|
اخــوي طردنــي انـــا وبنــاتــي ,, ساعدوونــي تكفوون
السلام عليكم ورحمة الله وبركاته
طبعا اغلب الاعضاء عارفيني وعارفين مشكلتي ماكنت ابي اسكن مع اخوي وداييم استخير ولا ارتاح بناتي قالوا الا بنسكن عند خالي بيت كبيروحلو ونقدر نعزم الناس بدال بيتنا الخرابه المقشر اللي كله حشرات واخوي المريض قال الا بنسكن عنده تعبنا من سب وشتم ولعن زوجة ابوي لنا حتى كفرات سيارتي فقعتها وترمي على سيارتي قراطيس الشاورما المهم لا ارتحت عند ابوي ولا عند اخوي يقولون البنت تلقى عزها عند ابوها ؟ طيب اللي ابوها مثل ابوي ماله شخصيه وزوجة فارضه شخصيتها عليه وين تلقى عزها فيه ؟ الحين اقولكم بعد ما سكنت عند اخوي ماعاد قدرت اتحمل بزارينه 2 توام اشقياء ويشجعون بعض مايخلونا ننام ولا نتقهوى ولا ناكل زي الناس وبنتي اللي عندها جامعه ماعرفت تذاكر ولاعرفت تنام من الازعاج واذا سكرت الباب قاموا يخبطون بالباب ويصيحون ويصارخون ازعجونا لا ليلنا ليل ولا نهارنا نهار اتصلت على ابوي قلت له برجع عندك البيت قالت انتي تحبين المشاكل انتي راعية مشاكل بتسوين لي مشاكل مع زوجتي طنشته ورجعت البيت شفت المكيفات والفر ن والثلاجه مبيوعه والاغراض اللي بالثلاجه طايحه بالارض والريحه كانه فار ميت قلت مالي الا بيت امي مؤقت لين القى شقه رحت عند امي وشكلها متضايقه مناا وتهاوش بناتي من دون سبب قالت بنتي الصغيره 18 سنه خلاص انا بسكن عند خالي مع عياله وانتم اسكنوا بالشقه اللي فوق في السطح وصرت كل يوم يومين انزل عندهم قامت بنتي طفشت ولا قدرت تتحمل مسؤولية بيت وطبخ وبزارين وتنظيف وغسيل ملابس والبزارين اسهال وتطريش حامت كبدها بنتي وقامت تستفرغ وانتم بكرامه وطلعت فوق عندي وقالت مابي انزل تحت ماعاد ابيهم شوي الا قال اخوي معكم اسبوع واطلعوا من بيتي كلمه ابوي وقاله طيب خلهم اسبوعين لين يدبرون لهم شقه قال اذا ماطلعوا من بيتي الاربعاء الجاي انا بطفي عليهم الكهرب والحين انا وبناتي جالسين فوق في البرد جالسين على البلاط بس حاطين بساط والبيت فاضي ماعندنا ولا شي جوعانين وبردانين يشهد الله علي حتى مويه ماعندنا نحط مويه من البزبوز نغليهها ونشربها شفتوا يااهل الخير اخوي شقيقي طرد اخته الكبيره ولا احترمني على الاقل كان قال مابي بناتك خليهم يروحون لابوهم اهون من انه يقول اطلعوا من بيتي ولا بطفي عليكم الكهرب والحين باقي 5 ايام ويطردنا يعني يرضيكم اححنا حريم لحالنا ندق خيمه بالشارع ونجلس فيها في البرد هو يبي يذلنا ويحدنا طردنا ولا واحد واقف معي وهو عارف ان مكاتب الااجار مستحيل تاجر حريم لحالهم ماعندهم رجال \ وانا حرمه مالي الا الله ثم اهل الخير ساعدوني يرحم والديكم ويدخلكم الجنه ويرزقكم وين اروح انا وبناتي حسبي الله ونعم الوكيل حسبي الله ونعم الوكيل ساعدوني اللي عنده لو ملحق يسكني انا وبناتي |
من وين انت؟
اذا كنت من جدة او الطائف او مكة ارسلي رقمك على الخاص |
الله يعينش ياررررررررررررررررررررررررررب
بنحن بزمن يخوووووووف الله يستر |
والله ان ودي اساعدك بس مع كثر الكلاب الي تتعمدالكذب والمراوغه
واللعب صرنا نخاف اذا صادقه الله يكون بعونك |
منال
انا في الرياض الاماكن آمين جرة عسل مدري وش اقولك بس ربي الشاهد على كلامي االله يجزاكم خير آجمعين |
في اي حي في الرياض ؟
عطيني رقم اخوك ؟ وطلباتك هل ايجاد شقة ؟ او تأمين مبلغها ؟ |
انتي وحده ولا واحد
لأن في شي مافهمته اقتباس:
|
يا اختي اسئل الله العلي العضيم قاهر الجبابرة والمعتدين ان يقهر عدوك وهو الشيطان . بعدين يا اخي والله ماراح تحصلين اصدق ولا ارحم ولا احن من اسرتك ولو قسوا عليك في اغلب الاحيان . يا اختي الصراحة هي اول اسباب العلاج . كلنا نقدر نطلب منك رقم الحساب ونحولك مبلغ لاجار شقة مفروشة بالشهر ومن ثم رفع اوراقك لوزارة الشؤؤن الاجتماعية لمتابعة دفع الاجار . ولاكن وفذمتك بتبقين طول حياتك مشردة مع بناتك . الين متى ؟
مالك الا حلين فقط والله اني عليك مشفق الاول الرجوع لله بكل قووووووووووة وبكل قووووة وبكل قووووووة فهو الوحيد القادر ان يجعل حياتك اسعد حياة في الوجود ولو كنتي وحيدة ولو كنتي يتيمة بين اوبيك . فكل الخزائن بما فيها الحب والكرة والاحترام بيد خالق كل شيء سبحانة . وانا احسيت من كلامك بانك استرك متفككة وهذا الشيء لاتتوقعين بانة عندك لوحدك والله الان اغلب بيوت المسلمين متفككة من المعاصي والعين والحسد والشياطين . عليكم جميعا بالعودة لله ثم الرقية بكتاب الله وراح تشوفي الفرق وراح تندمين في يوم من الايام بانك سقتي قلمك لشتم اغلى من في الوجود وهم اسرتك . اما الحل الثاني . فهو البقاء حتى الموووووت في منزل ولي امرك وهو الاب وهذا حكم الله ورسولة ان لم تكوني متزوجة . فأنتي اولى من زوجة الاب في البيت ولك اكثر مما لها . ولاكن اوصيك بالتسامح والصفح والعفو والشكوى لله الى ان يأتي امر الله . فو الله لن ينصر الله الضالم على ضلمة وسنة الله اقتضة انة سبحانة لايصلح عمل المفسدين . ولاكن اعذري اهلك فو الله لقد جزمت بمرضهم لان هذه الافعال لايرضاها الى مريض اصبر واحتسبي . فمرارة اهلك ارحم من وحوش المجتمع . |
وربي عجززززت لا استوعب قصكتم !! أمك الحين حيه ما ماتت ؟؟ وين الناس الي حولكم وعارفين وضعكم.... |
اقتباس:
اقتباس:
ننتظر احد من اهل الرياض ... يتعملق وينبري لمشكلتك ! ومستعدين نساعد باللي نقدر عليه لكن اما مستغرب من شي ليه القسوه هذي من اهلك ؟؟ معقوله شقيقك يسوي فيك كذا ! لحمه ودمه يسوي فيها وفي بناتها هالسوايا ليه مواقفهم هو وأمك وأبوك .... مواقف سلبيه مرات اقول اكيد انك شخصية عدائيه وووووالخ لكن اذا تذكرت ان عندك بنات اقول في نفسي : حتى لو كانت مخطيه وعدائيه ... البنات طيب مايعنون لهم شي ؟؟ ماهم لحمهم ودمهم !! خالهم الله يقلع وجهه كيف يقبل عليهم كذا شي يقهر والله (qq136) |
| الساعة الآن 12:02 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir