|
صــالـون حـظـر الـتـجـول ... شـخـبـط شـخـابـيـط .
فضفضوا هنا وهيضوا أشجانكم , محجورين محجورين ...عطونا يومياتكم . الموضوع مفتوح . (qq115)
محدثكم قبل شوي قاعد بالحديقه مع أم ريم أشيل قموع الكوسه وأرتبهن بالحافظات . والآن أسمع صوت المنادي ينادي أن يا أسد ساعدني بحمل الخضار للبراده . (q78) برجع لكم . (q41) |
رد: صــالـون حـظـر الـتـجـول ... شـخـبـط شـخـابـيـط .
تماسك يا اسد
هي صحيح أيام صعبة ولكن انصحك بعدم الاجتهاد كثيرا في المساعده لا تنسى أن هذه الأيام غمه وستنجلي انتبه هذا انا اعلمك خلك على الأقل متمسك بجملة ( قومي جيبي لي كأس ماء) ترا هالجملة ذات أبعاد جوهريه تثبت انك ما زلت متماسك |
رد: صــالـون حـظـر الـتـجـول ... شـخـبـط شـخـابـيـط .
اقتباس:
تصدق أغسل الحوش مرتين . (qq166) |
رد: صــالـون حـظـر الـتـجـول ... شـخـبـط شـخـابـيـط .
التفرغ للقراءه مهم جدا بالنسبه لك
افضل لك الف مره من البصل الأخضر والكوسه وحصد الحشائش من الأرض ومع القراه يستحسن ان تحرك خلايا مخك بالتفكير العميق كي تتصل الوصلات الدماغيه ويشتغل كبس عقلك من ألف شمعه بعدها وش يلحقك في فكرك يا عبقري |
رد: صــالـون حـظـر الـتـجـول ... شـخـبـط شـخـابـيـط .
من بداية الحظر والمدام عند اهلها وانا عند شيباني ..
هذا وقتنا ولابد من اشغال والديك بما يسعدهم ... بعد ما اصلي الفجر اشب الضو واحط المعاميل عليها واحط بر البطين في الغضاره واعجنه واحطه في المله شوي الا وشيباني جالسين على جال الضو والجمري عليه السمن والعسل وحليب الصميل معلق وقدهوةبارد يهبه الهوا من امس .. وبعد ما افطر معهم اطلع للحلال واشوف ويش ناقصه واتفكر في خلق الله كيف بدأ الانسان بسيط وبأدوات بسيطه وعاد بسبط كما كان ما اضعفك ايها البشري المتكبر .... ارجع من الحلال واحصل الوالده طابخة لحمة حاشي تقطع عماريد القلب من زينها ... ))طبعا انا محرم على الاخوان والاخوات الحضور السلام بالجوال واي وسيلة اتصال عن بعد محد يجي وقايل لهم من جا بيوقع المشوك بين رجليه )) هذا مرض مميت مافيه لعب ... بكمل الحلقه الثانيه ... بعد شوي |
رد: صــالـون حـظـر الـتـجـول ... شـخـبـط شـخـابـيـط .
اقتباس:
لكن باقي اليوم مخلوط مابين المزرعه صباحا وبين شغل البيت مافوق الساعة السابعه مساءا : تنظيف وتشطيف وتقميع كوسه وغسيل الخضروات الخ . :( إلا يابوعمر أنت تواصل بالليل إلى الصبح ؟ |
رد: صــالـون حـظـر الـتـجـول ... شـخـبـط شـخـابـيـط .
اقتباس:
عطنا الإحداثيه نبي نسير عليك بعد صلاة الفجر وأستمتع بهالفعاليات الجميله . (q39) بإنتظار الحلقه الثانيه . |
رد: صــالـون حـظـر الـتـجـول ... شـخـبـط شـخـابـيـط .
^^^
شكلك تشتغل بشركة الماء (gfp) ولأنك قلت فضفضوا فأنا سأقول لو الناس تسد فمها وتنجز أشغالها بهالحجر كان خلص مادروا عنه (qq15) بكمل فضفضة ~> وحدة عندي بالسناب " من قرايبي " تحسب كم باقي على الحجر ويخلص بالثواني ودي أبلكها كم يوم بس مالي خلق حساسية وغرابيل (q41) عاد ما قصرت قلت لها يافلانة انشغلي بشيء ، تعلمي شيء جديد كنا نشتكي ماعندنا وقت والحين بين يدينا كل الوقت :khmas258: مع العلم هي لاشغل ولا مشغلة من قبل كورونا :( <~ خاطري تشغل نفسها بشيء أنا ولأني أشغلت نفسي بهالحجر يارب لك الحمد ما حسيت إني مربطة صحيح قبل الحجر كنت أطلع أروح وأجي غير الدوام ، لكن الحمد لله ماحطيت بالي للحجر كثير واشتغلت على نفسي مراجعتي ماشية عبر الهاتف ولله الحمد .. رتبت أغراضي وعزلت منها اللي ما أحتاج ، قرأت كتب كنت راكنتها ، دخلت دورات تعلمت أشياء جديدة ، سويت أعمال فنية ولسا باقي أهداف للأيام الباقي :whwhwh: أشياء كنت مأجلتها واستغليت الفرصة بترتيب نفسي .. ماراح أقول إني واو وماشاء الله علي ووقتي مايضيع أبد ، لا تجي أيام مالي خلق أسوي شيء وأقعد .. حطيت هدف ماتعدي هالأزمة بإذن الله إلا وأنا منجزة ومغيرة شيء بنفسي .. |
رد: صــالـون حـظـر الـتـجـول ... شـخـبـط شـخـابـيـط .
اقتباس:
ماشاء الله عليك قدرتي تستغلين وقتك بشكل صحيح . الثقافه تلعب دور في كيفية إستغلال الوقت الفاضي بشكل مفيد وصحيح . فيه نوعيه بلشانين بأعمارهم وهالنوعيه مع الأسف كسالى وجامدين ومايحبون التغيير وتجديد حياتهم من جميع النواحي . |
رد: صــالـون حـظـر الـتـجـول ... شـخـبـط شـخـابـيـط .
أعاننا الله واياكم اخ اسد
اهم شيء ماتكون دخلت على الغسيل انا الحين اشوي غزال |
| الساعة الآن 04:22 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir