منتديات قصيمي نت - نهاية المشوار قطعة من الخام ,,

بسم الله الرحمن الرحيم

هذا صاحبي واعتبره اخ ناصر المشعل شاعر والى الابيات وسببها

انا قلت بعد اتصاله علي :

العيد عده يوم من عرض الايـام
ماينفع المحزون عيدك مبارك 00

فرد ناصر المشعل

.
.

يافالـح ,, الدنيـا مثـل طـيـف الاحــلام
ماهـي شعـاري ,, لا ولاهـي شعـارك 00

لو قلـت يـوم العيـد مـن عـرض الايـام
كل عام وانت بخير ,, ( عيدك مبارك ) ؟! 00

انا ادري ,, انـك عايـش ن حزنـك اعـوام
بينـك وبيـن الحـزن حـرب ومعـارك 00

ليـت الفـرح بالسـوق ,, يشـرى وينسـام
والله لااسوقـه ليـن اجيـبـه لــدارك 00

مَحـدن يلومـك ,, يـا رفيقـي ولا اتــلام
اللـي يلومـك ,, جعلـه يـذوق نـارك 00

لو تشتكـي ياصاحبـي ,, (عـوق الاقـدام)
لاتشتكـي للنـاس ,, وابعـد مــزارك 00

ارفـع يديـك لخالـق الكـون ,, بسـهـام
عليـك بسهـوم الليـالـي ,, مـنـارك 00

لانامـت اعـيـون الاوادم ,, فــلا نــام
الواحـد المعبـود ,, جــلّ وتـبـارك 00

اللـي خلقنـا مـن عـدم قـادر (إ) شمـام
إن راد سبحانـه ,, يـعـدّل مـسـارك 00

كـل ماحصـل ,, تكفيـر لذنـوب وآثــاام
ماهـو علـى كيفـك ,, ولا بختـيـارك 00

مـقـدر ومكـتـوب ,, والخـيـر قـــدّام
اصبر ,, وترضى لـو يطـول انتظـارك 00

هـذا تـرا قصـدي ,, وانـا مقصـدي تـام
تكفيك ( طوبى) ,, بـإذن ربـي قـرارك 00

والعيـد عيـد الله ,, وفـي شـرع الاسـلام
واجب ,,علـى المسلـم بعيـده يبـارك 00

لـو داخلـه عبـره ,, وفـي صــدره الآآم
يصبـر,, ويبعـد نظـرتـه والـمـدارك 00

اضحـك ,, وفـل احجاجـك وكـب الاوهـام
ماقـدر المـولـى ,, فــلا ينـتـدارك 00

نهايـة المشـوار ,, قطعـه مــن الـخـام
هـذا الصحيـح اللـي عليـه انتشـارك 00

وسلامتكم