ما قصرت |
اناسمعت عن واحد في البدائع يمدحونه مره اسمه العنزي بحاول اجيب رقمه بأذن الله
وخليها تجرب الاذخر كبو في ماء تراه ممتاز للهواء والجيوب الانفيه الي تسبب صداع ودوخه |
أهلين النجدية
ألف سلامة ع أختك وماتشوف شر إن شالله اقتباس:
هذا يسمونه الحريم خوى (q47) يقولون من أسبابة الجوع وقت النفاس والا إذا تسبحت الوحدة وتعرضت لهواء وهي توه مضنيه هذا يسبب الخوى بالراس .. شوفي أنا أعرف أم معجب اللي بالرس بس أم علي مااعرفها ولا سمعت عنها |
اقتباس:
الله يعافيك ما قصرتي |
اقتباس:
كنك داريه عنها ايه هي حاطه خلطه على جسمها ومتسبحه (q104) طيب يالغلا انتي مجربه ام معجب ؟ وكيف علاجها ؟ واذا عندك رقمها عطيني اياه |
وعليكم السلام ورحمة الله وبركاته ما تشوف شر اخت الغاليه :) اللبخة " الصبخة ، السبخة " >>> رابط (q81) :) |
اقتباس:
أنا ماجربت طريقة علاجها لكن أختي كذا مره تروح لها وأختك لازم تروح لطبيبة شعبية عشان تعرف وتحدد اللي بها مع أني أتوقع من خلال وصفك أنه الخوى اللي يقولون الحريم.. ورقم أم معجب برسله لك بالخاص. |
اقتباس:
الشر ما يجيك يالغلا وتسلمين على هالرابط يعطيك العافيه |
اقتباس:
تسلمين يالغلا ما قصرتي راح تروح ان شاء الله لها |
اختي في اسباب كثيرة لعلاج الصداع حاولي وخلي اخر شي هو انك تروحي لوحدة
سمعت يقولو انو اذا عضت على مرسام ( قلم رصاص ) يروح الالم يعني تعض عليه مو بقوة هههه وكمان تضغط عليه يمكن يروح ويمكن يكون دم فاسد تعالجو بالحجامة الرسول صلى الله عليه وسلم يقول في الحجامة دواء وروحو المستشفى شووفوو ايش السبب يمكن ارهاق يمكن مرض معين لاسمح الله واخر شي اذا يئستو من كل شي روحو لوحدة تعالج لانو مو كلهم لازم نثق فيهم تحياتي لك ولاختك واتمنى لها الشفاء العاجل |
ضعف النظر
او مشكله بالجيوب الانفيه او فتحه بالراس يعني وشره |
سلاااامتها ان شاء الله ماتشوف شر
ان شاء اهل المنتدى مايقصرون |
وعليكم السلام ورحمه الله وبركاته
الله يشفى اختك وجميع مرضى المسلمين ان شاء الله بكره اجيب لك المعلومه الكامله عن ام على اذا هى بالرس او لا اللى اعرفه فيه عجوز بالدليميه تعالج شعبي يمدحونه اجيب لك رقمها او طريقه التواصل بينك وبينها ؟ واذا جيتوو لها ارجو ان تمرون علينا فنجال قهوة تشرفون الديره واهل الدار يالنجديه |
رد: راس أختي يوجعها فزعتكم يالقصمان
ماتشوفون شر وانشاالله فيه من هو بالمنتدي يعرف اهل القصيم والناس الى تعالج ربي يشفيكم وماتشوفون شر
|
الساعة الآن 03:39 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir