|
ابو خيط .. بصوت عالي ..
بسم الله الرحمن الرحيم
والصلاة والسلام على سيد المرسلين .. اما بعد اعضاء قسم العلاقة الزوجيه ... المحترمي .. يسرني ويسعدني في هذا الصباح الجميل .. ان اقدم لكم قصة حدثت معي قبل فتره .. سأذكرها لكم بالتفصيل الذي اتمنى ان لا يكون ممل .. والهدف من هالقصة .. سيتضح لكم من خلال احداثها .. نبذه موجزه عن ابطال القصة .. ( منيفه و هويمل ) ( ابو خيط ) ( ترايستار ) منيفه : اسم مستعار لوحده تقرب لي .. ولا تتغطى عني .. دورها في القصة .. زوجة هويمل طبعا ميفه مو اختي ولا بنتي .. لكنها ما تتغطى عني .. عاد انتم وذكائكم .. هويمل : كمان اسم مستعار لشخص يقرب لي .. وكمان ما يتغطى عني هههههههههه ابو خيط : سبب المشكله .. ترايستار : هذا انا .. جعلني فدوة عيونكم .. دوري في القصة .. صديقهم يعتبروني امين سر و مصلح اجتماعي رفيع احداث القصة كالتالي : في يوم من الايام وكان يوم خميس .. .. اتصل بي هويمل وقالي : الحق علي ياعبدالله .. قلت له سلامات .. عسى ما خلاف قالي : منيفه عند اهلها .. قلت له .. طيب قلها اذا بغت شيء لعيالها .. تدق علي انجز امورها .. <<< خابره اذا راح كشته وناوي يبات برا البيت .. يوديها لأهلها .. واذا بغت شيء تكلمني اجيبه لها .. اذا اخوانها مو موجودين .. قالي .. لا يادب .. المسأله مو كذا قلت له : اجل .. وش السالفه قالي : منيفه زعلانه .. علي قلت له : طموووووووووح .. قالي ايه طموح .. سألته بشكل سريع .. وش السالفه قالي وديتها البارح .. ( يقصد يوم الربوع ) وديتها مسيره على اهلها ويوم جيت ابي اسري للبيت مريتها .. ولا طاعت تروح معي .. كان الوقت متأخر .. ولا دقيت عليك .. والحين ابيك تشوف لي حل .. وقالي : تراها فهمتني ان اهلها ما يدرون ويحسبونها بايته عندهم لأني كاشت .. سألته .. ليش هالشيء صار .. قالي والله مو عارف ولاني خابر اني زعلتها .. اللي اذكره ان اهلي كانوا عندنا يوم الثلاثاء .. ومن يوم راحوا وخاطرها مو زين .. يقول انا كنت متعب لأني ما نمت عصر الثلوث .. لأن اهلي مسيرين علينا .. من يوم راحوا نمت وصبح الاربعاء داومت .. وجيت من الدوام .. وقالت ودني لأهلي بروح بدري .. يبون يجونهم حريم قلت ما يخالف .. وديتها ورجعت للبيت ونمت للمغرب .. وآخر الليل مريت ابي آخذها كالعاده .. لكنها قالت لي بالتلفون .. ماني رايحه معك .. ولا عرفت السبب .. الحين ابيك تشوف وش الموضوع وتحله بدون محد يدري .. قضى حواري مع هويمل .. رحت لمنيفه عند اهلها وقلت لها .. وش بلاك زعلانه على هويمل .. قالت : هويمل هاوشني قلتها لها .. وش الجديد .. ( عاد انا خابرهم .. ما اكثر من هواشهم .. كنت اذا رحت عندهم استانس على معاركهم الكلاميه وادخل مره بصف هويمل ومره بصف منيفه ههههههههه .. ) وهم فهموني ان هالشيء ما يصير إلا اذا كانوا لحالهم .. لكن انا وضعي غير وانهم ما ينحرجون مني وياخذون راحتهم .. فعلا كانت حياتهم عسل .. حتى انا تعلمت منهم هالطريقه .. ( المناقشه مع التريقه والخبال ههههه ) بالنسبه لي كانوا مميزين في تعاملهم وميانتهم على بعض .. مشاء الله تبارك الله .. قلت لها وش نوع الهوشه .. وش قالك هويمل .. قالت قالي .. انا ما قلت لك ابي ابو خيط قلتها لها بلا في شكلك .. منهو ابو خيط .. وش يقرب لكم .. ماني خابر احد من قرايبهم اسمه ابو خيط .. قالت : السالفة بالتفصيل .. ان اهله كانوا عندنا .. والوضع كان زي العسل .. وكلش تمام بعد العشاء .. كنا جالسن انا وامه وابوه وخواته .. وقالي جيبي لنا المزاج .. عاد انا متعوده وياه نشرب شاهي اخضر عقب العشاء وكان كل واحد منا يحب نوعيه .. انا احب الصيني الورق .. وهو يحب شاي لبتن الاخضر ابو خيط وكل واحد له كاس بلحاله .. .. يوم قالت كذا ههههههههههههههه وانا افطس من الضحك حتى قالت لي .. انا وين وانت وين .. وش بلاك تضحك قلت اضحك على خبالكم .. كملي كملي : قالت : رحت وعملت شاهي احضر من الصيني .. عشاني مسويه الشاهي في براد واحد عاد يوم جبته وحطيته قالي وين ابو خييييييييييييييط بصوت عالي ونفس شينه.. يعني رفع صوته علي قلت لها وين المشكله .. مو دايم انتم ترفعون اصواتكم على بعض قالت لي : ياعبدالله قدامك عادي .. لكن قدام اهله لا و ألف لا .. حنا ناخذ راحتنا ونتهاوش ونتمازح .. بس قدام الناس لا .. وخصوصا قدام اهله .. حسيت وقتها بالمشكله .. المسأله معنويه ونفسيه اكبر من كونها كلمات جارحه او محرجه منيفه كانت تقصد .. انك ياهويمل .. لازم تراعيني قدام اهلك اكثر من غيرهم .. قلت لها .. قولي لأمك اني بروح مع الدب للبيت .. قالت لا ماني رايحه .. لازم هويمل يحس ولا عاد يرفع صوته علي .. اقنعتها .. تروح .. معي .. واتجهنا على هويمل مباشره هههههههه طبعا بالسياره تناقشنا بما فيه الكفايه وطاح الحطب حتى قبل ما اتفاهم مع هويمل لأني وعدتها اني رايح اخلي هويمل يفهم الوضوع .. يمكن انه ما حسب حساب هالشيء ( اقصد كلامه عليها قدام اهله ) دخلنا البيت وانا اقوم امسك عقالي .. وامثل كني اجلده .. وهو يصايح لين جت منيفه واخذت العقال مني وقالت .. لعيناك ياهويمل ههههههه بعدها جلسنا وتفاهمنا ع اللي صار .. واتفقنا .. ان هويمل ينتبه لأي كلمه يقولها لزوجته في حضور اهله او اهلها واهله هو بالذات .. لأنها تتحسس من ناحيتهم .. حتى هويمل .. قالها انتي بعد خليك حريصه لاصاروا اهلي عندي خليك شقرديه .. وذربه في تعاملك معي .. عشان اهلي ما يقولون زوجته معه مو قد كذا طلع حتى هويمل يتحسس اذا اهله عنده .. ونفسه يكشخ عليهم ان زوجته صاحيه وفاهمه وذربه وتسمع كلامه مدري ليش منيفه وهويمل كذا .. انا فهمت منهم .. انهم لما يتهاوشون او يتعاندون او يرفعون اصوتهم على بعض .. وهم بروحهم ولا عندهم احد .. ان هالشيء عادي .. والكل منهم ما وده هالشيء يصير بحضور اطراف ثانيه .. سواء اهله او اهلها .. يعني انا بس اللي ادخل معهم بالمهاوشات ههههههه عاد بعدها انا طلعت واسمع لجتهم وصياحهم .. حتى قالوا لي خذ الباب معك .. حاولت افك الباب وآخذه معي .. ما قدرت .. قمت صفقته بكل قوتي .. واتسكر .. بس : قضيت موضوعي .. ابيكم تستفيدون من منيفه وهويمل .. واتفاقنا المبرم .. شكرا لكم ,, آسف آسف على الاطاله .. لكن القصه كذا .. وتراني اختصرت سواليف كثيره .. من هذرة منيفه معي بالسياره .. /إ×لإ)؛لإ)؛*×[&لأ*ב[&{*‘× لأ :) |
شكرا لك اخي عبدالله على الصلح
تقبل مروري |
اقتباس:
فأنا قمت بواجبي مع الاثنين اللي دايم استفيد منهم ومن مهاوشاتهم تصدق عاد ياغريب .. انا اعتبر طرف شاهد على الصلح وإلا هم اصطلحوا بلحالهم ههههههههه من يوم منيفه فزعت لهويمل .. يوم كنت اجلده بالعقال شكرا لك يالغالي على تفاعلك السريع .. :/÷إ×إ× )؛&*لأ[*×{[إ‘ :) |
ليته تجي على كذا ياعبدالله
المشكله لا دخل اخو مره بالموضوع موضوع حلو ويصير بالبيوت كله الا ما ندر |
حي الله العديل
كفو والله وعادات الكبار الدخول بين الناس والصلح والحكم فيما بينهم واهم مافي القصة ان منيفة رجعت لبيتها ولهويمل سالمة غانمة ويلوموني اذا قلت الترايساتر من شيوخ المنتدى (ask) |
لبى كبدك يابو اروى ..
اقتباس:
ههههههههههههه اخو مره .. تصدق قاعد اتخيل لو اخوان منيفه داخلين بالموضوع .. عاد انا مالي عليهم حيله .. لأن منيفه قريبه مني بالعمر وهم شيبان وبعض عيالهم كبري .. هههههههههه اكيد عرفت وش يقربون لي اخوان منيفه .. يسعد قلبك يابو اروى على المداخله ... :/إ؛*×إلإ)؛* لأ&*÷إ‘لأ :) |
اقتباس:
هههههههههههههههههههه اجل اخينا بالله مصلح اجتماعي .. (qq10) طيب انا وزوجي عندنا مشكله ومانبي احد من قرايبنا يدري عنها تقدر تحلها ؟؟ هههههههههههههههه عواااافي سيد ترايستاآآر |
اقتباس:
لحظه طال عمرك .. خلني استأذن من حسن .. حسن خليل .. طلبتك ما تتعرضني .. بسولف مع هالادمي شوي خارج الموضوع .. تكفى .. ترا لي كم يوم ما سولفت .. مراحب بدون عنوان .. اشوفك تتميلح عندي .. وش قصة من شيوخ المنتدى .. ههههههههههه لايكون ناوي على عرس جديد .. وتبي جاهيه .. كلي لك ياعسل .. البشت مكوي ومعلق وجاهز .. انت بس اصمل .. .. على طاري الصمله يالعديل .. كيفك بعد الخواجايه ههههههه الله يسعد عيونك ع التفاعل :×÷إ×:*لإإ)؛* &إ‘لأ :) |
قلت لها وين المشكله .. مو دايم انتم ترفعون اصواتكم على بعض
قالت لي : ياعبدالله قدامك عادي .. لكن قدام اهله لا و ألف لا .. حنا ناخذ راحتنا ونتهاوش ونتمازح .. بس قدام الناس لا .. وخصوصا قدام اهله .. حسيت وقتها بالمشكله .. المسأله معنويه ونفسيه اكبر من كونها كلمات جارحه او محرجه منيفه كانت تقصد .. انك ياهويمل .. لازم تراعيني قدام اهلك اكثر من غيرهم .. يا طول موضوعك وسالفتك يالغالي (vv) اقتبست منه هذه الأسطر التي هي لب المشكلة بين الأزواج حيث تحصل كثيراً وتسبب الاحراج للزوج والزوجة. بالفعل على كل طرف أن يحترم الطرف الآخر على الأقل سواءً أمام أهل الزوج أو أهل الزوجة. شاكر ومقدر لك أخي ترايستار جهودك المبذولة في هذا القسم. (qq115) |
اقتباس:
ايه مصلح اجتماعي .. (qq18) وآخذ قروش على الاصلاح .. بس منيفه وهويمل عشانهم ما يتغطون عني .. ما اخذت عليهم شيء انتي وزوجك .. اختاروا لي مطعم .. جلستين .. وحده لي ووحده لكم .. اهم شيء يكونون بجنب بعض عشان نسمع الصوت .. واتفاهم معكم .. انتم بس عشوني .. ولا لكم همّ .. فلوس ما ابي .. اذا ما خليتك تصرعيني بعلب الكتشب وتقولين لعيونك يابو .. .. .. مدري مين .. إلا صدق وش اسم زوجك .. وش اكبر عيالكم .. وإلا توكم معرسين الله يسعدك انتي وزوجك .. ويجعل حياتكم هنيه .. شكرا ع التفاعل .. :/،إ×*إلإ)؛ لأ*×إ‘لأ :) |
اقتباس:
يا رجال انا اللي شاكر لك جهودك المذوله .. انت اللي راسك يعورك من كثر ما تتابع الاعضاء والمواضيع والردود .. عاد جهود مبذوله بطريقة احترافيه .. فعلا انت حبوب مع الناس .. حتى اللي يخطون .. عندك طريقة جميلة لإحتوائهم .. اشكرك على اقتباس الزبده ههههههههه على طاري الزبده .. المره الجايه .. بنشب لك قبل ما انزل الموضوع .. عشان تختصر لي هههههه من جد اصابع يدي عورتني من الطق ع الكيبورد .. الله يسعدك اخي حسن على مداخلتك المميزه .. :/÷إ*×:إ)؛*[لأ&‘لإلأ :) |
ههههههههههههههههههههههههههههه
يقطع شرّك يالترس من العنوان راح بالي لشي ثاني :rofl951: وماشية مليوووون عشان أحرر الموضوع هههههه طلع شاهي لبتون :rofl951: على العموم عساك عالقوة والله يعينك على مشاكل الأزواج اللي ماتنتهي (a21) |
أنا زي تفاصيل راح تفكيري لشيء ثاني (q77)
بس الحمدلله جت العواقب سليمة ههههههههههههههه وكلامك صح 100 % لازم يكون فيه حذر في الكلام عند الناس سواء مدح أو سب الناس مالهم الا الشماته بس لما يكونوا لحالهم يصير فيه شوي ميانة وراحة في الكلام بس بحدود يعطيك العافية ولا تعود لها |
اقتباس:
ايش شيء ثاني .. :544453: ماني خابر شيء له خيط ويتطلب جمس الهيئة .. كل اللي لهم خيوط شغلات عاديه .. خيط اللبتن .. وخيط الاسنان .. وخيط نتف الوجه .. يمكن قصدك باقي العنوان .. يوم اقول بصوت عالي .. تحسبيني ازاعق على احد هههههههه لا ياتفاصيل لا تظلمي حظك .. تراني حبوب .. ولا عمري رفعت صوتي على احد .. سبحان الله .. يا هالمراقبه .. شرسه .. مو زي حس خليل .. اجل انتي لو هنا بالعلاقة الزوجيه .. كان اما مقتوله .. او بالسجن وقصاصك الاسبوع الجاي هههههه خلاص الحين عرفتي اني ما اجيب العيد .. اجل لا عاد تتبعين مواضيعي <<< ناوي الغدر ههههههههههه شكرا يا دورية خفر السواحل .. تدرين عاد اني سعيد بمشاركتك هنا .. :؛×إ*؛ لإ*)*&×[لأإأ{إ‘لأ :) |
اقتباس:
قصة تمثيل وتأليف وأخراج عيال وائل (vv) شكراً االفياض > من جد ترايستار ثقيلة كأنه اسم محل خطاط ولامحل فيديو (qq18) بالفعل منيفة معها حق كل شئ الأ قدام اهل الزوج يسوي فيني اللي يبي لكن يهاوشني قدامهم يركبني ستين عقريت (q78) على فكرة منيفة مدامها مااهي اختك ولا بنتك أجل أمك >احلفي (ask) ياعمتك ياخالتك :ro258es: مرسي على القصة |
اقتباس:
اول ما شفت كلامك أنا زي تفاصيل راح تفكيري لشيء ثاني قلت في قلبي وجعاااااني ههههههههه كذا بدون نية الدعوة عليك بالوجع .. لكن لأني مدري وش بلاكم :876564: لكني سحبتها ولا حطيتها خفت منك يالمراقبه هههههه منهي اللي لا اعودها هههههههههه الصوت العالي بالعنوان .. ابشري .. ما اعاد اتعودها .. (q84) |
اقتباس:
والجاهية مانستغني عنها وخليها لوقت اللزووووم (ask) اما من ناحية سؤالك يالعديل حول الخواجية فما المسئول باعلم من السائل (ask) |
اقتباس:
:secret25: ماتعجز ماشاء الله عليك مدخل الشبكة الداخلية حتى في مجالات الصلح بين البعيدين عنك يعني شيخ عصري يستخدم التقنية في اعمالة الخيرية جزاك الله خير يالعديل (ask) |
عوااااافي يالترايستار
|
أرفع قبعتى أحتراما لك على ما قمت به 00000000000
فقد قال رسول الله صلى الله عليه وسلم ألا ادلكم على ما هو أفضل من درجة الصلاة والصيام والصدقة ؟اصلاح ذات البين 0 ويقصد عليه افضل الصلاة والسلام النوافل |
اقتباس:
اقتباس:
وينك ياتفاصيل .. انتي وسنى البدر .. وإلا بس جيدين على الترس ههههههه تعالوا شوفوا هذي كاتبه شيء مدري وشهو وش معنى مرسي .. وإلا بس جودكم على الشاهي ابو خيط .. شكرا حمو حيلي ياشموخ بدويه .. على تفاعلك :÷/إ×*÷&*[{‘×لإ[لأإ { :) |
اقتباس:
حليله .. وهي تضحك .. لأني ما افهم إلا عربي .. والضحك متفق عليه في جميع اللغات لكن اذا زعلت مدري وش تقول .. اسمع لها رطين .. انا مسامحها دينا وآخره .. نظرا لأنها غريبه ومسكينه وبعيده عن اهلها .. |
اقتباس:
ياطول اسمك يالاجوديه .. الله يعافيك .. وشكرا ع التفاعل :/÷إ×*إ لإ)÷لأ*בلأ :) |
اقتباس:
على تفاعلك .. وكلماتك الجميله .. :/÷إ×:*إ )؛*لأ&لأإ÷‘لأأ :) |
اقتباس:
|
اقتباس:
اها يعني فرنسي ههههههههههههه طيب مرسيات كثير .. كيف شموخ بدويه وتحكي فرنسي انتي من بدو .. فرنسا هههههههههه |
حبيت امسي على صاحب الموضوع(q41) وعلى الجميع(q41) مساء الورد تسجيل دخول علشان امسي بس(q84) لي عوده اقراه باذن الله لاني على عجل(hjh) واكيد بيطلع موضوع غير(qq15) |
موضوعك رااايق وحلو يافياض الخير وجزاك الله خير على الصلح وماشاء الله قريبك ذكي انه اختارك تصلح بينهم لان بعض المشاكل الصغيره تبيله حكمه ومرح وتنحل بسرعه وهالصفات ماشاءالله متوفره عندك والحمدلله بابهم ماطار بيدك عاد محبتهم لك تنقلب عدواه00مشكور ويعطيك العافيه
|
السلام عليكم ورحمة الله وبركاته
الله يرزقك على نيتك ياربي يوفقك |
قول لقريبتك منفيه تحمد ربهاعلى زوجها ولاتزعل منه لأن غيرها عصمتهم في يد خوات أزواجهم
الخوات هم اللي يزوجون وهم اللي يطلقون ليتك كنت قريبي ياترايستار قبل مايطلقوني احواته يمكن تصلح حاله الله يصلح لك النيه والذريه ويديمك بعز وشموخ :( |
يقطع بليسيك يااشيخ(a14)
<<تمووون قعدت افكر ياربي وش تقرب له منيفه؟؟ اخته من الرضاع<<خلف الله ع اميمتس الحين فهمت(qq22) بس صراحه المشكله كله ولا العنوااااان :danc854: شي(zm) ياحليلهم ليتهم جيراني(a24) |
يعني ليبتون يسمونه ابوخيط (qq167) جت سليمة بس ورا ماصكيتهم ببيتين شعر على زوقك بمناسبة عودة المياه لمجاريها |
العنوان حركات
|
اعذرني ياترااايستار
ماادري ليش حسيت انك دلخ ودايم جالس عندهم ! اجل ليش مايستحون منك ؟ اما ابو خيط الحمد لله اني مارديت الايوم قريت الموضوع (qq1) ولاتحسبني صدقتك انك شلت العقال عليه اقول هين ---------------------------------- تبي الكلام الي يجمد على الشارب والله انها صعبه جدا انتقاد الرجال زوجته عند اهله وايضا التقاعس مع الزوج امام اهله لابد من احترام الطرفين امام الاولاد والاهل الله يخليه لي ابوالشباب يحترمني ويقدرني حيييييل عند عيالي واهله وانا كذلك ولكن بعيد عن الربع تجي الهوايل من الطرفين -- دامت لنا سوالفك الهادفه |
انا توقعت انك شخصيه مؤثر ه بألي حولك
خصوصا في مسألة ترطيب الجو وامتصاص الغضب بارع ماشاء الله الكلمه ماتعوق معاك انت الي يسمونك صديق الاسره يعني طرف محايد مؤثر ايجابي ع الطرفين افرح بالحسنات ماشاء الله مدري ابو خيط مااشوف فيه شي مدري ليش تنتقدون كل شئ يالقصمان ترى ارفع عليكم قضيه ههههه |
المفترض فعلا انه ما يرفع صوته عليها قدام اهله
هو هويمل غلطان وثاني مره يجيب خيوطه معه لا تروح منيفه بلا رجعه ويبتلش بعمره عوافي عبد الله |
ترايسسسسسسو قريت موضوعك بالشغل وعجزت أرد دخت اكلت ام مخي اذا بغيت تنزل موضوع تعاااال للإستراحه وقلي الموضوع مالي حيل أقراء عموماً ترايس انت ماقصرت واكيد منيفه غاليه عند هويمل ولا كان ماتصل عليك وقاال افزع ياحلو الميااانه بين الزوجين أنا أحب احط عليها لين تزعل وبعدين أراضيها اتمتع لاقمت أراضيها تحيياااتي ترااااااايس |
اقتباس:
:SmileyBunny::SmileyBunny: الله يقطع شرك ياساري .. |
http://www.qassimy.com/vb/images/mis...t-top-left.gifاقتباس:http://www.qassimy.com/vb/images/mis...-top-right.gifhttp://www.qassimy.com/vb/images/mis...ot-by-left.gifالمشاركة الأصلية كتبت بواسطة ساري بليل http://www.qassimy.com/vb/images/buttons/viewpost.gif http://www.qassimy.com/vb/images/mis...t-by-right.gifhttp://www.qassimy.com/vb/images/mis...p-right-10.gif المفترض فعلا انه ما يرفع صوته عليها قدام اهله
هو هويمل غلطان وثاني مره يجيب خيوطه معه لا تروح منيفه بلا رجعه ويبتلش بعمره عوافي عبد الله http://www.qassimy.com/vb/images/mis...t-bot-left.gifhttp://www.qassimy.com/vb/images/mis...-bot-right.gif :SmileyBunny::SmileyBunny: الله يقطع شرك ياساري .. اها الحين فهمت يعني الخيوط يربطها ماتروح وتتركه حشا صارت عنكبوته مو حورما |
والله ذي مو مشكلتها فقط ..اتوقع اغلبيتنا احنا معشر النساء كذا.(qq167) يعني بيني وبينه لو نتذابح عادي جدا..(zm) بس قدام احد خارج بيت الزوجيه ..ينط فيني الف عفريت.(g) وسبحان الله احس اي كلمه منه حتى لو كانت بسيطه جدا بس امام الاخرين كبيره وتجرحني .(z) |
| الساعة الآن 04:04 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir