|
سلسلة أحضني الحلقة ٣و٤
السلام عليكم ورحمة الله وبركاته
رابط الحلقة ١ و ٢ الحلقة ٣ خلي طفلك مناعته قويه* قصتى مع الحضن هحكيها النهاردة ويمكن بجد ناس تفهمها غلط 😅بس فعلا ده اللى حصل معايا اتعرضت فى امتحانات ثانية ثانوي لمغص الزايدة وكان فيه مركز طبى فى نفس الشارع بتاع بيتنا اهلى نقولينى ليه بسرعة ولحقونى بالعملية والزايدة كانت فى حالة خطورة وعلى وشك الانفجار والحمد لله عدت على خير عملت العملية فى المركز الطبى كانت الساعة ٩بالليل ...وطبعا اضطريت انى ابات فى المركز الطبى لتانى يوم لحد مايطمنوا عليا وعلى الساعة ٢بالليل حرارتى ارتفعت والتمريض كلم صاحب المركز كان عمو جارنا ...راجل عجوز 👴🏻فوق السبعين وجه الدكتور وادونى حقنة وطلب طبق فيه مية وزيت نعناع وقطنة صغيرة وقعدنى .....وفضل يمسح على وشي بالقطنة اللى بيبلها بالمية والنعناع ....وسط اتنين ممرضات باصين باستغراب للدكتور والراجل هاااااادى وعمال يقولى اطمنى خالص وبيقولها بحنية اوى 😇 .....ولما الحرارة نزلت فوجئت بيه بيكلم ماما فى التليفون ...وقالها تعالى احضنى بنتك وبيتى معاها ..... ولما ماما جت ...قالى نامى فى حضن ماما عشان تخفى وقال لماما ...لو عاوزة بنتك تكمل امتحاناتها وماتدخلش دور تانى خليها فى حضنك الليلادى مااخبيش عليكم افتكرت انى هموت 😄 وعاوز امى تشبع منى ونبه على الممرضات ...لو دخلتوا ومالقتوهاش فى حضن مامتها كلمونى 😅 وعدت الليلة والخرارة ماارتفعتش تانى ابدا وبعدها بيومين نزلت امتحن فى المدرسة عادى ومن ساعتها ...عرفت ان الحضن مناعة واثبتت الدراسات أن الحضن بيقولي المناعه وبيساهم في عملية التوازن في الجهاز العصبي وده بيخلي نفسيته قويه في مواجه الأمراض والطاقه السلبيه |
رد: سلسلة أحضني الحلقة ٢
*الحلقة٤ خلي طفلك يحس انه مقبول* وضربتها قدامى حتة قلم 😢😢😢😢البنت حسيت ان دماغها اترجرجت منه معلش دخلت على طول فى الوجيعة 😔ونسيت اعرفكم بنفسي انا ام لتلات بنات فى عمر المراهقة 😁😁سن لطيف وبنتى الكبيرة صاحبتها بنت كويسة وغلبانة بس اخلاقها مش اد كدة وطبعا انا باخد بالى كويس بس مش بتتدخل فى اختياراتهم لاصحابهم بس عليا اراقب 👀وعنيا تبقى فى وسط راسي بس من بعيد لبعيد 🙄 صاحبة بنتى بتكلم شباب كتير على الفيس وبتتواصل على الانستجرام مع شباب تانيين وحاجة مرعبة 😰 والبنت ربنا يعافينا فى يوم واحد اخد صورها وعملها بالفوتوشوب عريانة وبعت الصور يبتزها ونظرا انى الحمد لله مصاحبة بناتى وصحباتهم ...فبنتى اول ماعرفت المصيبة دى جت قالتلى ولاقيت نفسي باخد البنت فى حضنى وهيا بتترعش وتعيط وانا اقولها ماتخافيش والله لاحبسهولك وهنتصرف فضلت تترجانى ان باباها او مامتها لو عرفوا هيقتلوها وفعلا للاسف همة ناس دماغها حجر صوان ...عيونهم مفتحة وقلوبهم عميا 😓 وقررت احل مشكلة البنت دى بنفسي ولاحظت حاجة ان كل ما البنوتة كانت تبقى معايا او عندنا ....تلزق ياحبيبتى فيا وكانها بتطلب الحضن بتاعى وكنت بحتويها لحد ماربنا قدرنى على حل المشكلة الحمد لله والبنت بدا حالها ينصلح وبدات تصلى وتبعد عن كل البلاوى اللى كانت بتعملها وكانت تقولى عشان خاطرى ياطنط انتى اللى ليا 😓ماتسيبينيش والحمد لله عدينا السنة الدراسية على خير والبنت مشكلتها اتحلت وتجاوزتها وانصلح حالها ....لكن بكل اسف بشكل ما وصلت صورة من صور البنت للام وفضلت تلطش فيها بالاقلام قدامى وانا بحاول احميها وافهمها ان كل شئ انتهى وان ده خلاص مالوش رجوع وقولتله احضنى بنتك وطبطبى عليها مالهاش غيرك لما ترفضيها هتروح لمين .....مافيش غير طريق الغلط ترد الست بكل جبروت تروح مطرح ماتروح انا ماعدليش بنت خلاص اترمت البنت فى حضنى وقالتلى خودينى ياطنط ......خليكى مامتى ...دى عمرها ماكانت مامتى 😞😞😞😞😞 احضن بيخلي الطفل حاسس انه مقبول ودي مهمه جدا عشان يكون متزن ومستقر وسط الاسره وخارجها كمان لان الطفل اللي بيحس انه مرفوض او مكروه بيكون متوتر ومتمرد |
| الساعة الآن 12:13 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir