|
موقفي مع المسكينة زوجة الحمــار ..!
شوي والا فقدت اعصابي قبل شوي في احد المحلات التجارية,شوي والا تدخلت بين رجل وزوجته بس فكني ربي..! مالكم بالطويلة الحاصل كنت ماشي قريب من محل نسائي الا وسمعت شتم ولعن من واحد يرمي على وحده ملابس داخلية ويقول لها خذي يابنت الكلب ويلعن ويسب فيها وفي أهلها ..! شلون تقولين لي بروح ارجع ملابس وانتي قاعدهـ تتفرجين وتشتري وتلطعيني بالسيارة ما اقول الا لعن الله من جابكـ..! << والله هذا مالفظ وقدام الناس أنا لي اكثر من ربع ساعة انتظرك في السيارة ولا خلصتي(ekaj)..ويردد الشتايم لها وكل شتيمه أقوى من اللي قبلها .. سب المسكينة وسب أهلها وسب اللي عرفه فيها ولا خلا شي ماقاله .. الحرمه ماغير ترتعش وصابها نفاض يشغل كهرباء المنطقة الوسطى كلها شوي والا لقافتي طلعت بس الحمدلله مسكت نفسي والسبب خفت إن الثور هذا يلبسّني تهمه فاللي مثله ممكن يسوي أي شي ولا استغرب .. الزبدة انه مرمط زوجته قدام اللي يسوى واللي مايسوى حريم ورجال هندي ويماني .. تبون الجد تمنيت اني اخوها وقتها بالعن ابو سكافه بس صرت مثل المقيّد.. مدري ليه وقتها ؟! واحس في قلبي حر/ن يطبخ البعير للحين من شي شفته .. قهرني بشكل غير طبيعي صراحة واستغربت الموقف وما تخيلت فيه رجال توصل فيهم المرحله لكذا .. المهم أن سبها شكله مو جديد عليها..فالموقف اللي شفته يبيّن والاكيد ان له سوابق مثل كذا وسبق إن شتمها حتى لو في البيت مو بالسوق .. السؤال مثلها ليه تصبر على ثور مثله ؟! ووين إخونها يردون كرامة إختهم ؟! الامر الثاني ليه ماتشتكي إن كان عندها رجال ؟! يقول ربع ساعة ..!؟ << الوقح وسوى كذا..! أجل لو تقعد ساعة أكيد بينزلها بكلاشنكوف ويعدم السوق باللي فيه.. المهم إني اليوم عرفت أن فيه حريم صابرات على اشباهـ حمير فالحمار مهما قل أدبه لا يمكن ان يطلق لسانه الشتايم فحدهـ النهيق ولا يبالي بنهيقه حتى وإن كان في مجتمع.. لكن الغريب أن تجد حمار يترجم نهيقه بشتم مُعلن لزوجته ولا يستحي من ذلك ويكون امام الكل ..! |
اقتباس:
هذا تعريف الرخامه طال عمرك (qq166) ههههههههه بالله يااسمراني لاتزعل تراني امزح معك ولا فيه احقاد وكلنا نعرف ان المرجلة تحضر وتغيب (qq15) غابت ساعتها ولاّ كان مفروض تتدخل وتقول له احشم نفسك وحريتك تنتهي عند حدود حرية الاخرين ! |
اقتباس:
لا مو صحيح والله اقول اللي حصل معاي خيرهـ اختارها الله ..لو سألتك وش ممكن تسوي ماتقدر لو حكمت عقلك تسوي شي ..تصدق انا طبعي دوم مستعجل واليوم الحمدلله اني ماتعجلت فمهما كان صعبه ..فكر فيها زين لانه ممكن يرد عليك رد موطيب ويغلط عليك وتكبر المسأله .. تحية لك :) |
الله واعلم هذا الر جل من النوع اللي يكتم ويكتم وبعدين ينفجر فيه حريم صابرات وفي رجال صابرين الموضوع متبادل حريم صابرات يمكن علشان عيال او علشان ما عندها اهل يتحملوها او علشان ما تحمل لقب مطلقة وهذول كثار
|
اقتباس:
أي كتم قاعد يشتم بنت النــاس في الشوارع ..انا ضد كلامك |
اقتباس:
ماشاءلله مازعلت ولا عصبت من كلامي والله انك ممتاز يالاسمراني :ham020: تصدق بالله البارح صار نفس الموقف قدامي لكن ماصارت هوشه الرجال ينادي حرمتين يقول امشوا يالله ! وحده منهم تقول للثانيه يالله يالله امشي وذيك تقول للبايع كم هذي ؟؟ وبكم هذي وتكرر المشهد والحوار دقيقتين كذا لدرجة انها استفزتني انا وانا مالي علاقه ! بعض الحريم مستفزه للنخاع !! طبعاً انا ضد كلام وشتايم الثور هذا خصوصاً لعنبو من جابك ؟؟؟!! ابوها ياخي اذا مايحترمه اجل مافيه خير للدرجه ذي مافيه مراعاة لمشاعر بنت الحلال ؟؟ انا الحمد لله اني ماكنت مكانك ... ولاّ كان انبرشت عليه (qq15) |
اقتباس:
كان طبعك ماتتحمل فحمد ربك ماصرت مكاني ..لو انت مكاني على قولتك كان ملفك في التمييّز الحين الله لا يقوله وفيك كم عين (q20) |
بصراحه موقف عجيب يدل على ضعف الرجل وعدم حلمه
اكيد ماسكه معه غلط |
لعنة الله عليه الحيوان الا الإهانة قدام الناس (ekaj)
وربي ذا النوع من الرخوم يتروض بسهولة بس يبغاله وحدة ترسم له حدود من اول مثل الطفل وذي شكلها مسكينة قاعدة تشجعه يتمادى وهي ما تدري اوف لو كنت في يمكن اسمعه شتيمتين تكسفه سويد الوجه(qq94) |
والله يا أسمراني اني كتبت لك رد يحبه قلبك وفصلت فيه تفصيل متعوب عليه لاكن طار وضاعت العلوم ولا عاد جمعت ولا حرف ههههههههه
|
اقتباس:
مثله مايعرف للحلم طريق مثله رئيس قسم قلة التربية ..كان ودي اتعمق اكثر لكن قوانين المنتدى لا تسمح بما في كيبوردي :) |
جزاك الله كل خير
|
اقتباس:
|
الشرهـ ع الزوجـة الكمخــه ساكته وهــو يسبب ولا ووين قدام النــاس آه يالقهر لو انــه زوجــى ويرفع صوته عليــه اقسم بالله بالجزمه ع وجه (ekaj) انـا بنت ناس ياسافل مو انا الى تصح فى وجهى المهم بالنهايه مراح اركب معه برجع مع بسواق لبيت اهلى لا عزة النفس فوق كل شي |
لو بيصير هالموقف قدامي
عفت الدنيا وما فيها أقسم بالله حسيت بقهر وأنا ما شفت شي ما فيه شي يقهرك في الدنيا كثر مرمطة كرامة الإنسان لأنها هي أغلى ما يملك ولما يجي واحد حقير مثل هذا ويمرمطها والثاني لا حول له ولا قوة تحس الدم بينط من عروقك ...حسبي الله عليه , ولو أننا ما ندري وش ظروفه ولا وش علته يمكن يكون يعاني من مرض ولا يستخدم حبوب تخليه متنرفز على طول بس ولو فيه شي أسمه أحسب حساب لهالشي , فيه شي اسمه زوجتك إهانتها قدام الناس من إهانتك لنفسك , يعني ما راح يوصل لدرجة يُشل فيها التفكير تمامًا ..! لكن الظاهر إلي عنده معطيته الإشارة الخضراء على طول عشان كذا نافش ريشه وماد لسانه والمصيبة لأنه انتظر سي السيد ربع ساعه في السيارة ..! والله شي يبط الكبد ..! الله لا يكثر أمثاله أشباه الرجال ودك من يزيلهم من الدنيا ويريحنا من خلقتهم .. بصراحة ما أدري ألومها ولا لأ , لانه أكيد طبع زوجها ما يجهلها فليش تعرض نفسها لهالموقف بلاها أغراض وبلاها سوق دام هالمعتوه هو الي مسؤول عنها .. إذا كنت ما تتمالك نفسك ومثلك مثل الحيوان الهايج يثورك الموقف ولا تتحكم في أعصابك أجل إلزم بيتك وأقضب ارضك وريح العالم من نفسيتك الدمار وأخلاقك السيئة ..! نرفزتنا معاك يا اسمراني .. |
ابو سمرهـ
الصورة الرمزيهـ حقتك تتبع لأحد أفراد عائلتك والا متنحل شخصية الطفل هههههههههههه خابر خوياء الشيوخ والامراء ما يخافون في الله لومة لائم المفروض بدل موضوعك هذا انك جاي وتقول لنا وش سويت في الزوج الحمار وكيف قدرت تأدبه وتوقفه عند وتكون بذالك نصير المرأهـ السعوديه في الاسواق عيدك مبارك سمر مر |
الله يصبرها المسكينة ..
بعض الرجال-مع تحفظي على هذه الكلمة- يستمد رجولته من إهانته للمرأة .. مرض .. وربي مررض .. مثل ذاك المعتوه اللي يقول أثبت إني رجل من خلال سطوتي على المرأة << ذكرتوه ! خلني أطلع من الموضوع بس (q85) |
<~ آشوى مآصآر قدآمي
والا على هالأشكآل مأسكت اقل شي تنقده بنفسه وآن طوله لا ابوه ولآ ابو من جآبه رآد رآد والي بيصير يصير <~ آنفعل وهو مآشآفه خخخخخخ |
مات الحيا .. والمرجلة دمها ساح
مادام شرشحها اللي مايستحي قدام الخليقة لا تستبعد انه يدبغها بالبيت مافي وحدة بالدنيا .. تعجبها عيشة الذل والمهانة لكن الاولاد يخلون الوحدة تصبر وتصبر لو نفدت هي بجلدها رح تتركهم تحت رحمة اب ظالم فتختار انها تتشرشح وتصبر ولا تترك اولادها تحت رحمة جبار وتاليتها تسمع اخبارهم بالجرايد .. مثل ماصار مع اريج وغصون وغيرهم مافي الا ان الوحدة تشتكي لحقوق الانسان .. |
اقتباس:
يآبعدي هالبنآت مآيصبرهن على هالحثآلة الا هالبزآرين الله لآيخسرهن تخبرين قلب الأم كل شي يهون مع فرآق ضنآهآ |
اقتباس:
الا لاهانه والمذله مارضاهــا ارمى عياله بوجه واتركه |
اولا : الحياة بين الزوجين والحكم عليها لا ينبني على موقف واحد او حتى عشرة .. هي مسيرة عمر وفيها من الحسنات ما يمسح بعض السيئات وان كانت كبيرة في حق الاثنين .. وزين سويت اخوي اسمراني بعدم تدخلك طالما هي ما اشتكت لك ولا طلبت منك تساعدها خلاص ما لك شغل لا انت ولا غيرك ولا حتى اهلها
ثانيا : الزوج ان كان هذا طبعه وباستمرار فصدقني مصيره احد امرين اما ان ينتقم الله منه بتسليط ظالم عليه بسبب ظلمه لها وهومن عدل الله عز وجل .. هذا اذا ما كان اصلا يعيش اضطهاد واحتقار في عمله وفي المجتمع ويفرغه على هالمسكينة ! اويتحول حاله للذل بعد ما تتشبع زوجته وتعلنها ثورة وتضطر تعرفه قيمته الحقيقية .. لان غالبا النوع اللي زي كذا ينفخ ريشه بالصراخ والسب وهو من اضعف خلق الله هي بس عليها تعرف نقطة ضعفه .. وما ينفع معاه الا هالاسلوب منها او من اهلها او من اي سلطة ثانية وكذا بتعرف كيف تخليه يبلع لسانه ويتعدل ويحب التراب اللي تمشي عليه واذا ما نفع تنفصل عنه وش الله حادها تعيش مع واحد ما فيه رجا .. ولا أظن المحكمة تحكم لأب سيء بحضانة اطفال ! وكثير ابوهم ميت وربوا احسن تربية فاذا كان وجوده يضرها او يضرهم خلاص تعتبره ميت وتحتسب الاجر في تربيتهم هي |
يوم قريت سآلفتك تذكرت وحدة من جمعتنآ يآهي
أكلت تبن وأنذلت أشيآء فوووق الخيآل يمسح فيهآ البآط قدآم اللي يسوى واللي مآيسوى صبرت وصبرت لين ربي فتحهآبوجههآ وصارت هي الغآلية بس بعد ايش بعد ماشيبو (qq15) وزين منك أنك مآتدخلت كآن تصير حرب دآعس والغبرآ وأن سكته مرة من يوقفة عند حدة المرة الجآية.. بس لو اتزوج ويصيرلي مثلهآ أروح أجمع عبيد وأعطيهم بزنس يخلونة يعض الأرض وصورة وانشر صورتة باالنت علشآن يعرف يمد يدة مرتن اخرى (gfp) |
ذكرتني قبل عيد الاضحى العام واحد طلع من محل ماسك زوجته من عباتها ويرفسها ذيك الرفسه اللي ماراح زوجته تنساها طووول عمرها
وضرب بنته مع راسها وعاد غير اللعن والشتم والسبب ليه تتأخرون قسم بالله يوم شفت المنظر جتني ام الركب انا وبنت خالتي وماخليت دعوه مادعينها عليه وان شاء انها استجيبت واللي حزني اكثر ان البنت اللي معه تتلفت تشوف فيه احد شافهم ولا لا والله رحمتها(q73) مااقول غير الله يكون بعونها |
اخخخخ اجل ماعرفت تحبكها صح وتلبسه تهمه
المفروض تنزل وتسمطه بكف ملكي مقاس 8 درجات على مقياس عصير مرق وتقول له يابن الكلب ليه مقفل لك ساعة على سيارتي ثم تنهال عليه رفسا وركلا وضربا بالعقال وتمشي بعدها بعد ان اهنت كرامته بعدها مايقدر يرفع صوته عليها فسوف تذكره بموقعه ذات العقال |
شوف ياأسمراني يمكن الرجال لسانه وصخ وعنده احتقار لنساء
ولكن زوجته ساعدته على ذلك او يمكن عززت فيه هذا الشي طبعا انت ذكرت ان ردة فعلها انها تنتفض وترتعش وهاذي سلبيه ساعدة على انه يطول لسانه لو انها ردة الصاع صاعين او حقرته او سوت اي شي تدافع عن نفسها كان تأدب واحترم نفسه اقل شي عند الناس اذا بيتكلم او يعصب يمسك نفسه لحد ما يركب السياره وذاك الوقت يحلها الحلال فاحيانا الزوجه تجني على نفسها فعلى طاري سالفتك بذكر مشهد اضحكني وضيق صدري كان فيه رجال في احد المولات مودي عياله لمحل الالعاب بينجحهم وكانو العيال من زود الفرحه ياخذ اللعبه ويرجعها كان محتار بين لعبتين فكان ابوه وبصوت عالي يقول مالك الا وحده الله ياخذ امك اطلع برا المحل الله ياخذ امك والمشكله الام كانت موجوده والمصيبه انها ساااااااااااااااااكته وواضح انها مدقمه فكنت مستغربه من الموقف (ودمتم سالمين) |
اقتباس:
جبتها بردت كبدي عصبت يالربع اجل يسبها واهلها وهالكمخه ساكته والله ما فيه اعز من الكرامه بالطقاق اللي يطقه يقعد ساعه 2345 وش وراه هذولا الحريم المسكينات تنشئت المجتمع الظالم السلطوي التابع للرجل اح بس ليت يا اسمراني سطرته كف وقلت هذا من نوضا اخت سعدون خخخخخخخ لاتلوموني انقهر من هالمستكينات لاشباه الرجال |
فيه مثل مصري ينطبق على هذا الرجل
(قالوا : ايه فرعنك يافرعون قال : مالقيتش اللي يشكمني ) (q14) |
الله يشلّ لسانه السافل .... أكره الرجال العصبيين مثل كرهي للشيطان الرجيم .. أعوذبالله منهم مدري وش تبي فيه .....ولا كيف بيكون لها نفس بعدين تنام معه (q79) أو تآكل من الأكل الي يشريه (q79) ووع ياكبدي من أشكالهم حتى وهم يهاوشون ......يصير كأنه وحش قبيح وبعض الحريم تستاهل مايجيها ......."لاتبسط بساطك يوطون عليه الناس" شكلها معطيته نفسها وبقوه ........أجل رايحه تشتري له وتتلبس له .....ويحشرها بربع ساعه(qq11) وبالاخير يسفل فيها وبأهلها وفي السوق بعد .......(qq11) العصبي الي يفقد السيطره المفروض تنزع منه ولاية حتى أولاده فضلا عنها لأنه ممكن يرتكب جريمه بأي وقت .......يكفي ان الرسول نزع عن هالاشكال " الطلاق " لما قال (لاطلاق في اغلاق) يعني مثله مثل السكران مافيه فرق |
حسبي الله عليه ونعم الووكيل ماعتقد الانسان الطبيعي يسوي كذااااا الحمد لله والشكر
|
اقتباس:
هذا أكبر غباء من الي ابتليت بهذي البلوى لأن مصيرها الاكتئآب ومصير أطفالها الامراض النفسيه المفروض مااحد يصبر على الاذى ......ربي ما أمر بهذا الشئ .........لاضرر ولا ضرار بالنسبه لموقفك يا أسمراني أعتقد طبيعي انك ما تتجرأ لأن الرجل ممكن يلبسك تهمه ويقنع الجاريه حقته أنها تشهد ضدك لكن لو فيه حريم عاقلات بذيك اللحظه المفروض تكلمن عليه وهزأنه للحريم مارح يقدر يقول شي بس ايش نسوي بسلبية المجتمع أو ممكن أحد يصور الموقف .........خل الخسيس يشوف نفسه بعدين باليوتيوب فيه ناس ماتربيهم الا الفضايح احيانا نحتاج للناس الملاقيف بجد :ro258es: |
اقتباس:
الرجل المسيطر المتسلط الحريم عنده يصيرن أحد نوعين .. يااما جاريه مثل صاحبة القصه أو عناديه مستفزه ....... تلقاها تقول هذا بكم وهذا بكم عشان تقهره بس :876564: انا مدري المره الي تسحب الرجل في الاسواق وش تبي فيه الرجل بتركيبته مايحب المول والمرأه بتركيبتها تعشق المول ............وعندنا بزيادة لأن الكبت يعلي نسبة فيروس الشراء تروح مع صديقتها او اختها وتخلي ابو كرش ينطق في البيت |
موقف صعب جدا للزوجة الله يعينها .. يمكن أي واحد بمكانك يا أسمراني يتحمس انه يسوي شي لمحاولة منع الزوج الثائر ولكن في حالة لو انه مد يده عليها اما مجرد كلام تبقى أهون الضرر .. والمشكلة لو طلع فعلا يعاني من مرض نفسي وأثبت ذلك بتكون مشكله ثانية وفك نفسك لو انك ضربته .. وفي النهاية لو كان يعاني من العصبية الزايدة أو معتل نفسيا فيحق للزوجة اللجوء للمحكمة في مثل هذه الحالات وربما ترفع عن الزوج الولاية .
|
عاد مو كلنا .. المهسترين بس (vv) |
افضل شئ سويته انك ماتدخلت والا كان كبرت فراس الحمار
وياعالم اش بيصير وفين بتوصل بينكم غيرانه بيحملها السبب في تدخلك ويمكن يطلقها بالمحل عشان يقهرك ويقهرها يووووووووه ياكثر القصص اللي مرت عليا فهالمواقف هالشئ سببه سكوت الوحده واحترامها المتناهي للرجال لو تاركته دايه للعيال في البيت وجاية مع قريباتها كان افضل لها المول مو للرجال وبالذات ذي الاصناف او قايلتله انلطع ولما اخلص اجي وماقالتله ربع ساعه كان افضل لو انا بمكانها ماارجع معاه اشوفلي اقرب ليموزين وعالبيت واطنشه ولاكاني شايفته |
اقتباس:
والله اتحداكي تسوينها ياالاماكن بالجزمه مره وحده والله اسفل رجال مايتحملها من حرمه تاكدي وقتها انك مابترجعين بيت اهلك ولابيتكم ويمكن يروح فيك قصاص اجل جزمه وقدام خلق الله وهو معصب (q69) هذا كلام السعه والبراح (vv) والصمت افضل شئ بهالمواقف والانسحاب بهدووووووووووووء (ask) |
أسمراني فوحت تسبدي اغدين صرت غلايه من القهر على الضعيفه
لي فتره مادخلت المنتدى بس كل مافتحت موضوع لقيته يضيق الخلق وهذا ختمها بس لو اني مكانها الله لايقدره بأصرخ بأعلى صوتي يتحرش فيني واخلي الناس المقهوره منه مثلك تاخذ راحتها وتكفخه وتدهن ثواه وأتبرى منه ذيك اللحظه لو اصير لحجيه ابيع فصفص في سوق الحمام ولا أتحمل هالذل الله لايبلانا الله يشفيه ويارب تاخذحقها منه عاجلا غير اجل |
يآمصيبتي يآمصيتي قسم لو مكآنهآ لآمسك عقآله أللي ع رآسه وآجلده فيه جلد أجل يلعني ويلحق أهلي بعد.(q84) يوووووهـ..يآويلي قلبي أنآ وش ذآ القلب عندهآ ؟!! (a28) وشلون تروح معه وتعيش بعد كذآ معآه في بيت وآحد وشلوون تتقبله وتنآم معآه وشلون بعد تآكل وتشرب ويآه وووووو إلخ..عورني قلبي.:( .. الله يلعنه زوآج إذآ بيهيني ويخليني ملطشه للي يسوى ومآيسوى. رجآل آخر زمن.. قطيعه..(q84) |
اقتباس:
قطيعه تقطعه بيت أهلي أكرم لي من عيشه ويآحمآر وش صمت ومآصمت ..إلآ لو مكآنهآ أتوقع بعد يشيلونه جنآزه (q84) |
يبدوا أن ماخفي أعظم فأعان الله هذه المرأة على بلواها
واللوم والعتب يقع بداية على من رضي بأن يكون هذا المسخ زوجا لها هذا مثال من أمثلة كثيرة وللأسف يندى لها الجبين |
| الساعة الآن 06:57 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir