|
والله قهر يا عالم( معلمة ثانوية ترد على المسؤولين للاسف)
لا حول ولا قوة الا بالله والله حرام شي يقهر للأسف هذا واقعنا معلمة ثانوية ترد المسؤولين للأسف عايشين في أبراج عاجية ما ينزلون أنفسهم لواقع الناس معلمة في الثانوية 86 ترد على نورة الفايز تقول: تدرون ويش المشكله في التعليم؟؟؟ المشكلة في القرارات غير المدروسة والأحلام النرجسية الخيالية... وهل هي تناسب المجتمع السعودي ام لا...؟ انا كنت في امريكا مع زوجي وأولادي كانوا يدرسون في المدارس الحكومية الأمريكية من الساعه الثامنه الي الساعه الثالثة ظهرا ولكن شاهد الفرق بين مدارسنا ومدارسهم... فمدارسهم مجهزة ومهيأة للتالي: 1-مطعم مجهز تماما من طاولات وطباخين متخصصين مساحة المطعم لاتقل عن مساحة فناء المدرسه في مدارسنا وهذا للافطار علي حساب الحكومه اما الغداء فهو بسعر رمزي وطبعا هذا لجميع الطلاب وكل من في المدرسه 2-تكيف مركزي في جميع ارجاء المدرسه 3-الفصل لايتعدي 15 طالب 4-الطلبه ينتقلون من فصل الي فصل حسب الماده أي لكل ماده فصل مجهز بكل الاجهزه والوسائل 5-حصص الاحتياطي لها مدرسين متعاقدين لهذه الحصص 6-حصص النشاط لها جدول ومدرسين متخصصين وليس مدرسين المواد 00والنشاط حسب اختيار الطالب 7-فناء المدرسه مساحته مثل مساحة مدارسنا مجهز بجميع الانشطه 8-والاهم لاحظت مدي اهتما مهم في الطالب والمعلم واعطاء كل ذي حقه حتي في العقاب لااحديتعدي علي الاخر 9-عقاب الطالب ليس بدني فهو نفسي واذا حصل الطالب علي ثلاث أنذارات يعاقب بحبسه في غرفه مع شخص متخصص يشبه السجان وعلي الطالب ان لايتحدث مع احد ولايذهب لاي مكان حتي نهاية الدوام وطوال هذاالوقت يبقي جالسا مع اعطائه واجبات000 واذا تعدي الطالب علي المعلم او شئ مخالف للاخلاق يفصل من المدرسه 10-ويوجد بكل مدرسه رجال من الشرطه واذا تعدي اي شخص بأي شئ مخالف وضعوا الحديد في يده وأخذ الي مركز الشرطه للتحقيق معه اذا كانت هذه مدارسنا لااظن ان احد يمانع اليوم الدراسي الكامل المسؤولين للأسف عايشين في أبراج عاجية ما ينزلون أنفسهم لواقع الناس ما أدري ليش ارتبطت معي صورة ( نورة الفايز ) بوزير العمل ( غازي القصيبي ) كلاهما وجهان لعملة واحدة غازي القصيبي بكل بساطة يقول ( مافيها شئ لو توظف الشاب السعودي براتب 1500 أو 2000 ) مجنون يتكلم وعاقل يسمع سألتكم بالله متى يتزوج ومتى يبني بيت ومتى يقدر يكوّن نفسه !!! أي منطق وأي عقل يقبل هذا الكلام ! ونورة الفايز تتفصحن وتقول 30 إلى 35 حصة تعالي يا أبله نورة لمدرستنا ( مبنى مُستأجر فيه 300 طالبة الساحة حوش صغير مسقوف بشينكو والفصول 4م في 3م هذي طبعاً لأبناء أصحاب البيت واللي فصولهم كبيرة على 6م في 7م هذا مجلس الرجال والمقلط واللي على 5م في 4م مجلس الحريم والصالة الكبيرة تحت موزعة فيها بعض المرافق مثل غرفة المرشدة والمكتبة وغرفة المديرة والمدرسات والحوش أقصد الساحة الخارجية مسوين فيها حمامات خارجية ومعامل الفيزياء والأحياء والكيمياء طبعاً مبنى ( ثانوي ) وفيه جزء مسقوف بشينكو هذا للمصلى وآخر للمقصف ( يعني بيت جحا على قولتهم ) إذا جاء مطر كل المرافق الخارجية ( تخر موية ) والفصول فوق حدّث ولا حرج كراسي الطالبات واصلة للسبورة يعني يدوب المعلمة تقدّر تكتب ولاحظوا معي أحبتي أن السبورة طباشير يعني أنواااااااااااااااع الحساسية !!!! شئ مقرف ونسيت أقولكم شئ مهم المكيفات ما تبرد ( تنفخ هواء على الواحد ) الكل يحمل في يده مروحة صغيرة ( الله يخلي المنشورات والمطويات والله لها فايدة غير فائدة القراءة )!!! نتثقف ونتهوى !!!! عجبي ثم عجبي على المسؤولين واللي يقهر ويبط الكبد إذا جاء مسؤول يزور المنطقة يخلونه يزور المدارس الحلوة المثالية يا ناس يا عالم كيف نقدر نتطور !!!!!!!! تعالي يا أستاذتي العزيزة نورة يوم واحد لا تعالي بعد الفسحة ولمدة نصف ساعة تعالي للساحة واجلسي ثواني ونشتكي من رائحة البنات !!! بعذرهم والله أنا كل يوم آخذ دش ومع ذلك مافيه فايدة !!! تعالي اشتري فطورك من المقصف واجلسي على الأرض أشوف بتقدرين تاكلين وإلا لا !!! تعالي أيام الاختبارات وذاكري بالساحة أشوف تقدرين تستوعبين وإلا لا !! تعالي حلي الأسئلة بفصل ضيق حار أشوف تقدرين تكتبين وإلا لا !!! تعالي يوم واحد واشرحي للطالبات وشوفي لا مبالاتهم وعدم اهتمامهم ووقحاتهم أشوف تقدرين تقولين كلمتين على بعض وإلا لا !!! تعالي اجمعي الطالبات في الساحة لندوة أو محاضرة وشوفي كتل اللحم كيف على بعض كيف تقدرين تمرين بينهم !! تعالي مكان معلمة عربي أو دين أو إحدى المواد العلمية دسمة المعلومات أشوف تقدرين تعطين ست حصص وراء بعض !! تكلمي لمدة 45 دقيقة فقط أشوف بيستمر نفَسكِ وإلا بينقطع !!! تعالي ساعة من ضمن 7 ساعات وعيشي معنا عيشي وسطنا عيشي بينا أشوووووف تقدرين تستمرين أشوف تقتنعين براتبك ! أشوف بتسكتين على الدرجة المُستحقة والفروقات اللي راحت عليك ! تعالي الله يخليك أنا مستعدة أحجز لك في أفخم فندق في المنطقة وأوعدك اليوم اللي تجين فيه بخلي البنات يوزعون مطويات ومنشورات عشان تهفين على نفسك فيها ولا تخافين بندفع فيها فلوس من جيوبنا وبنخليها من ورق مقوى عشان يكون هواها أقوووووى أقووووووووووووووول يا أستاذتي الفاضلة ما الذي تعرفينه عن المدارس أو ما الذي تعرفينه عن التعليم !!! بل ماذا يعني لك مُسمى ( تربية وتعليم ) !!!!!! ارسل هالايميل لكل الموجودين عندكم خلو هالمشكلة تنتشر لعلنا نجد حلاً للتعليم وللقرارات المزخرفة والمزركشة على الورق بعيدة عن الحقيقة والواقع والمنطق السعودي للأسف __________________________________________________ ______________________ ابتسم لهم رغم كل ما فيكمن أوجاع. .فأنت هكذا احمل فيقلبك ريشةترسم بها لوحةيتذكرك بها الآخرون و لا تجعله يحمل . . رصاصة . . تغتال بهاكل الجمال حو |
لاحول ولاقوة الابالله
فعلا والله للأسف الشديد هذا واقع وهذا الواقع ليس فقط في المدارس ايضا طالبات الجامعات يعانين والله الأمرين ...!!! شمس تحرقنا وهواء يذبحنا عشان مافيه مظلات والأماكن المتغطية ممنوع الجلوس فيها ..!!!!!!! مطعم مقفل واذا فتح زحمة ومضاربات !!! مكتبة مافيها حبر وأوراق ..!!! المشكى لله استغفر الله جزيت خير رشا |
كلام واقعي 100%
أشكرها على الرد الأليم |
الله يرحم الحآل
|
حقيقة هذا الواقع 000
المشكلة متى يسمع المسئولون ومتى ينزلون للوضع ويشوفون المعاناة؟؟؟ |
للاسف التعليم كل ماله يدحدر وندحدر معه خخخخخخخخخخ
الله يعطيك العافيه لا عدمناك |
صدقتي اخت رشااا حتى في الجامعات ولا حياة لمن تنادي تشكرين اختي على الطله
راعي الهلي وتسلملي على المرور ملكه وحالنا يارب تشكري شموع ما في احد يسمع سامعين ومطنشين اهم شي هم عايشين والباقي ماعليهم منهم تسلميلي على المرور |
مزاجيه هلا بك انتي وصورتك هههههههههههههه
ايه اشوي كلمالنا ندحدر من زمان متزحلقين الله يعين بس تسلميلي على المرور |
مقال قوووي
|
لافض فوك . . .
للأسف هذا واقعنا المرير منيرة |
فارق ومنيره
هلا فيكم ونروتونااا |
عن جد كلام واقعي وحقيقي
تسلم يد من كتبها |
هلابك عطوف وتشكر على المرور
|
مساكين مسؤولين التعليم الميزانيه قليله فقططططططططططططط حوالي 87مليار في سنه واحده مايقدرون يسوون بهاشيء تعرفون الكرسي بـــــ 5000والماسه بمثلها والحاسب ب20000 حسبنا الله ونعم الوكيل
|
اقتباس:
تسلملي اخوي على المرور(a14) |
والله قوية المعلمة - -- - بصراحة جابت اللى ماحد جابه - -- - يعطيها الصحة والعافية
|
هلابك ولد الصالحيه
وتسلملي ع المرور |
ي صاااااااااااادقه بس مو معناته نقلدهم من زين هالاجانب وبعدين مافي ربط بينهم وبين غازي غازي يتفلسف وماعنده سالفه وهي تتكلم بالمصلحه الله يعين
|
هلابك اخت تبوكيه
|
هلابك تبوكيه
|
بارك الله فيها وكثر من أمثالها ...
هذا موضوع مشابه تفضلوا بقراءته http://www.qassimy.com/vb/showthread.php?t=294923 |
مشكلتنا لا يوجد مسؤول يقول الحقيقه ومسؤليينا ينقصهم العقول النيره المفكره ولو وجدت يظل نقصهم في حب الشعب في قلوبهم لا يوجد مصالح شخصيه وبهرجه وزبرقه فقط 00
شكرا لك الف شكر جريح الصمت |
الحياة وجريح
هلابكم نورتوناااااااااااااااا |
والله مجدية فيهم
بس وراك نسيت الطريق اللي يقطع القلب مايتحمله احد والسيارة الجمس القديمة سنة السبلة مع 7-8-9-10 حريم من مختلف الاحجام والاطوال متراصيين بالجمس وتتوزع ع احياء البلدة الواحدة من غير الاسعار الخيال في النقل التعسف بتركهن في نصف الوقت ولا المطالبة بالاجازات الرسمية كامل يعني ماخذه ماخذه والاسعار من 500 تصل الى 2500 واكثر والسعر مفتوح ولا ينقص ريال لو تاخر عليك ولا غاب ومن غير احلمي بالمحرم واسبحي بحلمك بعد اذا لقيت زاد السعر وابتلونا بديننا واللي يطالبون بالشرع نسوه بخروج المراءة بدون محرم اكثر من 80 كيلو متر يااوزارة من غير ميزانية المدارس قطة من المعلمات مدارسنا شحذه مايعطونا حقوقنا ويطالبونا نصرف فيها من ورا خشمك بعد من غير الحالات التربية الخاصة اللي تحتاج فصول وتعامل بالفصول العامة دون رحمة واذا قلنا شيء قالوا مفروض سويتم لهن مقابلة واللي تشوفنها ماش بها علة لا تقبلونا خير وش نقول لاهله مانقبل بنتكم لانها حالة خاصة ايه لا عزمتيها دقي علي لاتنسين |
هلابك حلاتي تسلملي على الاضافه
وتشكر على الكلام |
العفو وووووو
|
|
بصراحة انا ضد صاحبة المقالة درست في مدرسة ابتدائية مواصفاتها نفس
مواصفات المدرسة اللي ذكرتها الاخت بس ماكان فيها سجن ولا سجان ماكنا نحتاج ؟؟؟؟؟ وكانوا يعطونا تغذية مدرسيه لمدة تقريبا سنتين او ثلاث ولما تخرجنا من المتوسط وكملنا تعليمنا كانوا يذكرونا بنفس التغذيه اما بلنسبةللاستاذة نورة الفايز لازم نعذرها ماتقدر تزور هذي المواقع من المدارس عشان محرمها يعمل خارج الرياض متى يجي ومتى يروح ويقعد ينتظرها عند الباب الين تخلص من التفتيش ويكلم الفراش لو سمحت ازهم عائلة الفائز وتطلع له تقول اشوف دور واحد بافي واجيك عشان تشوف ساحتكم وبالنسبة لمعالي الوزير القصيبي انا من يوم شفتة مع الفنان محمد عبده في بريطانيا على شاشة التلفزيون اتفائل خبراً في هذا الرجل الطموح (السعودة) سامحوناسلام مربع للقدعان |
فهمي ههههههههههه هلابك اخوي بس ماا دري عنك انت مع او ضد ههههههههههههه
هلابك اخوي وتشكرع لى المرور |
ههههههههههههههههه
انا مع الموضوع مو ضده هههههههههههههه |
هلابك فهمي ودوووم مع ههههههههههه
|
الثلاثاء 15 رمضان 1431
|
نورة الفائز نسخة مبرمجة و مكررة
ولن ياتي وزير او مسؤل الا وهو نسخة مكررة ومبرمجة المخرج عاوز كذا |
ولا بعد ازيدكم من الشعر بيت
اذا جاء احد بيحضر الحصه {مشرفه ..} يجيبون المعلمات ملصقات تخص الدرس وانشطه وتقسيم الفصل الى مجموعات .... ليييييه كل هذا يعني الموجهه والمديره اللي حاضره راح ينشرح لها الدرس هذا من المواقف اللي تقهر من المعلمات يعني شوفوني قد أيش اوصل الرساله .... استغفر الله مشكور ع الطرح لأني من زمان ودي اتكلم في هذا الموضوع |
الموضوع مبالغ فيه واحمدو ربكم على الوظيفه غيركم يبي ضعفين اللي تمرون فيه بس اسم وظيفه !!!!!!!!!!! (g)
|
حروف وغلاي هلابكم وتسلمولي على الرد
وانتر كوم انت ماعشت الي هم عايشين فيه |
مااقول الا الله يرحم حالنا لامدارس صاحيه
ولا كليات مثل الناس وحتى معاملة اوادم مااافيه ... الشكوى لله ,,,, |
كلام مدرسة الثانوي صحيح اوبيض الله وجهها
|
انقلشش وعبد الله هلالابكم وتسلمولي على الرد
|
ياعالم ياناس والله لوتشوفون الجامعه الي ادرس فيهاان تحمدون ربكم ع النعمه الي انتوافيها اذادخلتي طوالي تراب تمتلي ملابسك قبل تفكين العبايه واذاجيتي تبين تجلسين الشمس الحارقه فوقك نتزاحم الين ندخل بالقسم الثاني مع العلم انه شقتين مفتوحه ع بعض وبعد حيل وقوه بعد ماتتوسخ ملابسنا وبعد المضاربات وبعد الطفش والزحمه ندخل في البدروم مقفل وظلام وريحه البساس الميته تطلع ريحتها والله نروح لبيوتنا بعد حومه كبد والقاعات مافيها الامكيف واحد ومن عهد جدي الاول هذاوحنادراسات عليا بس مانقول الا الهم لك الحمد
|
| الساعة الآن 11:00 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir