|
بنشدك يالعمــــدة كانــك تعــرف شـيّ؟
السلام عليكم ورحمة الله وبركاتة.. ..<<عنده حساسية ضد المقدمات والمواضيع الطويلة>> أخواني المتبقين ..من أعضاء الترفيهي(h) ساءني وتستم على صدري ماأشوفه يوم رجعت للمنتدى..العالم منحاشة _ولايهونون البقية_ قلت لايكون واصلهم النووي حق بجاد..فتشت هنا وهناك قلت اغديهم يرجعون بعد حين..واتحرى كل يوم مير مامن أحد مدري وين الناس هافة وصراحة خمدت مواضيع الترفيهي ماهي مثل ذيك الأيام الخوالي..(q40) عالعموم قبل لاأقلب الموضوع ونين ونشيق وضيقة صدر..كتبت لي أبيات أترجى فيها من الأعضاء المغادرين هذه الساحة الهبوط إليها في أسرع وقت ممكن..ولا راح يصير فيه أنفجار جبلي يعذرونن الأعضاء في أختلال الوزن.. أقـــــــــول: ضاق الفضا وأدري بعد ضاقت الطيّ .وأطرقت اخايّل دمعتي ياحسايف من بعد ماصرنا حبايب لكل خيّ .نضحك..نفرفش بالسوالف ولايف تفرقوا واعلومهم أنمحـــتّ ليّ .الله يستر كان فيهم طوايف بنشدك (يالعمدة) إذا انك تعرف شيّ .حيثك دليلة هالقسم يالسنايف الربع راحوا..وين راحو؟ بلا غيّ . وأنا أخبّر انفوسهم بالخفايف قلت السبب في شهر طاعة ومحد ليّ . والوقت ضايع..معهم العذر كايف مير البلى عدّى ومامنهم أحد حيّ .العلم عطنا إياه ياأخو النوايف إن كانهم قفّوا ولاذوا بلا فيّ .فأنا نويت ألوّذ بين الطوايف الله أيامٍ مضت ارتوت ريّ .ضاعت هناها بين لحظة وصايف تكفون وياللي طابت انفوسكم طيّ .ياللي شردتوا من مساكن طرايف تعالوا عيدو ذكرياتٍ لها ضيّ .واسترجعوا أيام صرنا ولايف.. (qq19) |
يا هلا بالسقراطة ومسهلا وغلا بعد حيي ساعة بس اتمقل الابيات وارجع جعل كل غايبن يرجع بالسلامه |
اقتباس:
وانا بعد اقول تكفووووووووون عيدو ذكريات لها ضي صح لسانتس سقراطة ابيات يقال عنها نفثة مصدور جايتن بالصميم يا حبيلتس والله |
صح الله لسانك
علاقات انتر نتيه عابره ولو دامت سسسسسسسسسسسسسسسسسسسسنين راح تنتهي اسأليني انا واللي يغيب شهور ويرجع ياحليله بلاك من اللي يغيب ولا يرجع (h) |
صوووووووح لسانتس ولاهنتي http://vb.eqla3.com/images/smilies/10111.gif لاعبن بحسبتس نمر بن عدوان ع هالقصيد رزنامه(الصبابه) قعدتي تبتسـين لين قضبته وجبته من تبين بعد (qq167) << طسسسسسسسسي لاتهجيتس بقصيد شكله من قوم الفرزدقـ(qq152) |
هلااااا وتسعه وتسعين غلاااا :)
صح لسانتس يابنت عمو والله يرد لنا الغايبين عاد مالقيتي تنخين الا العمدة تراه يبي يعطيتس سطل فول عقب هالكصيدة (a14) |
يييييييييييييييييييييوه
انتي تذكرين ناس كانوا هنا راحوا قبل شهر وشلون انا الى جيت بعد سنة ولقيت الناس بح راحوا ابو شدق وابو هتون زعبور جنط السفينة وعلوش --- خلاص صار سفير بالرياضة وباع الترفيهي ---- سعودين اول ما يغتنون ينسون اصحابهم الفقارة نجي للبنات يووووووه سونونو وهايدي -- اختفت قريب---------شباصة قصيمية الله يذكرهم بالخير ---- يكفي الحين اوقف على اطلال الترفيهي اعطيه نظرة واروح والموجدين فيهم الخير وبالبركة --- وان شاء الله ما تفقدون غالي وعمدتكم ما راح يقصر ان شاء الله بيبلغ لكم الشرطة ويجمع شملكم |
اقتباس:
ما جبتيني يا النصابة ما جابتني الا اصيبعاتي وكيبوردي(a14) وكل عام وانتي بخير <<وجها لوجه عقب الثلاجة ما شفناتس(a14) |
8 من زين اصبعاتس عاد ممشدزات من شتاء العااام (a26) وانتي بخير يالشينه وش ثلاجتوه قصدتس الدبيه << بتشبه (a14) |
بنشدك (يالعمدة) إذا انك تعرف شيّ .حيثك دليلة هالقسم يالسنايف
صح لسانتس ياسقراطه قصيده روعه كروعه حضورتس يالسنعوسيه وردي ببيتن على استفهامتس شفت الهجير بغير قصيمي وهو في ..... فيه الاعضاء كل ابوهم ولايف من راح من كيفه فلا همنا شي ..... يبقى قصيمي دوم يابنت نايف |
| الساعة الآن 06:14 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir