منتديات قصيمي نت - تجربتي الناجحه مع الخل الاسود للبهاق .

بسم الله الرحمن الرحيم
السلام عليكم ورحمة الله وبركاته

انا مصابه بالبهاق منذ 7 سنوات
اول مره اصبت فيها بالبهاق كان عمري 7 سنوات والحين عمري 15

استخدمت كثير من العلاجات والادويه والاعشاب
وبعدها يأست ووقفت كل شي صرت بس اتصفح هالمنتدى واقرأ تجارب الاعضاء
واقراء عن العلاجات الناجحه بس اغلبها كثيره وطويله ويحتاج لها فتره وصراحه انا ماعندي صبر ومشكلة البهاق يبي له وقت
الزبده وما اطول عليكم
قرأت موضوع عن الخل شخص شفي من البهاق باستخدام الخل بعد الله
الطريقه بسيطه هو انه كان يضع الخل باستخدام اعواد الاذان على المنطقه المصابه بالبهاق
ارتحت ل هالعلاج لانه بسيط وخفيف ومايبي له حوسه
شريت الخل وبدأت استخدمه اول مره حطيت الخل حسيت بحراره شديده
بس مع الايام تعود جلدي عليه كنت احطه واتعرض للشمس ولازم تكون الشم خفيفه يعني من بعد الساعه 4 العصر اتعرض لمدة نصف ساعه
وكل ماطولت بالشمس شفت نتائج الشفاء في فتره قصيره
وبعد اسبوعين اتفاجججججججججججأ !
البقع بدت تصغر ! وبعض البقع صار فيها جروح وبعض البقع حمرا وبعضها غمقت
البقع تصغر من الاطراف تصغر تصغر لما يصير لون الجلد الطبيعي
واستخدمته يمكن شهرين بس مو باستمرار كنت يوم احط ويوم لا و3 ايام احط ويوم لا ( يعني مو منتظمه ) والبقع كل مالها تصغر تصغر ياكثر العلاجات اللي استخدمتها ولا لقيت مثل الخل والله العظيم وكل ما اشوف البقع والنتائج اتحمس اكثر اني احط
واوقات لما يتجرح او يحمر الجلد اوقف الخل واحط زيت زيتون لمدة اسبوع بعدها ارجع للخل وهكذا .....

مع صلاة الليل والدعاء وقراءة القران .

وبعدها انشغلت وتركت الخل يمكن شهرين واكتشفت ان بعض البقع لسى بتصغر ! :ola854:

وبعض البقع نفس حجمها يعني الحمدلله مافي شي رجع

للملاحظه : كنت استخدم الخل بالركب والساق والقدم ( اكرمكم الله )
استخدمته تحت العين والجفن بس سبب لي حرق وجروح وتركته
وموي اي خل ( الخل الاسود ) وسعره 5 ريال

والحين من بداية رمضان رجعت له يعني لي 15 يوم رجعت استخدم الخل وبدون شمس والحمدلله اشوف نتائج مرضيه يعني اتوقع مو لازم شمس

وكل ماحسيت بيأس ادخل واقرء مواضيع الناس اللي شفيوا من البهاق باستخدام الخل ويتجدد عندي الامل وانتوا حطو قدامكم هدف واحد اللي هو الشفاء واحسبوا لنفسكم على الاقل 6 اشهر للشفاء والله يشفينا جميعا ويفرح قلوبنا

انصحكم فيه وبششششدددهه
ودعواتكم لي

اي استفسار انا جاهزه .