بنات وش رايكنم باللون الاحمر
 

بنات حبيباتي

اسالكم انا عندي ملكه الاسبوع الجايه ينفع البس فستان احمر بس اخاف خطيبي يفهني غلط وانصحني وش الالوان
اللي ينفع البسهم لاتقولن لون الابيض ولا البيز ولا الحليبي لان الالوان من درجات الابيض بنات تاخرت بقستان الملكه اسبوغين وانا ابحث بالاسواق بناات وش لسوي مالقيت بالاسواق حلو وابي اسوي الملكه ببيتنا وديكور صالتنا لونهم بنفسجي
بنات ابي ارئكنم

أنا مو من فئة البنات أنا شنب :) لكن أبرد عليك
حسب رآيي ، إن كانت بشرتك فاتحة فاللون الأحمر
يفي بالغرض ويبرز جمالك ويجعلك كأوراق الزهور المتفتحة
أنصحك به .

إن كانت بشرتك مائلة للسمرة لا أنصحك باللون الأحمر


ووقت الملكة لن يفهم أحد الآخر غلط لاتخافين
فالآبتسامات تعلوا كل الوجوه والفرح يملئ كل
القلوب .


ومبروك مقدما ً . .

أخوك

الاحمر والنيلي الوان رووعه وخاصه مثل ماقال اخوي غريب كان بشرتك بيضاء لكن اتوقع مع اللون البنفسجي ديكور صالتكم ماراح

يطلع حلووشكلك انصحك باللون الوردي الفاتح الحلو اوالموف الوان فاتحه ومو من مشتقات الابيض وخلي الالوان الغامقه للعزايم

بعد الزواج ان شاء الله ومبروووك الملكه ياعروسه وبالتووفيق ياارب *

الله يبارك وعقبالكم يارب
ولشكر من شاركني في الموضوع واعطاني رايه
اما بالنسبه لاختي عن الديكور ربما اغير اللون واجيب مصممه وتحط لنا لون ثاني
شكرا لكم اخواني
وجزاكم الله خيرا

والله زي ماقالو كانك بيضا البسي احمر.. غيره لا..
اما التفكير ووش قصده بلاخرفات.. اثقلي .. بعدين خليه يقول اي دليل المحبه..
الله يوفقك لاتدقيققين..اختي لبست خربزي يجنن .. بس اشترط البياض..
بعدين لاتكلفين بديكور وهي ملكه..
خلي المصممه للعرس..

هلا باختي الحبيبه نجمه
الخربزي كيف لونه تقصدين
والتصميم راح اخلي خفيف نو مكلف فقط الديكور والتصوير
شكرا حبيبتي ع رايك

الله الله يا أيام الملكه طبعا مستحيل يفهمك غلط لأنه وقت فرحه


بس شوفي ياقلبي الاحمر مررررره قديم
من رايي تاخذين اللون النحاسي الساده يناسب مع اللون البنفسجي انا بملكتي فستاني نحاسي والقاعه موف وكانت الالوان راكبه بقوه ع بعض
بس انتي بالبيت راح تكون ملمومه وانصحك من قلبي بالميك اب الخفيف من واقع تجربه ايلاينر فرنسي وروج احمر وخذي المسكه احمر بالنسبه للتسريحه ع حسب شكل وجهك والف مبروووووك مقدما و اذا احتجتي اي شيء افكار او اي شيء انا بالخدمه


موفقه ياقلبي

هلا حبيبتي انوثه
شكرا ع مداخلتك مااحب لون النحاسي
فيه الوان كثير بس انا كل ابحث فساتين فخمه بس مالقيت الوان اللي انا ابيهم
مثل الازرق والاخضر والزهري مافيه الا الوان ابيض ولا اسود ولا احمر اللي قهرني الوان مومتوفر ببريده وانا توي جديده ببريده ومااعرف شي عن الاسواق ابي وحده تقولي وين يباع فساتين الزواج والملكه
الله يجزاها خير اللي تقولي وين القاهم

حتى اللون الاحمر به فهم غلط (qq11)


والله البس الي ابي محد له شغل

والي يفهم غلط مشكلة تفكيره (vv)



البسي الي تبين لايهمك أحد حبيبتي (q47)




الف مبروك. الله يوفقك. (a13)

روحي لم النخيل بلازا او عنيزه مول اكيد راح تلاقين شغلات حلوه انتي كم مقاسك ؟؟!