|
الطرررريق للقصيم (( الصواعق .. والشنفرة ..وناصح امين .. وخنجر ))..... قصة من من دمجتي
أي واحد بالموضوع موجود اسمه لا يزعل واللي يزعل يطق راسه بجداار كبر جبهة المهرة
السلام عليكم ... انا وخنجر ووالشنفرة وناصح امين .. كنّا جالسين في الكازينو (( أو المقهى على كلام أهل نجد )) وكنت انا جالس أفكر في هموم الأمة الإسلامية وسارح وباقي الجحللط (( خنجر معه شيشه )) (( والشنفرة معسل )) (( ناصح أمين دخان )) (( وشبيه الريح ايسكريم )) .. وانا معي موكا << ازين شي معه ماعليناااا .. والساعه كانت خمسة العصر وانواااااااااااااااااع الزهق والطفش بادي عليناااا .. الأخوان جالسين يتفرجون على جنباز حريمي على الجزيرة الرياضية وانا على خبركم عاقل مانيييب راعي هالسوالف ماعليناااا شوي ويدق الجوال .. ترررن تررررن واشوف من المتصل : الدب الداشر يتصل بك وأرد : هلا أبوخالد الرصاصي : هلا والله بالبعير الشارد ... أوه أقصد الغزال الشارد أنا : ايه أشواا ... المهم أنت وش أخبارك ؟ الرصاصي : والله بخير وأنوااااع الفلّة والوناسة .. الحين مطر .. والجو باريسي وكلنا كاشتين(( طالعين )) رايحين قطن (( قطن جبل مهب اللي بسروال المتحد )) أنا : من معك طيب؟ الرصاصي : مستعرب ووحي القلم .. والمتحد ... وقلم بلا حدود ... والشلة كلها موجودة ... وراااه ماتجووووون ؟؟ (( لاحظوا ترى اهل بريدة يمطون بالكلام .. علشان يقول جملة اصبر خمس دقيقة حتى يخلص من المط .. الله يمطهم بالعافية )) أنا : . تبي الصدق انا والله طفشاااان .. وودي أروح لمسقط رأسي القصيم .. وأشم من هواها السمومي .. لكن مدري عن ذولا يبون يجون ولا لا .. الرصاصي : قلهم خلنا نهبل فيهم شوي ..وأبرّد حرتي فيهم .. مثل ماستفردوا فيني على البحر. انا : ماعلييييه ماطلبت شي يابوخالد .. الحين بكلمهم وأحاول أقنعهم .. الرصاصي : قوووووووووود باااااااااي << المط مايخليه أبوخالد .................. ياشباب عاجبكم الوضع اللي حنّا جالسين فيه الحين ؟ خنجر والشنفرة ... مهب معي جالسين على الشوتايم وخاشين جو .. أخذت الريموت ..وصطيت التلفزيون .. وألقى طفاية الدخان .. طايرة على وجهي مثل الصحن الدوار ... وأوخر تصقع اليماني اللي قفاه ويطيح .. وناصح أمين يصرخ ... أيشبك ياواااااد ؟ قلت : هد اعصابك .. واسمع وش أنا بقول .. ثمن كملوا تلفزيونكم الجميع بنظره قهر .. مثل نظرتهم لشارون : ايشششش تبفى ؟ أنا : ياشباب .. أيش رايكم نروح القصيم ؟ خنجر : ياهووووووووه فكنا من مستغرب القومصنجي الشنفرة : يجيييي ناصح : ايوه أنا أبقى كمان ألعب مع السلاحف حقتهم شبيه : ايوا .. أنا أبغى أروح هناك .. ابغى اشوف هم زينّا ولا لا أنا : خنجر خلاص مايمديك .. حنا دمقراطية .. ولازم نطبقها خنجر : ياشباب .. ترى راح يجننونا هناك .. انا : يارجال تعوذ من ابليس .. انت خنجر .. فتى جيزان .. كيف يسسون فيك كذى ؟ خنجر : ايوا صح محد يقدر يغلبني (( تسنه فتح وصدق روحه شوي )) طيب .. خلاص ... نتواعد الليلة الساعة 10 بالليل .. علشان نسافر قالوا السيارة على مين ؟... قلت علي مهب مشكلة لكن كل واحد منكم يجيب القطة .. 50 ريال قالوا وانت . .. قلت ..يكفي السيارة والسواقة علي وكل واحد راح البيت يجهز نفسه رحت تروشت .. ولبست قميص النوم (( أنا ماحب أكون رسمي بالسفر .. أحب أريح على نفسي )) ويوم جت الساعه 10 تربتيييييييت تربتيييييييت .. واطلع القى الشباب كلهم جاهزين لكن انا استغربت ... خنجر ...لابس وزره .. وفنيلة علاقي .. وحزمة بقدونس على راسه الشنفرة .. شوورت الين نص فخذه (( ايام ماجد عبداله )) وفنيلة اتحاااد .. على الصدر مكتوب نوووور في قلوبنا وجايب معه العنز السورية ؟.. قلت له ليه ؟.. قال ما استغني عنهاا .. قلت له بكيفك بتجلس معها بالصندوق ... لكن ترى شف لو ذبحوها القصمان وخلوها غدا .. لا تزعل ... الا وخاف وقال ابرجعهااا شبيه الريح ... لابس فنيلة كت .. وبطلون برموودا وناصح أمين .. أشوا مكشخ ولابس ثوب مع شماغ قلت لهم ياشباب كذى مايصير .. أنتم رايحين أفغان السعودية .. يعني لازم يكون لبسكم اسلامي سعودي قالوا : من جد ؟ قلت : ايه .. أجل من لعب يالله بودي كل واحد منكم لبيته ويجيب ثوب وقميص نوم .. علشان النوم وودينا كل واحد بيته وجاب لبسه .. وقطته ومسكنا الخط للقصيم .... وفي الطريق سالفتناا سالفة يتبع ......... |
نكمل ...............
المهم .. وصلنا محطة الرحيلي .. طلبت من كل واحد القطة .. كلهم دفعوا الا شبيه الريح ... شبيه وين الفلوس ؟ ... قال والله نسيتهاا .. قلت طيب طيب ويوم عدينا خمسين كيلو من جده يعني بعد الرحيلي بعشرة كيلوا .. نتعت السيارة ... وقلت شبيه تكفى رح شف السيارة لايكون ضرب الكفر ؟ نزل .. ويوم صار ورى السيارة .. اوووووووووح << صوت الكفر .. خخخخ ونروح ونخليه .. وقعد أقول .. قلعتك ياللي تحرر ردودي وتحذف مواضيعي .. خلي الوحوش تاكلك المهم ونمشي والكل ساكت .. خايفين مني على الحركة اللي سويتها في شبيه الريح المهم وشوي اقول شباب أحد منكم جاب شي نسمعه خنجر طلع الشريط من جيبه .. وحطه بالمسجل ... الا ونسمع : ياوااااااااد ياحلييييوة .. على فيين ياهوووووه على فييين ... عامل عليييينا ثقيل ... ولا أحد ملا لك عين .. اعوووووذ بالله .... وأقلب الوجه : سلاااامي ياصاحب الكسرات .. ياعيوني .... الله اللله اخذت الشريط ورميته على وجهه .. وقلت ياخي أكبر عن أمور المراهقة وأروح للشنفرة وش معك انت ؟ طلع الشريط وحطيته بالمسجل : ون ون ون والإتي نمبر ون ..... واقلب الوجه : ياكلك هبه هبه .. ياكلك اكل البرشومي واطلع الشريط .. وافتح الدريشة وارميه ... وقلت لناصح أمين .. وانت عندك شي زييين ؟ قال ايه : واشغل الشريط .. واحصل اغنية راااايقة عطشان ياصبايا .. دلوني على السبيل .. دلوني على السبيل مروا عليّأ اثنين يابابا وقطعوا صلاتي .... واحد كحيل العين يابابا والثاني حياتي ... (( أنا بصراحة دخت على ذي )) وطلع الرجال ناصح أمييين .. راعي ذوووووووق ينبعاوي وشوي الا ونلقى خنجر . .يوزع لنا سندوتشات طعمية وحمص ... والكل ماشاءالله بلع ... وبعد نص ساعه لقيت الكل نايم والتفط .. يمين وورى .. وألقى الكل نايم وعلى يميني خنجر رافع رجلينه على الطبلون ... تقل حامل تبي تولد .. المهم .. المشكلة وشوي تبدأ الصواريخ تطلع وهم نايمين .. وانا كل شوي أفتح الدريشة واقول (( حسبي الله على اللي جاب الطعمية )) وانا بديت أمسك خط ... ويدق علي الرصاصي انا :.. .. هلا أبوخالد ... الرصاصي : هلا أبوعابد .. هاه وين وصلتوا .. انا : أبد كلها ميتين كيلوا وانا بالمدينة الرصاصي : لا أوصيك .. عليهم .. ولا تسرع أنا : طيب انتم وينكم ؟... الرصاصي : رايحين نجربع .. والله ولدي خالد صار جربع .. الخالق الناطق .. مثل وجه مستغرب والمتحد نزلناه يجربع .. وماندري وينه اختفى .. .يمكنه طاح بتزليب (( يعني قليب .. يعني بير ... يعني بئر )) على الطريق أنا : أفاااا بالله دوروه ترى هالأدمي صح أنه دبشه .. لكن والله إني حبيته ... المهم يالله سكر .البطارية قضت .. الرصاصي : وفرت الفاتورة . أنا : طووط طووط (( صوت القطار )) المهم .. وأكمل الطريق الحالي ... شوي الا والقى رجلين خنجر على الدركسون ورجله الثاني بوجهي ... واحرررك الدركسون يميييين .. وماشوف الا الشبك قدااامي ... والف يساااااااار .. القى وجه خنجر قدامي المهم .. وادوس فراميل ... والقى الشنفرة .. صاقع براسه على مسجل السيارة ... و أوقف السيارة .. وأقول وش السالفة خنجر؟ .. يقول ما أدري .. بس إني حلمت أسوي لمستغرب (( مقص )) .. طيب .. نشوف بكرة من يسوي مقص للثاني ونركب السيارة ونوصل المدينة ونعدي ... ونروح بالطريق الزراعي .. مارحنا بالطريق السريع .. لأن الأخوان .. كل شوي يبون يوقفون عند محطه .. الظاهر ناصح امين جاه مغص .. ويبي دورة المياة(( أكرمكم الله )) كل شوي المهم ونمشي ... وانا بصراحة غلبني النوم ...وغمضت عيوني وأنا اسوق ... وشوي السيارة تزحف ..ولقيت عمود (( يشبه كابتن طيار )) .. بغيت أصدمه .. لكن خنجر الله يجزاه خير جلس يحرك كفتي ويقول قوم قوم .. وأفتح عيوني .. والف يمين .. وانجوا من العامود بأعجوبة ... وقالوا لي : ايشبك يابوياااا تبغى تودينا في داهية؟.. قلت لا أبد .. بس جلست اسوي يوغااا ... المهم ونمشي قدام شوي .. ونشوف مدينه عقلة الصقور (( ركزوا على الاسم راح يتكرر بطريقة غبية مرة ثانية)) المهم وننام .. كانت الساعه 2 ونص ... ونحط روسنا ووننام ... وماقمنا الا على اذان الفجر ... المهم ... وقمنا وصلينا الفجر .. وكملنا دربنااا .. الييين وصلنا (( قطن )) وراح يكون لها سالفة ثانية لكن ترى تعبت وانا أطزطز بالكيبورد الزبدة من الموضوع .. باللي صار من الحجززز في الكشته لكن ترى تعبت والتكملة بكرة يتبع.......... |
ودي اعلق بس فيني نوووووووووووووومن دابغني(q82)
|
اقتباس:
اقول اتفلي على الموضوع ولصقيه فوق .. ثمن طسي باللي مايحفظك ونامي |
لله درك يالصواعق قصه مومتااااااااااااااااااازه يعطيك العافيه |
اقتباس:
وجــــــــــــــــــــع بلا وجـــــــــــــــــــــع تدعي علي وأنا مثبتن لكـ ماضووووع من كم يوووووووم (qq50) هين يا الأشهب يا الجحود (qq11) اوريكـ (qq168) |
بس بس يالصوامع
مسلسل مكسيكي اصبر شوي خل ترتاح عيوننا بعدين كمل وخل اللي يتبع عقب يومين لكن عليك الشره اللي تجي للقصيم مع الاشكال ذي انا من شفت مزاحهم بالاغاني وانا مغسل ايدي |
اقتباس:
|
(( اقتباس )) .. الأخوان جالسين يتفرجون على جنباز حريمي على الجزيرة الرياضية وانا على خبركم عاقل مانيييب راعي هالسوالف طيب يوم انك عاقل وش يدريك وش هم يناظرون اها بس ~~~~~~ موضوعك مليااان بس بالله ماجاك دوااار وانت تكتب كل ذا يالظالم |
اقتباس:
انتي مثل النحل سعابيلكم بكل مكان يالله ثبتي الموضوع وبلا خرط فاضي وانا من لي بهالترفيهي غيرك؟.. يا أمي الحنون ؟ |
| الساعة الآن 03:16 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir