توبه ان طبيتها مره ثانيه
بسم الله الرحمن الرحيم
والصلاة والسلام على اشرف الأنبياء والمرسلين سيدنا محمد وعلى آله وصحبه اجمعين قبل عشر سنوات كانت زيارتي الأولى للجنادريه :sh652: اليوم رحت احسبها على خبري حشى احسب دخلت مهرجان غنائي موتراثي ياحسافه الجنادريه اول غير (q78) الحين سكنتها الجن موسيقا ومسابقات في كل زاويه والموسيقا الصاخبه تملئ المكان (xx) لا وبعد زود غربيه لاحول ولا قوة الا بالله رحت اوسع صدر الوالده الله يحفظها وانبسط مع عيالي وياها وشفنا اللي يضيق الصدر دخلنا قريتين وماكملنا الوالده ربي يخليها كن ودها تكمل لاكن ضاق صدري من اللي شفت وجتني ام العبيد وقلت نطلع (asj) كلمت واحد ملتحي يبيع العسل قلت وين الهيئه عنهم قال انا من الهيئه قلت وليه جالس هنا ليه ماتنكر قال عجزنا ومحد سمع لنا قلت وشلك بالعسل والعود تبيعه انكر عليهم ولا اطلع لايعمكم العذاب جميع الله يرحم تراث اجدادنا حال بينا وبينه التطور الجائر والمدنيه المنحطه تووووبه ان طبيتك يالجنادريه قلبي حزين حييل على اللي فيك اليوم دخلت موضوع الجده وكلي حماس اني ابروح والحين كني مدفوعه من فوق جبل بعد اللي شافته عيوني ياويل من يشوف ولا ينكر هذا شيئ عام ماهوب ذنب واحد بينه وبين ربه اخشى ان يعمنا العذاب ان سكتنا وما انكرنا ومنعنا هذا الزحف الخطير آرائكم لاهنتوا ياهل الحوار |
لي اربع سنوات مرحلته أشوفه بتلف زون
وآخر مره رحن ضاعت بنت أختي الله ليوريك. بغنا ننهبل احسه مهي زي اولا. صادق. يعطيك العافيه. علي الموضوع. |
اقتباس:
هلا وغلا ام وسميه ضياع وبس الا بلا وجلا ومغازل وقلة والي |
لاحول ولاقوة إلا بالله
مهما نصحنا في الشعب إلا يركبون روؤسهم ويسون اللي في باللهم على باللهم الاغاني هي الوناسه الله يعطينا خير ذا الدنيا ويكفينا شرها تقبلي مروري |
اقتباس:
هلابك يالطيبه شفتي ونا اختك وبعد شيئ يغمت القلب الى صار الشيئ عام ونخاف ربي يعمنا بالعذاب الله يرحمنا برحمته |
هلا همكم همي ... تصدقين ودي ازورها واشوفها .... ماعمري رحت لها .. ياليت المرة الجاية يحطونها في الشرقية ،،، نوسع صدورنا فيها .....٢٧ سنة في الرياض .. يكفي
|
للأسف سمعت انهم مشغلين الشاشات واغاني ورقص زي اللي صار العام قبل البارح الكلام هذا والظاهر ان المقاطع في الطريق للأنتشار كالعاده (asj) المؤلم ان يتحول مهرجان ثقافي تراثي الي محفل مزعج ومرفوض والمؤلم اكثر ان الهيئه يقولون يدينا مكتفه ! او ماحنا اخذين حريتنا اللي نقدر من خلالها نمنع المنكر ياخسارة المبالغ اللي تصرف عليه ،،، ومدري وش الفايده منه هالجنادريه هذا تحياتي لك |
اقتباس:
هلابك يالغلا وشتبون فيها ونا اختك:() عساكم ماتشوفونها ولا بحلم الليل زوري بيت جدك كان موجود احسن لك انا كنت ابنهبل عشان اروح بس بعد اللي شفت تووووبه (asj) |
اقتباس:
الفايده من ذا الجنادريه قطع اللامطار عن الرياض لين ماوصلت الى يوم واحد بالسنه تمطر(asj) وايضا فائده اخرى افسد وفسد اللي حولك واجعل الفساد منتشر اكثر من ماهو منتشر(q33) |
اقتباس:
حياك ياعملاق الحوار ثقافتك طازجه ياستيف فعلآ سألت وحده من متى هالصخب اللي صاير قالت من العام انا كنت اتابع المجد كل سنه مايجيبون الا دلال وخوص والعاب بريئه وبعارين وش حلاتها بس ماتوقعت هالبلاوي وع ماعاد نبيها |
الساعة الآن 04:13 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir