زواج ابالقوايل من سورية/ابالقوايل
للحفظ http://www.qassimy.com/up/users/baz/0494.ra الشاعر الكبير والمبدع ابالقوايل يحلق بنا في هذه الملحمة الهزلية عندما تزوج //في الحلم//فتاة سورية//حامظ على بوزه// ترى ماذا حدث له اترككم مع هذه الصور الابداعية التي لايجيدها الا ابالقوايل صاحب التجارب العاطفية والعلاقات المخملية
ابا القوايل صاح باعلى المقاصير= واحظي اللي ينعثر كل ما ثار كبدي يشلخها رهاف السواطير= ياكن يشذب ثومة القلب منشار من اوّلن عندي ضيوف ومسايير= واليوم ِيفزع بالعشا لي والافطار لاواحريمي كيف راحن مخاسير= عقب الكرم ردَّت على مدَّت الجار طارن من ايديني سواة العصافير= يابو دحيم الاوله طارت طيار ويابو دحيم الثانيه مابها خير= عِجزت اعايرها على كل معيار والثالثه عِلمه يجي لك بتفسير= يابو دحيم اقول لك كل ماصار اخذت لي غندورتن من هل الدير= سوريتن حوريتن تقل دينار من هيفن اطوالن اتلاعن مغاتير= مالاحها حرن ولا شافت غبار اذريِّعاته كنهن الجمامير= وراسن طويل معدّين خمسة اشبار عيونن دواويرن إنهودن مزابير= خدودن نواويرن بهن حمرة النار نقيتها من بين كل الغنادير= كما ينقي الطير للقنص صقار ودفعت ماهمن كثير الدنانير= ونَدّرتها تنقاة خبري وبيطار وشلته على الددسن وجينا محادير= نمشي نهار ولظْلم الليل نحتار مابه قزازن والبلا مابها اسبير= وإيلا مشت عشرين يطفن الانوار والكلبليتر مابقا به مسامير= والا الاديتر باقين فيه مسمار وكنداسته وطيته من التياسير= طاحت بالاردن قبل ناصل لعمار وان جت مع البطناج يطلع عصا القير= وبطناجها دايم مع البر والقار وإيلا ركبت الزفت كني على عير= وإيلا طرقت البر كني على حمار مع البراري راح نص المشاوير= نبعد عن الرادار ماندخل ديار نجهم صباح وبالليالي مخامير= نمشي خفا ماشافنا ولا رادار نبعد عن التفتيش ونتابع السير= من دارهم تسعة عشر يوم للدار وقعدت انا والبنت عامين ماغير= بس انتلاحق كننا البس والفار ولا شفت من بنت الاجاويد تقصير= ولا اشتكت لي ماتعاني من مرار بالبيت تدبيرن ولا فيه تبذير= ولا يفوته من كبيرات وصغار لبس نظيف وريحة البيت تبخير= إيلا دَخلْت ارياح دكان عطار وجاب الله وليدن لنا تقل قصدير= ابيض تشوفه لو يطفَّن الانوار يذرف بياضن مثل صبغ الطباشير= وإلا لقاحن له اسبوعين بصرار وقالوا اهلها هاتها دون تأخير= نبي نشوف وليدنا نسل الاحرار ورحنا جميع نبشر اهله تباشير= ياناقلن حتفه على كتفه امرار قالوا لي والله ماتشيله لو تطير= إلا تحقق مانبي منك واختار وصكوا عليّه يوم جوني طوابير= وداروا علي بحلقتن دار مادار امه تبي مطعم وبنته كوافير= واخوانها يبغون دكان جزار وخاله يبي له موترن ٍللمشاوير= وعمه يبي ددسن او وايت وحفار يقول انا اول من حفر بالبلد بير= بالنصف انا وياك في حفر الآبار وعشرين فيزه للابو والمشاهير= ومع كل فيزه فزعتن الف دولار واللي يبي فيزة مصلح دوافير= واللي يبي فيزة مليس ونجار امورهم تمشي على دهنة السير= وان ما دهنت السير فالسير ماسار بديارهم ضاعت على التدابير= صقرن بنجد وعندهم صرت مطيار آقف واطيح بوسطهم تقل بي طير= مراجلي ضاعت وضاعن الافكار ضاع الشماغ وقِطعَن الازارير= كلِّن يتلن مابـِِقىَ بي ولا زرار عشري غدن دمن الارانب مداهير= ومنوّلن عشري يجن دمنة حوار يقول الاول مامع الفقر تدبير= وانا ان دفعت شروطهم صرت طرار وجيتك وخليته ودمعي شخاتير= هي والولد غصبن ولا نيب مختار ويالله ترضينا بقسم المقادير= وتلطف بنا لاجت مقاسيم الاقدار وتفرج لقلبن صار يكفخ كما الطير= ولولا ضلوعي كان لديارهم طار |
صح لسانك ولسانك تسلم يا المبدع |
ابدااااااااااااااع تسلم يا الخاز باز |
ابداااااع غير مستغرب.
صح لسانك يالغلاااا لاهنت ولاهان غاليك وافر الغلاااا |
ابداع فوق الابداع حلووووو كثير
ارق واجمل تحية |
يسلموووووووووووو اخوى على هذة القصيدة الاكثر من رائعة
فلا تحرمنا ابداعك |
الله يعطيك العافية |
شكراجزيلابارك الله فيك قصيدة جميلة ورائعة
|
صح لسانك |
|
رائعة وصح لسانك (مشكور خاز بـــــــــاز )
|
صح لسانك
رائعة من الروائع |
إبــــــــــــــــــــــــــــــداع
ياعـلـيـة وصــف مـهــب طـبـيـعـي (( مـاشاء الله )) شــكـراً خــزو عـلـى هـيــك أصــيـــد http://www.z4ar.com/vb/images/smilies/[vsert.gif |
الله يعطيك العافيه اخوي
لاهنت |
ياللي حاطن ابومصعب الاقيك باسجن
|
راائع ينطيك العافيه
|
مشكور اخوي على هذه القصيده
|
صح لسانك
|
وصف جميل
مشكووووووووووور ويعطيك العافية |
صح لسانك ، ويعطيك ربي العافيه . لاهنت يا خوي .. |
صحـ لسانكـ ومافيكـ حيلهـ :):):):):):):):): |
صح لسان قايلها وناقلها
|
الله يعطيك العافية
|
الله يعطيك العافيه
|
يعطيــكـ العافيــهـ ...
:) |
صح لسان قايلها وتسلام يمين ناقلها
عساك على القوه |
ماشاءالله كلمات رائعة وننتظر جديدك
|
شكرا للجميع على مشاعرهم الطيبة
|
يسلم منطوقك
وصح لسان الشاعر |
شـكــ وبارك الله فيك ـــرا لك ... لك مني أجمل تحية .
|
صح لسانه ولا تحرمنا من الجديد ياخاز
|
مشكور يالخاز ما قصرت
|
:danc854: |
ابــــــــــــــــــــــداااااع
ياللروعــــــــــــــــــــــــــــــــــــــــه,, ,,,,,,,,,,,,,,, مؤثرة واتمنى تكون من وحي الخياااااااال،،،،،،،،،،،،،،،،،،،،،،،ننتظر المزيد
|
ياهملالي ياهالرجال القصيدة هذي اللي منشورة بالجوال حاذفين منه الخمس أبيات الأولى ياحسدهم ويانكرهم للمعروف والجميل عاد من زين خششكم |
والله حلوه القصيده ويسلم اللسانك
|
الله يعطيك العافيه
|
جزاك الله الف خير يامبدع
|
ابدااااااااااااااع تسلم يا الخاز باز |
يسلموووووووووووووووووو
|
الساعة الآن 03:47 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir