|
ومن شر حاسد اذا حسد
سم الله الرحمن الرحيم السلام عليكم واسعد الله اوقاتكم قال تعالى ( وإن يكاد الذين كفروا ليزلقونك بأبصارهم لما سمعوا الذكر ويقولون إنه لمجنون وما هو إلا ذكر للعالمين ) فى هذه الايه دليل ان العين اصابتها حق بأمر الله سبحانه وتعالى وتأثيرها يصيب الشخص المعيون وايضا وردت احاديث تبين ان العين ممكن ان يصل امرها الى القتل فقد قال صلى الله عليه وسلم علام يقتل احدكم اخاه اذا رأى احدكم من اخيه مايعجبه فليدع له بالبركه حنا متأكدين ان اصابة العين حق .. وردت فيها نصوص شرعيه .. فلا يوجد مجال للشكيك فيها لكن السؤال الذى دائما يراودنى وهو ماهى العين .. ماهى الماده التى تنطلق من العائن الى المعيون ! هل هى ماده سميه خفيه تصيب المعيون ؟ هل هى ارواح خفيه تكون بخدمة بعض الاشخاص دون غيرهم ؟ فقد اشتهر بعض الناس بأصابتهم بالعين .. بل وصل الامر انه يحدد المكان الذى يريد اصابته فهل هذا يعنى ان مثل هؤلاء الاشخاص لديهم ارواح خفيه خبيثه تمكنهم من بث سمومهم فعلا اسأله محيره ................. الامر الثانى اللذى دائما يكون فى مخيلتى هل خوف الناس المنتشر بشكل غير طبيعى بين اوساط المجتمعات من الاصابه بالعين له مايبرره ؟ خصوصا خوف النساء من العين اصبح ظاهره الحين اغلب النساء لما ينعزمون على مناسبه من المناسبات ويقدم فيها مالذ وطاب من المأكولات تجد الاغلبيه مايأكلون خوفا من العين فلما يقولون لها يافلانه ليش ماتاكلين تقول وي الطبيب مانعنى من الاكل ... معاى المعده لو آكل نتفه ما انام الليل من الألم تلاقيها كرشتها قدامها متر وجنوبها طايحه يمينها ويسارها وصايره كأنها برميل وتقول ما أقدر آكل ماتقدرين تاكلين عيل هالكرش من وين طلعت ؟ كل هالتمثيليه خوفا من العين ... ولما توصل بيتها تأكل الأولى والتالى :gm741: واحد ثانى سيارته انصدمت بالشارع ... لما يسألونه عسى ماشر على طول يقول والله سيارتى من شافها فلان واهو معطيها عين هل يعقل مايحدث بين الناس .. كل شى يحدث لهم يمكن يكون قضاء وقدر يجعلونه بسبب العين واحد فشل فى دراسته ... قال عين وحده تطلقت من زوجها ... قالت عين وش هالعين اللى متدخله بكل صغيره وكبيره من امور الحياه وحده من الحريم ماتقدر تمشى من السمنه .. اذا شفت زولها من بعيد ماتدرى هى مقبله ولا مدبره لما سألوها وش سبب هالسمنه تقول وي قبل جسمى كان وش حلاته عطونى عين خربوا غدتى قام ماينفع معاى الرجيم وش هاالغده اللى تخليك دبابه وامثله كثيره عند الناس ... والاغلب يرمون سبب فشلهم بالحياه على العين هل هذا يعقل ؟ انتم وش رايكم وشكرا لكم |
من حقنآ نخآف من العين
2 من أخوآتي مآتوآ عين. شوف الجبيلآن... http://www.youtube.com/watch?v=5XTmGZQlriI |
العين حق
ولكن من توكل على الله فهو حسبه بعض الناس مافيه زود لكنه موسوس حتى بنت الجنوب كذبت على نفسها وفتحت المقابر إتقاء العين (asj) والروح من امر ربي |
اقتباس:
الله يرحمهم ويغفرلهم بس يابنت الجنوب وش اللى يخليكم متأكدين انهم ماتوا بسبب العين ليش مايكون هذا يومهم اللى الله كاتب انهم يموتون فيه من غير سبب فقد قال عز وجل قُلْ لا أَمْلِكُ لِنَفْسِي ضَرًّا وَلا نَفْعًا إِلَّا مَا شَاءَ اللَّهُ لِكُلِّ أُمَّةٍ أَجَلٌ إِذَا جَاءَ أَجَلُهُمْ فَلا يَسْتَأْخِرُونَ سَاعَةً وَلا يَسْتَقْدِمُونَ وين نروح عن هالآيه الله سبحانه قال اذا جاء اجلهم لايستأخرون ساعه ولا يستقدمون يعنى الموت بأمر الله ... والعين يمكن تكون سبب الى الموت ولكن مو اى شى نقول بسبب العين |
اقتباس:
قآلت يآفلآنه سآمحيني بنتك مآتت بسببي مآذكرت الله عليهآ لأن أمي أرسلت أختي للحرمه ذي بغرض والحرمه أعجبت في البنت ..كآنت مليآنه وبيضآء وغير كِذآ لسآنهآ طليق وهي لسى عمرهآ تقريباً 5 أو 6 سنوآت .. وأختي الثآنيه دووم الحريم يقولون لأمي خلي بنتك تذكر الله ع نفسهآ ولآعآد تتزين كل من شآفهآ وشآف حريم عيآلهآ ..قآلوآ عمتكم أزين منكم شكل وأنآقه.. وبنتهآ حلمت فيهآ وفسرت الحلم عند شيخ ..قآل أمك توفت من عين . هآه الحين انآ مآعندي سآلفه وأوسوس يآعبآدي..؟(qq136) والأعمآر بيد الله بس للموت أسبآب |
اقتباس:
والنعم بآلله أنآ مؤمنه بآلشيء ذآ وعآرفه الأعمآر بيد الله تعآلى بس برضه للموت أسبآب. |
اقتباس:
هلا عبادى فعلا كلامك صحيح بعض الناس مافيه زود ومع هذا دائما خايف من العين فكثير منهم لاشكل ولا مال ولا منصب ومع هذا شغله الشاغل خوف من العين طيب اذا كانوا يعتقدون بقوة الله اللى تمنع عنهم الشر فليش الخوف الله سبحانه وتعالى جعل لنا ايات من قرأها حمته من العين ومع ذلك تجدهم يقرأونها ولكنهم لايعتقدون بأنها تحميهم من العين اما بنت الجنوب هى اعلم منا بما حدث لاخواتها |
وعليكم السلام يخويه انت مع كل بداية شهر تحط لنا موضوع عن العين وش سالفتك ليكون جايتك عين ومطلعه اعيونك (q33) اعترف ( ان كانك معيون رح لواحد في الشرقيه ينقاله خربوش) راقي من الطراز الاول يجيبون بعض الناس مسلسله نسئل الله العافيه ويطلعون من عنده وهم ما فيهم شيء بس يحبون :rofl951: |
اقتباس:
تعترف انها كانت سبب فى موت طفله بسبب عينها الشريره وهذا النوع اللى محيرنى بالجزء الاول من الموضوع وش يطلع منها العين اللى تقتل شخص هل هى سموم غير مرئيه هل هى ارواح خبيثه تكون مع مثل هذه المرأه تقتل وتفعل ماتفعله من غير ان يراها البشر فعلا شى محير انا مو متأكد ... بأن مثل هذه المرأه المفروض تقتل فى الاسلام للضررها الكبير على خلق الله عسى الله يكفيكم شرها يابنت الجنوب واحرصوا منها لاعاد تروحون لها ولا تسمحون لها تجيكم |
أهلين شقيان بصراحه الناس مره تبالغ في الخوف..
خصوصا عندنا هنا بالخليج.. مع إننا مافينا زود على باقي العالم..اللي جمال ومن نجاح لنجاح.. واللي خلانا كذا يصاب الأغلبيه بالعين.. هو ضعف الإيمان والخوف والوسوسه.. وحتى الغذاء لك عليه.. يعني ضعف الجسد وضعف الإراده.. واللي يخاف من شيء يصير له.. تفائلوا بالخير تجدوه.. والعين طاقه تستقر عند مكان معين.. إن لم يتم علاجها تنتشر وتقتل الجسد.. وعلى حسب قوتها الله يحفظنا.. والله أعلم.. |
| الساعة الآن 07:05 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir