يقول الغــــرب : مغرّبينكم مغرّبينكم يالعرب .... الله لا يعوق بشرّ !!!!!
في الفترة الأخيره بدأت حركة تغريبيه قذره في محلات الأطفال ، قالت لي عنها وحده من الزميلات وأنا بصراحة فااار دمي وانقهرت ...
المشكلة إن بعض الأمهات الله يهديهم ما يفكرون ولا يتأملون في عواقب الأمور وأي شيء يشوفونه يشترونه سواءاً كان فيه مخالفه لدينهم أو مافيه مايهمهم كله واحد !!! شارينه شارينه ... بعطيكم السالفة بدون مقدمات ... تقول لي زميلتي : كنت رايحة للسوق أشتري لأولادي لبس العيد عشان ما اضطر أروح في رمضان ما أحب أروح في رمضان زحمه ووجع راس ... تقول ... دخلت في محل بدل ولاديه ... وقعد الفلبيني يلعب عيالي ( كلهم أولاد ) ويضحك معهم وقعد يوزع عليهم هدايا مجانيه قلت : وش عطاهم ما شالله <<< مهيب ملقوفه أبد (ask) قالت : وزع عليهم سلاسل تنلبس على الرقبه تقول .... انبسطوا ولبسوا سلاسلهم ومغير يرززونها في وجيه الناس فرحانين فيها !!! قلت : والله منتب صاحيه ليش تخلينهم يلبسونها كان جدعتيها عليه والا خذتيها لبنات أختك ؟؟؟ قالت : لا وش أسوي أخاف أمنعهم الحين وتقعد في نفوسهم وبعدين بسوون شي أعظم ( الله أكبر يالتربويه ) قلت : تكفييييييين قال أيش قال تقعد في نفوسهم نعنبو بليسك بزران ما يدرون وين ربهم حاطهم فيه !!! قالت : يووووه ياملح وقبله عاد لا تغثينا وشي كلها سلاسل صغار وحده فيها صورة تمساح وحده سلحفاة وحده فيل ... قلت : جعلها إن شالله فيها صورة قمله !! هي مسألة مبدأ وتشبه بالغرب حسبي الله عليهم شلون ترضين عيالك يكونون بهالشكل التغريبي المقزز !!! مير كان عطيتينياها لبناتي (vv) قالت : لاااا ولا يفووووتك الأدهى والأمرّ كل بدله ولادية اشتريتها جاي معها كيس صغنون فيها السلسال اللي ينلبس مع البدله !!! ياحبيبي .......... حسبي الله على أصحاب هالمحلات واللي سمح لهم يدخلون مثل هالحركات !! وين الرقابه عنهم ؟؟ والله من جد شي يضيق الصدر !!! فأنا ضاق صدري وحبيت تشاركوني ضيقة الصدر عشان يكون فيه مشاركة وجدانية بين جميع الأعضاء (vv) أخيراً أقول لكم ... كل عام وانتم بخير مقدماً والشهر عليكم مبارك <<< هذي عاد مشاركة وجدانيه بالفرح (qq115) يله كلكم استانسوا (qq172) |
التاجر همه الكسب سواء حرام او حلال
ولا يهمه لا اخلاق ولا دين والتجار هم الي دخلو الجنز الخالع وهم الي دخلو الملابس الفاضحه اكبر همهم تجميع الفلوووس جعلها نار في بطونهم |
اقتباس:
بس القهر حتى في لبس البزران والأولاد بعد يدسون سمومهم !!! فيه بنت صغنونه نعرفها تصيييييييح عند أمها تقول أبغا ألبس بلوزه قصيرة تطلع بطني تبغى مثل اللي في أم بي سي 3 هاه وش رايكم ؟؟؟ |
اقتباس:
|
اقتباس:
خبل جداً موجووووووووووود يا هلا ويا مرحبا (q69) شفت إني منيب أحقد هذاني ارحب فيك مع ان ما فيك ملح أعوذ بالله تقعد على التسبد (ask) |
اقتباس:
لا والله . طيب جربي واحقدي علي وتشوفي ويش راح اسوي فيك راح تلقين راسك بالفلبين وباقي جسمك في مدغشقر (q20) |
ماشاء الله موضوع حلو جداً ناقصه فصفص وشاهي
وجاء الخبل جداً وكمل عليه المهم السلاسل والأساور والوشوم انتشرت في اوساط شبابنا بفعل تقليدهم الأعمى للغرب وهذا مصداق لحديث المصطفى صلى الله عليه وسلم ( لتتبعن سنن من كان قبلكم حذو القذة بالقذة ششبرا بشر وذراعا بذراع ولو دخلوا جحر ضب لدخلتموه ) والرقابة التجاريه غائبة عن المحلات والملابس مافيه الا الله ثم هيئة الأمر بالمعروف والنهي عن المنكر ولولا الله ثم رجال الحسبة لحدث مالم يكن في الحسبان ولكن مثل مانت عارفة اليد الواحدة لاتصفق رجال الحسبه في الميدان لوحدهم ولانصير لهم الا الله شكرا لك |
اقتباس:
يله حقدت عليك الحين ورنا عندك خلي أضحك شوي (a14) |
اقتباس:
غدا بعد المغرب سيكون اخر يوم لك على وجة المنتدى وان غدا لناظره لقريب ؟؟ |
اقتباس:
عاد من زين موضوعك المحيوق اللي حاشر فيها اللعبه اللي أنت طايح فيها هاليومين حشر (q20) موضوع عن المخدرات آمنا بالله ... بس وش جاب فيه طاري اللعبه ما أدري ؟؟ أمي تقول : أحفظوهم عن الصلوغ والبلوغ البلوغ ... وعارفينه الصلوغ : هو المرحله اللي يمر فيها عبادي نت (q31) |
الساعة الآن 02:34 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir