منتديات قصيمي نت - سقا الله زمان(ن) زال وبــ الذاكره مازال

منتديات قصيمي نت (http://www.qassimy.com/vb/index.php)

- منتدى الشيلات والقصائد الصوتيه (http://www.qassimy.com/vb/forumdisplay.php?f=46)

- - سقا الله زمان(ن) زال وبــ الذاكره مازال (http://www.qassimy.com/vb/showthread.php?t=497411)

سقا الله زمان(ن) زال وبــ الذاكره مازال

بسم الله الرحمن الرحيم

سقا الله زمانٍ زال وبالذاكره مازال
فداه العمر لو راح الاول على التالي

..

قبل من عوايدنا نعشق السهر لا طال
معي بكل يوم وليله اقرب من اظلالي

..

تنام بعيوني فارعه ماعليها شال
سترها الغلا والخوف من عين عذالي

..

وفجأه بلا موعد صحينا على زلزال
اخذ كل شي ولا ترك غير غربالي

..

بقا بيننا يمكن تواصل بقايا وصال
تجيني بعد مده تدور عن اوصالي

..

مجرد سلام ومانسيتك وكيف الحال
هذا آخر الغالي وحقه وهو غالي

..

واذا مر وقت ولا لفى منها مرسال
وبديت التفت عن حالها شوي في حالي

..

عن اللوم والشرهه رسايل علي تنهال
من يدينها واحسها تسولف قبالي

..

يقولون : مايبكي على المقفيه رجال
وانا اقول : جعل قلوبهم مالها والي

..

على وين ماراحت اسوق القدم رحال
اخيل المدى والدرب موحش وبلحالي

..

ادور حدر غيمة مواعيدها همال
ولا شفت منها غير موعد مع اهمالي

..

خلاص انتهينا مابقا للسنين آمال
بعد ماقِصر مرسالها مات مرسالي

..

هي الحين صارت راعية بيت وام عيال
وانا الحين مثل اول على خبرها حالي

راقت لي

http://www.youtube.com/watch?v=nzjfl...eature=related

ابيات روعه

يسلم لنا ذوقك الراقي والمميز دائما

برسلها للتويتر

اقتباس:

المشاركة الأصلية كتبت بواسطة مذهله (المشاركة 9815544)

ابيات روعه

يسلم لنا ذوقك الراقي والمميز دائما

برسلها للتويتر

انتي الاروع لببى قليبك

:sh652:

تسلمين يا ام اديم ابيات روعه دائما ذوقك رفيع

كنت متواجد بتويتر وشفت رابط بنت المغرب وجابنى لقصيمى نت

وكأن الواقع يقول لا تباعدون عن قصيمى نت :c010:

اقتباس:

المشاركة الأصلية كتبت بواسطة شقيان (المشاركة 9815571)

هههههه حياك اخوي ,, هلابك

شرفني مرورك ولاتبعدون عن القصيمي (qq18)

بنت المغرب (q81) فديتك عيني

روووووووووووووعه

الله يعطيك العافيه