|
خايف منك قد ما خايف عليك
خايف منك قد ما خايف عليك خايف منك قد ما خايف عليك خايف بحبي تتعثر خطاك أحبك نعم ومن قلبي أبيك بس يا خوفي من قلبن يتمناك تصورت السعادة تمثلت فيك وليالي الهنا ترسمها عيناك وقلت العمر وردة بأراضيك أبيع نفسي وأطلب رضاك تسمي المحبة يوم ألاقيك تامر وأنا ملك يمناك أنت غرامي والروح تفديك يهواك قلبي والعين تفداك واليوم أشوفك تتعذر بماضيك وغيم الحزن كدر سماك أنت الغالي بقلب غاليك وأثر الغلا سبب شقاك خوفي من خوفي يخليك تبعد وتشقى قلب مضناك تنوي الفراق وتقول ما أبيك من المحبة يكفيك من جاك وبعد الندم أرجع أواسيك يجبرني الهوى أغفر خطاك دامك حياتي وأشلون أخليك تعيش الألم الهم يرعاك تحياتي للجميع |
ياخي وش تبي انت
اشوفك معسكر بـ ( همس النواعم ) والله لو اني بمكان وحده من المشرفات كان حذفت كل مواضيعك اللي تحطها هنا بدون ما اقراها طيب هالكلام انت كاتبه ولا ناقله زي كل مره |
ولد بريده قالب الدعوه غزل !!
لا وفي رمضان الله يهديك بس ويصلح شأنك (q67) مهوب وين المشرفين !!لالا وين الاداره عن هذا وتصرفاااااااته اللامسؤله :eek: الله يهديك غصبن عليك وانا اخوك (q67) |
اسماء وش محرق رزك تقل قاعد بيتكم المنتدى للجميع وانا احب المنتدى هذا مادري اسما كلامك مزح او من جد شكرا لك اختي اسماء |
وش فيكم كذا
خـــــــــــــــلاص هذا اخر موضوع بالمنتدى |
السلام عليكم ورحمة الله وبركاته
اخي الكريم ولد بريده هذا الكلام الكبير الي آخذ بالك وعقلك اظن انه مو وقته بهذا الشهر الفضيل صح كلامي والا لا وعلى العموم قصيده جميله بس ياليت تكتب لنا مواضيع تخص الشهر الكريم وسلامتكم |
الاخ ولد بريده بعد التحيه ليس لدي شي اضيفه سوى ان اقول لك صح لسانك علما بان القصيده تفتقر الى الوزن أرجو مراجعتها ولك التحيه أخوك عزيز المويهان |
| الساعة الآن 09:35 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir