منتديات قصيمي نت - أبوعلى الحقاني ولطعتنا لبنت الفـــ

السلام عليكم ورحمه الله وبركاته
وعلى قول ابن عمر رضوان الله عليه يزيد على السلام
بــ وطيب صلاواته

ثاني موضوع لي بالسوالف واتمنى أكون خفيفة عليكم وهالمره ابتعدت عن الدروس في موضوعي الأول
اللي هو ^_^

(العلم المتجدد في معرفة الإقتباس المتعدد)

>>><<<
(من حفر حفره لأخيه وقع فيها)
بحكي لكم عن سالفتي مع نقلي أيام الجوع قبل لا يجي الأفنس شكرا>>> كذا اسمه

الزمان قبل خمس سنوات
المكان بوسط الجمس المخرف(vv)

كان يامكان في قديم الزمان كنا انا شلتي معصبين على وحده من خوياتنا كانت مصدر قلق علينا وحنا محنب مستسغينه يعني بالعربي ودنا نشوته من النقل
اذا طلعنا من المدرسة وركبنا الجمس نقعد نص ساعة لحد ما يحكم كيفه وتلبس عباته همن شرابه همن تفطن ان فيه بنات بالنقل ودهم يغولونه غول
المراد
حنا اتفقنا عليه اتفاق قوي اننا اذا ركبنا النقل نقول خلاص اكتملنا ويودينا لبيوتنا
وكانت المدرسة مشوااار للبيت مسافه 25 كيلوا غير الإشارات
يمكن تقولون وش حادكم تروحن مدرسة بعيدة السبب اننا كل سنه نغير مدرستنا ونروح لأهلية توه فاتحه يصيرون طافين وينجحون الخلق لأننا موب فاضين ندرس حتى الملخصات

نرجع لطريق الرئيسي من الموضوع >>> شطحنا مع الفرعي

اقولكم يوم اننا ركبنا الجمس قلنا لراعي النقل ترانا اكتملنا وهو اللي يشغل الجمس>>> مطفيه من كثر ما يحتري الطبلة
وشغن شغن شغن شغن طرطع طرطع طرطع طرطع شغووووون>>> ولع الجمس

ويودينا ويوم وصلنا لحينا وقبل ماينزل اول وحده

قالت وحده من البنات
_ يابو علي
_ وجع وشتبين>> مركبنا بلاش هالدربي؟!!
_ نسينا بنت الفــ (مشفر)
_وجع يوجعكن شلون نسيتنه هماكن تقولن اكتملنا

عاد ردينا جميع نسينا عاد وش نسوي

_ وش تسون انا اللي اوريكن يابنات.............
معه التلعين الله يهدية

وهو اللي يعصب ومانسمع غير ايده
يضربها بالدركسون ومسرررررررررررع ويحضرم يقول شكلكن مستقصدات هالمسكينة
وانا اللي آخذ حقه منكم يالسلق(asj)
ونقعد نسترجي تكفى تكفى ولا يعطينا بال
ويروح ويرجعنا معه للمدرسة اولا البنت
تمقرص من الخوف
خخخخخخخخخخخخ
وناقف له ونشيله وتقعد ترغي خايفه وتلعن ابو اللي جابنا(asj)
وتقول وش انا مسويه لكن يوم انكن تخلنن بالمدرسة
تفي عليكن وعلى امن جابتكن>>>> كذا تقول

وحنا نقعد نقوله ايه قلعتس هذا اللي يلطعنا بالحرورة تستاهلين ماجاتس
ومن بكرى تغير نقله وماخلت شهباء الا قالت له القصة
كخخخخخخخخخخخخخخخخخخ

ما موتني من الضحك الا ابو علي يوم يرجعنا معه نجيبه(a14)
بعذرة ولا الأمور ماتجي بالقوة
ههههههههههههههههههههه
ايام يالثانوية

ملاحظة
لي طلب من الناس الزرقاء
يغيرون لقبي لـ أخت الرجال الشقردية
واعذرونا على الإزعاج